1 TIMOTIUS 1:1 - Nanduk Ngget Tul Pidnak Wene

¹ Ninmiri Yoso Mbal Pem Nagawan-nen yidnak pem-nen na, nit ninndi ebem mbung mbung tak woragwi Kerisut Yesus ebem-nen na, Kerisut Yesus-nen wirik nibidnak nap Paulus an-nen-e

1 TIMOTIUS 1:1 ပူးပေါင်းရင်းမြစ်များ

YESAYA 43:11

Nagawan Indo-ge an narig-et worasu-o. Kinmiri Yoso Nap misik mbi worasu-ge lag-o.

YESAYA 43:3

An-e Nagawan Indo Kembal Pem Nagawan, Kimiri Yoso Nap Mondok Marak Isarael Kembal Pem Nagawan-nen yusu-o. Kat lerak kubuwakluk onggo-ge Mesira pimin-o. Kat kondolma uwi yaga-ge Sundan min Seba min pimin-o.

YESAYA 45:15

Isarael nap inmiri yoso Mbal Pem Nagawan iri-ge kura nak woraso Mbal Pem Nagawan-nen yusu-o.

YESAYA 45:21

Kit-nen konowene nam-et nak yak nerer-o. Ndemerer-o luk yurak wene-ge para nam-et nak yer-o. It ereba-ge lambuksa wene mbaruwag-o. Ta-nen nanduk-net wene iri-ge wigarosolat, kenaru rak posolat kwaramu-o? Nagawan Indo an-net kwarukmu-o. Kugwiwak Mbal Pem Nagawan an nggal misik mbi worasu-ge lag-o. An-e mot mot kwarosolat, inmiri yosolat Mbal Pem Nagawan-nen yusu-o. An nggal nin mbi worasu bug-o.

YESAYA 49:26

An-nen-e kunuwim nab-e inndi lak lak tak posola, it nak it nak wat kerak mbuwa-o. Iri kwarogolat, ap enlem oboksa-nen enaru yogolar-e, Nagawan Indo kinmiri yoso nap an neresa-nen kinmiri yusu-o luk enaru ma-o. Iri-nen an-e Yakup Embal Pem Nagawan Mondok Amawi Worak wisirik konposo-nen yusu-o luk enaru ma-o” luk yij-o.

YESAYA 60:16

Kwami-nen inlirak ndegel onpogolat enparugu woragwi nggal, nagawan nagawan min ap enlem oboksa-nen ndegel kobogolat wolma-o. Iri yogola, kat-nen yebet kasolar-e: ’Nagawan Indo iri-ge an nimiri yoso, nde, Isarael Embal Pem Nagawan mondok amawi worag-e an wisirik noboso-nen yusu-o’ luk yebet kagun-o.

YESAYA 63:8

Nagawan Indo-nen yosolar-e: ”Ndemeret it iri-ge an nilirak-net yili-o. Nambararak iri-ge lugud tak mbi kwaruwa bug-o” luk yij-o. Iri ala karuk, ar-e it inmiri yoso nap kwat yosolar-e,

OSEA 13:4

Nagawan Indo-nen yosolar-e: ”An-e Nagawan Indo, Kenmbal Pem Nagawan Mesira-nen wok kunpuruk lobok yigi iri na-nen yusu-o. Kit Kenmbal Pem Nagawan-e nin mbi worasu-ge lag-o. An nak worasu-o. Kinmiri yoso-ge an narig-et nak worasu-o.

LUKAS 1:47

Mbal Pem Nagawan iri-ge an Nimiri Yoso ala, an nindi alin alen yusu-o.

LUKAS 2:11

Yawo kubu-ge kit kinmiri yurak nap, Nagawan Indo Kerisut iri-ge Ndaud ama-nen ndet yij-o.

