1 TESALONIKA 5:21 - Nanduk Ngget Tul Pidnak Wene

²¹ Yi mende ndi mende oboksa kwara lombot puruk-net konak mende ala, puksa tena wolmer-o.

1 TESALONIKA 5:21 ပူးပေါင်းရင်းမြစ်များ

NGGOMO WENE 23:23

Ndemeret mul undugwi wene min indi worak elem min nggomo undugwi min yebet kagwi min iri mende oboksa-ge mondok onggo purag-o. Alat nde, nggok lombok me, onggo wanurag-e lag-o.

NGGOMO WENE 3:1

Nambara wa-e. An-nen nggomo korosolat mul kurusu wene-ge meme rak purak pug-o. ”Iri kwari-o” luk an-nen kebem pusu wene-ge pempa kindi yeberak wolmin-o.

YESAYA 8:20

Yogola, kat-nen it yak ondosolar-e: ”Nagawan Indo-nen yidnak yu kwara koler-o! Ap nde Nagawan Indo-nen yidnak wene iri na ndak ndak nde yigit lak yuwa nab-e abog-e wolma bug-o” luk yak indi-o.

LUKAS 12:57

Yuruk, Yesus-nen yosolar-e: ”Noluk-nen kir-e: ’Ndungtak kwarurak mende-ge yur-o’ luk kondomok-nen wat tak pili bug-o?

YOANES 15:4

An narem puksa woragola-ge, an na kit kenarem puksa woramin-o. Inggi na e elem min kundigit lak, arik woralar-e, engen poso bug-o. Iri nggal, kit-nen na an narem puksa woragit lak ala-ge, engen pugup pug-o.

YOANES 8:31

Iri ala-ge, Yesus-nen at ebem inndi angin tubu yidnak Yawuri nap na yak ondosolar-e: ”Kit-nen-e an-nen yidnak yidnag-et kwarogola-ge, ndemeret an nimin nugwi nap kwat yugub-o.

YIDNAK YIDNAK WENE 11:23

Wirik ibikma, wok yidnggal-e, Mbal Pem Nagawan-nen we wok ondoso mende iri na kasolug-e, alin alen kagaij-o. Karuk, it pidsa-nen tugup lak Nagawan Indo-nen yidnak yidnak kwat tenak wolmakluk nggomo indij-o.

YIDNAK YIDNAK WENE 14:22

Iri me wok lug-e, Yesus ene wanugwi nap na inndi wi yakolat-nen it inndi angin tubu yidnak pem tugup lak wolmakluk nggomo indiga-o. It-nen yogolar-e: ”Nir-e Mbal Pem Nagawan-nen tenagaidnak wi nggurak pem mondok andi bandi kwarat karuk-net nggurag-o” luk yak indiga-o.

YIDNAK YIDNAK WENE 17:11

O iri me woragwi Yawuri nap iri-ge it Tesalonika woragwi Yawuri nap nggal-e lag-o. Inndi konak irit woragolar-e, aid wene-ge enalen min-et wanogolat, iri yili wene-ge ndemeret wene, lak? luk enaru moklug-e, Mbal Pem Nagawan Engga-ge pempa mbenarogolat woraiga-o.

OROMA 12:2

Nggweyak ma nap-nen kwarugwi mende kwarurak pug-o. Are, kenpage nin luk, kinndi ngget tak pogola-ge, Mbal Pem Nagawan indi-n pidnak mende-ge konak mende, at alen kudtak iminep mbarak mende irit kenaru yugub-o.

OROMA 12:9

Ap enabuwa kagolar-e, ndemeret kinndi min-et enabuwa kudtag-o. Meya mende kinsili rak puruk, konak mende iri nak tena wolmomtag-o.

1 KORINTUS 15:58

Iri bem-e, nanggamirak kenabuwa worak wa-e. Tugup lak luk, unuk laksa irit woragolar-e, Nagawan Indo eyabu wanili iri-ge ebe lak mende ma-ge lag-o luk kenaru me, Nagawan Indo eyabu-ge pempa kenmawi min-et wok tenak wolmer-o.

1 KORINTUS 2:11

Ta nggal-nen ap indi arem-nen peraso mende aru-o? Mondok lak irir-o. At ondomok indi-nen perak aru-o. Iri nggal, Mbal Pem Nagawan indi-n peraso-ge Konak Indi ariget nak-nen perak aru-o.

NGGALATIA 6:10

Iri bem-e, nir-e ap oboksa konak tak unpurak worala ya-t nanongga konak tak onpogolat wolmomtag-o. Nde, mondok konak tak unpurag-e, totno ninndi angin tubu yidnak pem-nen nonowe nonowot tak inpidnak nap irit konak tak unpuwog-o.

