Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 TIMOTIUS 1:15 - Nanduk Ngget Tul Pidnak Wene

15 Wene yu-ge ndemeret wene-o luk mondok kwara yebet kudtak wene-o: Kerisut Yesus iri-ge meya yugwi nap inmiri yekluk-nen nggweyak ma yu me lobok yamu-o. Nde, meya yugwi nap ennggendumu-nen-e mondok meya nggulok kwaroso-ge an-ner-o.

အခန်းကိုကြည့်ပါ။ ကော်ပီ




1 TIMOTIUS 1:15
41 ပူးပေါင်းရင်းမြစ်များ  

Iri kwarosolar-e, an-nen yigi wene ereba na yebet kasolar-e, ’Niri nera-nen yigi-o’ luk ninggiri-nen o liri bem, mabe bem yeba koreyak worasu-o” luk yij-o.


La kwe iri-nen-e li ap mbi ndaguwa-o. At elem nap-nen meya yogolat woraidnak iri na inmiri yaga wok unduwa me, unu-ge Yesus-o luk yarugun-o” luk yij-o.


Nde, li marik yu misik na mondok kinsili kudtak pug-o. An-nen yak kendeyeg-o: Aid arem-nen it-nen idnak aid nap iri-ge pempa pempa an Neid aid arem woraso na erare yik karok worali-o. [


Iri bem-e, Ap Ambara na-ge pul yidnak nap inmiri yekluk lobok yij-o.]”


Iri nggal-et Ap Ambara lobok yid iri-ge ap yongga wuruwakluk lobok yigir-e lag-o. Are, ap yongga endeyekluk, ap kwarat onnggo posolat iminep wesel korayekluk-nen lobok yij-o” luk yij-o.


Mburugupndig-e, Mbal Pem Nagawan engga mbarak pem-nen yosolar-e: ’Wam wosa namanggim pugwi iri-ge an nindingen-e lag-o. Are, ap enabuwa kagwi iri perak nde nindingen-o’ luk yid iri-ge kwara kenaru mer-o. Nde, an-nen-e luk tak nak kwarugwi nap na wene mbo enpeyekluk lobok yigi-ge lag-o. Are, meya kwarugwi nab-et wene mbo enpeyekluk lobok yukmu-o” luk yij-o.


It-nen yidnak wene Yesus-nen kuluruk yarik, it yak ondosolar-e: ”Ap ki-nen-e ndoktet ukwe-ge lag-o. Are, kugi worak nap-net ukwe-o. An-e lud tak nak woragwi nap iri wene mbo inpil lobok yukmu-ge lag-o. Are, meya yugwi nap irit wene mbo enpeyekluk lobok yukmu-o” luk yak indij-o.


Iri ala-ge, Parisi nap min imiri mbarak pidnak wene enaru nap min-nen at obok pogolar-e: ”At yu-ge meya yugwi nap imin tak unpuruk, inmin mburu nasu yu nde ker-o” luk yiga-o.


Nde, Ap Ambara an lobok yigi-ge, pul yidnak nap onkore yaga, inmiri yaga wok endeyekluk lobok yukmu-o” luk yij-o.


An-e konak nap wene mbo enpeyekluk lobok yigit lag-o. Are, meya yugwi iri na it meya yidnak keya buruk, kondok makluk wene mbo enpeyekluk lobok yigi-o” luk yij-o.


Alat nde, ap erep-nen-e at wok uburuk, at ebem inndi angin tubu yiga nab-e Mbal Pem Nagawan ilirak kwat momtak amawi wok indij-o.


Nene luk kub-e Yesus na Yoanes eram lobok yosola, Yoanes na-ge at yik karuk-nen yosolar-e: ”Mbal Pem Nagawan olomba wam marik ap pidsa meya yidnak lak tak poso nap iri nde ker-o.


Nde, an-nen yidnak wene kulurug-et nde, kuruk tuwa nap ebem-e an-nen wene mbarimin pug-o. An-e ki nap enpem wene mbareyekluk lobok yigi-ge lag-o. Are, ki nap pidsa inmiri yekluk-nen lobok yigi-o.


Ambara ebem indi angin tubu yusu nab-e urug-et pem-et woralik nalik wolmomtak elem wanusu-o. Nde, Ambara-nen yidnak wene kuruk tusu nab-e urug-et wolma bug-o. Are, Mbal Pem Nagawan isilepma-ge at ebem mondok puruk wolma-o.


Wirik inpidnak nap min anggamirak tak inpidnak nap Yurea woragwi-nen kuliganggal-e, ”Enlem nin nap-nen na Mbal Pem Nagawan-nen yidnak wene waniga-o” luk yogola kuliga-o.


Yak ondosola kulurug-e, puk lug-e, it-nen Mbal Pem Nagawan erembel wanogolar-e: ”Iri ala-ge, Mbal Pem Nagawan-nen enlem nin nap wok ondosolar-e, it kondok yogola, unlug-et wolmomtak elem wanuwakluk wok indij-o” luk erembel waniga-o.


Nde, kit kenmanggim-et nanduk nandug-et Mbal Pem Nagawan-nen at Ndegel Oboso Nap mendak puruk, kit kinmbiringgat tak konposolar-e, kit komondomok meya yogolat woraidnak keya buruk, nden yaga kinpil lobok yekluk, wirik pij-o” luk yij-o.