YIDNAK YIDNAK WENE 9:15

Alat nde, Nagawan Indo-nen at yak tosolar-e: ”Irit nde, mbiri-o. Ap iri-ge an ndegel nobosolar-e, enlem nin nap min nagawan nagawan min Isarael nap min an nunu yak indil mburuwakluk an-nen lenak pidnak-nen yusu-o.

OROMA 1:1

Kerisut Yesus ndegel oboso nap Paulus an-nen engga yu mbarusu-o. Mbal Pem Nagawan-nen aid wene ap yak indil nurak pem wene mbo nuburuk, an-e wirik nibidnak nap tak nuburak pem len nibid nap-nen yusu-o.

1 KORINTUS 1:1

Mbal Pem Nagawan Indi-nen pidnak pem wene mbo nebaga Kerisut Yesus-nen wirik inpidnak nap tak nibidnak an Paulus min nit nennggam Sotenes min-nen

1 KORINTUS 9:17

An nindi-nen yabu wanosolat nggal-e, ”Onggo wok nerer-o” yeleb-o. Alat nde, an yabu wanusu yu-ge an nindi-nen wanusu-ge lag-o. An nebem-et pidnak ala-nen wanusu-o.

2 KORINTUS 1:1

Mbal Pem Nagawan indi-n pidnak pem Kerisut Yesus-nen idnak wirik nibidnak nap an Paulus min nennggam Timotius min-nen-e Mbal Pem Nagawan-nen idnak lambuk tak inpidnak nap Korintus woragwi kit kenmanggim na, Akaya uwi oboksa woragwi marak nap kit pidsa kenmanggim na, engga yu mbatli-o.

NGGALATIA 1:1

Wirik nibidnak nap Paulus an-e ki nap inndi-n pidnak pem-nen na lak, ki nap misik-nen mendak nibidnak pem-nen na lak, are, Yesus Kerisut min at uruk tak pid Nineid Mbal Pem Nagawan min-nen wirik nibid nap Paulus an-nen engga yu mbal kundusu-o.

NGGALATIA 1:11

Nowe nowosi wa-e. Wene yu kwara yak kendeyeg-o: An-nen yak kindidnak aid wene iri-ge ki nap inndi-nen peraidnak wene-ge lag-o.

KOLOSE 1:27

Mbal Pem Nagawan-nen ”Irit timin-o” luk yidnag-e yu nggal-o. At-nen idnak kura wene, kek tak pidnak wene iri-ge, ap enlem oboksa ennggendumu-nen nam tak purag-o luk yusu-o. Nde, kura wene iri-ge yu-o: Kerisut kit kenarem worala-ge, Mbal Pem Nagawan unu kek tak pidnak iri-ge totno-t wanul-o luk kinndi mbung mbung tak wolmomtag-o.

2 TESALONIKA 2:16

Nit Nenagawan Indo Yesus Kerisut at-nen na, Nineid Mbal Pem Nagawan-nen na, nit nenabuwa karuk, we wok ondoso elem pem-nen wok nondosolar-e, lak yoso buk inndi yangonoso elem min inndi mbung mbung tak woragwi elem min wok nunduruk,

1 TIMOTIUS 1:12

An-nen at eyabu yu wanuwakluk amawi wok nirid Nenagawan Indo Kerisut Yesus-nen-e at ndegel uburak pem ar-e ndak-net yusu-o luk neberaidnak pem an-nen wiwa-o yak tusu-o.

1 TIMOTIUS 2:3

Iri nggal yogolar-e, konak-nen yusu me, nit Ninmiri Yoso Mbal Pem Nagawan indingen tak purak mende-ge irir-o.

1 TIMOTIUS 2:7

Wene yu bem-nen an-nen-e enlem nin nab-e inndi angin tubu yurak wene min ndemeret wene min yak unduwakluk, wirik nibidnak nap min mul ondoso nap min irit len nebamu-o. Nde, an-e nenesiget yusu-ge lag-o. Ndemeret lombok yak kundusu-o.