EPESUS 5:10

Irit posola-ge, Mbal Pem Nagawan-nen indingen kaso mende irit mbenasa kenaru yogolat wolmer-o.

PILIPI 1:10

Iri nggal marig-e, kit-nen-e konak mende nak lena wanurag-e ndak ma-o. Iri lena wanogola-ge, Kerisut lobok yuwa tarem-nen-e kir-e mondok marak, meya na kenpem lak irit woragub-o.

PILIPI 3:16

Iri alat nde, yawo-ge nit nenaru yidnak wene ndemeret wene iri bem-et waring kagolat wolmog-o.

PILIPI 4:8

Nowe nowosi wa-e. Worok tak posolar-e, wene yu yak kendeyeg-o. Kit kinndi-nen yebet kagolar-e, lud tak kwarugwi min entembel wanugwi min mot mot nak kwarugwi min marak nak woragwi min konak mende min konak kulugwi mende min oboksa iri-ge kinndi konak tak purak mende worasola na, kek tak unpurak mende worasola na, iri mende oboksa bem nak kinndi-nen yebet kagolat wolmer-o.

1 TESALONIKA 5:15

Nde, meya kwarurak pem ap-nen onggo onggo kwaruwa naru, kwara wolmer-o. Kit kennggamtak inmin konak nak wolmomtak pem na irit, ap pidsa inmin konak nak wolmomtak pem na irit, pempa kenmawi kondogolat wolmer-o.

1 TESALONIKA 5:22

Nde, meya kwarugwi elem oboksa konmbol wok ter-o.

2 TESALONIKA 2:15

Iri bem-e, nenggamirak wa-e. Kit mondok tugup lak woragolar-e, nit-nen mirik kinpidnak wene-ge nenne bem-nen yak kindidnak wene na irit, engga bem mbal kindidnak wene na irit, puksa tena wolmer-o.

2 TIMOTIUS 1:15

O Asia woragwi nap pidsa an keya nuburuk ndi yogolar-e, ap Pigelus min Eremogenes min na irit keya nuburuk mbiriga wene kar-e karu nar-o.

2 TIMOTIUS 3:6

It ennggendumu ap erep-nen-e ap enma ya nggwilik nogolar-e, meya yurak inndi te yidnak kwami, it meya yidnak mondok kwarat-nen tebel inpidnak kwami, it-nen ukwe peraidnak nin tak nan tak kobong tak pidnak kwami ereba na enare puwokluk ya nggwilik nili-o.

2 TIMOTIUS 4:14

Posid konoso nap Aleksandet na-ge an kwarat meya rak nibij-o. Nagawan Indo-nen at-nen kwaridnak ndak ndag-et kwat ubuwa-o.

IBERANI 10:23

Mbal Pem Nagawan-nen-e at-nen urul pidnag-e mondok kwaroso-t me, ”Irit kwat nunpuwa-o” luk peragwi na bem ninndi mbung mbung tak woragwi iri-ge puksa tena wolmog-o.

1 YOANES 4:1

Nanggamirak kenabuwa worak wa-e. ”Konak Indi-ge nit nenarem worasu-o” luk yugwi nap pidsa enpem kinndi angin tubu yurak pug-o. Enesiget Mbal Pem Nagawan ene lomboksa yugwi nap kwarar-e yi wi ndi wi waring kali me, it enpem worasu indi-ge Mbal Pem Nagawan eram-nen lobok yid, lak? luk, kwara lombot purag-o.

NAM PARA WENE 2:2

Kit-nen kwarugwi min kit-nen kenmawi min yabu wanugwi min kit-nen mamak puruk woragwi min iri-ge an-e naru-o. Kit-nen meya yugwi nap kinsili rak inpili min, ap-nen yogolar-e: ’Nir-e wirik ninpidnak nap-nen yili-o’ luk yogola-t nde, kit-nen lombot unpuruk, ennesiget yugwi nab-er-o luk yenggerak inpili min iri na an-e naru-o.

NAM PARA WENE 2:25

Alat nde, kit-nen wanigep mende iri-ge puksa tena worakmu, an lobok eyeg-o.

NAM PARA WENE 3:11

An-e ndag-et nak lobok yimin-o. Nde, kit-nen ombol nggwe yidnak pem onggo wok kundurak mende na nin nap-nen mengga wanuwa naru, kit-nen wanigep mende iri-ge puksa tena wolmer-o.

NAM PARA WENE 3:3

Iri bem-e, kit-nen-e nanduk mirik kinpidnak wene kuligep na-ge tuguruk kwara yebet ker-o. Yebet karug-e, wene iri-nen yidnak yidnak kwarogolar-e, kit meya yidnak keya buruk, kondok yer-o. Nde, kir-e kunluk yigit lak ala-ge, an-e yariya wanugwi nap nggal kendam lobok yimin tarem iri-ge kir-e kabag-et woragub-o.