An iri kwarusu iri-ge an nelem nap enlengen ale rak posolat, it erep inmiri yekluk-nen iri kwarusu-o.


Nit nanduk ndeyak woragola, Mbal Pem Nagawan indi-n pidnak tarem ndak ndag-et yosolar-e, Kerisut-e Mbal Pem Nagawan ene tarugwi nap nenmanggim wat yamu-o.


Wirik inpidnak nap ereb-e kek tag-et nde, an-e teberag-o. Mbal Pem Nagawan-nen idnak lambuk tak inpidnak nap lel mberel inpigirik me, an nimin-e wirik inpidnak nab-o yurag-e meya-o.


Marak nap oboksa ennggendumu-nen an-e nagweyak nggal-et nde, Kerisut arengge wonarurak puk mende iri-ge enlem nin nap yak unduwakluk, Mbal Pem Nagawan-nen we wok ondoso bem-net wok neramu-o.


Nanduk woralar-e, an-e at obok posolat, lel mberel obosolat, nisilepma-nen meya rak obosolat yigi-t nde, iri tarem-e an at ebem nindi angin tubu yigit lak, naru buk worasolat-nen kwarigirik me, Mbal Pem Nagawan-nen an nubud kagaij-o.


kindi angin tubu yidnak min karem mbek tak pem min-et wim mbarosolat wolmin-o. Ap erep-nen-e it inndi konak yebet kagwi na-ge keya buruk, it inndi angin tubu yidnak na-ge lak tak piga-o.


Wene yu-ge ndemerer-o: ”Lambuk tak inpidnak nap yik eneyarok woraso nap teyeg-o” luk yusu nab-e konak yabu waneyekluk-nen yusu-o.


Wene yu-ge ndemeret wene-o luk mondok kwara yebet kudtak-nen yusu-o.


Yi mende ndi mende pidsa unluk wolmomtak mende wok ondoso Mbal Pem Nagawan imbiri bem-et, Pontius Pilatus anggarem ndemeret wene kinggirid nap Kerisut Yesus imbiri bem-et, kiri keresa wene yu yak kurusu-o:


Wene yu-ge mondok ndemerer-o: ”Nir-e at imin wat yidnak nde ala-ge, at imin-et nunluk mul-o.


An-nen yak kurusu yu-ge ndemeret wene-o. Mbal Pem Nagawan ebem inndi angin tubu yugwi nap-nen-e ndemeret konak nak kwarogolat wolmakluk, kat-nen wene yu-ge amawi rak purak iri-ge an-e nindingen-o. Iri kwarurak iri-ge ap pidsa enmanggim mondok konak lombok-nen yusu-o.


Iri bem-e ap Yesus ebem-nen Mbal Pem Nagawan eram lobok yili nab-e pem-et woralik nalik makluk, at-nen-e it inmiri yaga wok undurag-e ndak-nen yusu-o. Iri yusu iri-ge ar-e urug-et pem-et woralik nalik woraso me, it enmanggim-e Mbal Pem Nagawan emengen mbaroso-o.


Nde, Kerisut lobok yid iri-ge ap-nen meya yidnak korak peyekluk lobok yij-o luk kenaru nar-o. Nde, ar-e mondok meya mbi kwaroso bug-o.


Nde, Sere na-ge nanduk nanduk-net meya nak kwat tenak woraso me, meya nak kwat tenak woragwi nab-e Sere ilirak-net yili-o. Nde, Sere-nen kwaroso iri na lak tak peyekluk Mbal Pem Nagawan Ambara na nggweyak ma yu me lobok yij-o.


Kinggiridnak wene-ge yu-o. Mbal Pem Nagawan-nen-e nunlug-et woralik nalik momtak elem wok nindij-o. Nde, at Ambara iri-ge unlug-et woralik nalik momtak iri elem-nen yusu-o.


Iri luk, at nagawan-nen koreyak woraso ondoro bem koreyak worasu na-nen yosolar-e: ”An-nen-e yi mende ndi mende oboksa ngget mende nak ndak worak pusu-o!” luk yij-o. Iri luk, at-nen yak norosolar-e: ”Wene yeba-ge ndemerer-o luk inndi angin tubu yurak wene me, engga bem mbari-o” luk yak nirij-o.


Iri luk, aid nap iri-nen an yak norosolar-e: ”Wene yeba-ge ndemerer-o luk, inndi angin tubu yurak wene-nen yusu-o. Nde, Nagawan Indo Mbal Pem Nagawan-nen at Indi-ge at ene lomboksa yugwi nap wok unduruk, mondok yanem-et kwat ma ereba na at ndegel ubugwi nap mirik unpuwaklug-e, at-net at-nen idnak aid nab-e endam pil lobok yij-o” luk yak nirij-o.


It-nen ndawi ngget misik yogolar-e: ”Kar-e mondok kirikma, wat yigen iri bem-nen-e Mbal Pem Nagawan amanggim ap enlem ndomok oboksa min ap enne ndomok oboksa min ab-e ap oboksa min ap enlem oboksa min onnggo pigen pem-e kat-nen-e engga na wanuruk, lop nok tak pugwi mende, iri na punggururag-e kabam-net yusu-o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