1 TIMOTIUS 4:10

Nde, uruk nak woraso Mbal Pem Nagawan na ebem ninndi kwara mbung mbung tak worali me, nir-e nenmawi kondogolat, yabu kwarat wanili-o. Nde, Mbal Pem Nagawan iri-ge ap oboksa Inmiri Yoso Nab-et nde, nggog-e inndi angin tubu yidnak nap Inmiri Yoso-nen yusu-o.

TITUS 1:3

Nde, aid wene iri na nam tak purak tarem-net nam tak pij-o. Wene iri-ge an nebem pamu, Ninmiri Yoso Mbal Pem Nagawan-nen: ”Wene iri yi-o” yidnak pem-et yil nusu-o.

TITUS 2:10

enarengge yariya wanogolat yurak pug-o. Are, Ninmiri Yoso Mbal Pem Nagawan-nen yidnak wene iri-ge kek tak nak pogolat wolmakluk, ir-e pempa yi mende ndi mende kwarogolar-e, konak nak kwarogolat, mot mor-et kwarogolat mag-o.

TITUS 2:13

Nde, yawo-ge nit Nenmbal Pem Nagawan anggu obok worak min Ninmiri Yoso Nap Yesus Kerisut min-nen idnak abinal nam tak purak Tarem iri na bem nit ninndi mbung mbung tak woragwi iri na yik karok worali-o.

TITUS 3:4

Alat nde, Ninmiri Yoso Mbal Pem Nagawan-nen-e indi konak elem min nenabuwa kaso elem min mirik nonposolar-e,

TITUS 3:6

Ninmiri Yoso Yesus Kerisut ebem Mbal Pem Nagawan-nen Konak Indi-ge nit nenpem kwarat nggilara mberak pij-o.

1 PETERUS 1:21

At ebem nak-nen Mbal Pem Nagawan ebem kit kinndi angin tubu yili-o. Mbal Pem Nagawan-nen-e at iri na wat yidnak nap ennggendumu-nen uruk tak posolat, kek tak obosolat yij-o. Iri bem-e, Mbal Pem Nagawan ebem nak kinndi angin tubu yogolat, at ebem nak kinndi mbung mbung tak woragolat yili-o.

1 PETERUS 1:3

Nenagawan Indo Yesus Kerisut Eid Mbal Pem Nagawan irit wa yak tuwog-o. Nit nunpud kwarat kaso me, nit na ngget mende rak nenpeyekluk Yesus Kerisut iri-ge wat yidnak nap ennggendumu-nen uruk tak pij-o. Iri bem-e, nir-e woralik nalik wulmul-o luk ninndi mbung mbung tak worali-o.

2 PETERUS 1:1

Yesus Kerisut ndegel oboso nap, at-nen wirik nibidnak nap, Simon Peterus an-nen-e. Nenmbal Pem Nagawan min Ninmiri Yoso Yesus Kerisut min-nen-e lud tak nak kwaroso elem na bem-e kit kinndi angin tubu yuwakluk wok kondosolar-e, kit kinndi angin tubu yigep iri-ge nit ninndi angin tubu yige iri na nggal-et iminep mbarak irit wok kindid nap kenmanggim engga yu mbarusu-o.

1 YOANES 4:14

Mbal Pem Nagawan Ambara na nit nenlengen karuk, nit-nen ap erep yak ondogolar-e: ”At Ambara na-ge nggweyak ma nap inmiri yuwak-luk Eid-nen Ambara na pil mbuwagaij-o” luk yak indili-o.

YURAS 1:25

arig-et woraso Mbal Pem Nagawan, nit Ninmiri Yoso Nap iri amanggim-e nit Nenagawan Indo Yesus Kerisut na ebem-nen-e abinal min kek tak woraso elem min amawi elem min at-nen tenagoso elem min-e obi ereba kuri-net, yawo-nen na, woragolat nagolat na at amanggim-et wolmag-o. Amen.