1 TESALONIKA 5:13 - Nanduk Ngget Tul Pidnak Wene

¹³ It-nen yabu wanili na bem-e, kit-nen mondok kwara kek tak onpogolat, enabuwa ker-o. Kit na kit-net lambinik konak nak wolmer-o.

1 TESALONIKA 5:13 ပူးပေါင်းရင်းမြစ်များ

NDAK WIRIDNAK WENE 45:24

Owerak ereba na wirik onposolat-nen yak ondosolar-e: ”Kir-e tu ndumu-ge yuk puk mburak pug-o” yak indij-o.

NDAWI ENGGA 133:1

Mbal Pem Nagawan ilirak kundik misiget woragolar-e, mondok enalen-e kwiye worak lombok-nen yusu-o.

MATIUS 10:40

”Ta-nen nde kit wok kunpusu nab-e an-et wok nubusu-o. Nde, an wok nubusu nab-e an wirik nibil lobok yid nap na-t wok ubusu-o.

MARAKUS 9:50

Mayu iri-ge konag-et nde, mayu nde undu lak ala-ge, nggesa-nen tuguruk undu worak tak purag-o? Iri bem-e, kid pidsa mayu yugurik inpidnak nab-et kwat yogolar-e, kit na kit-net kundik lambuksa wolmer-o” luk yij-o.

YOANES 15:17

An-nen kenpem pusu wene-ge yu-o: ’Nabuwa kabuwa nak kagolat wolmer-o’ luk yak kundusu-o.

2 KORINTUS 13:11

Worok tak posolar-e, nanggamirak wa-e. Wiwa-o. Iminep mbal yobok-nen kwara kenmawi kondogolat wolmer-o. An-nen nggomo kindidnak wene oboksa wanogolat wolmer-o. Kinndi misiget nak woragolar-e, lambuksa wolmer-o. Nde, Mbal Pem Nagawan-e ap enabuwa kaso elem na, lambuksa woragwi elem na kit kinmin wolma-o.

NGGALATIA 4:14

Alat nde, an nebe andi kaso iri-ge kit kinndi ngarurak mende nggal agaij-et nde, kit-nen-e kinsili rak nobogolat, kinmbit-nen wirik nobogolat yigir-e lag-o. Are, Mbal Pem Nagawan-nen idnak aid nap nggal wok nobogolat, Kerisut Yesus wok ibidnak nggal wok nibigeb-o.

NGGALATIA 5:22

Alat nde, Konak Indi-nen engen yosolar-e, ap enabuwa kagwi elem nde, enalin enalen woragwi elem nde, lambuksa woragwi elem nde, inndi luruk puruk woragwi nde, inndi namere woragwi nde, konak nak kwarugwi nde, yidnak yidnak nak kwarugwi nde,

NGGALATIA 6:6

Aid wene mul tidnak nap-nen-e at arengge konak mende iri na ereb-e at mul toso nap na wok tosolat wolmag-o.

EPESUS 4:3

Konak Indi-nen misiget tak kinpidnak iri-ge, lambuk tak kinpidnak elem pem-et kwara tena wolmer-o.

KOLOSE 3:15

Kerisut-nen idnak yamuksa woragwi elem-e kit kinndi arem ombo luk wolmag-o. Iri yurak pem-nen ebe misiget kwat yobokluk Mbal Pem Nagawan-nen wene mbo kinpij-o. Nde at ”Wiwa-o” yak togolat wolmer-o.

1 TESALONIKA 5:14

Nennggamirak wa-e. Kir-e wene kuruk tugwi nap iri nggomo ondogolat, inndi terak yugwi nap iri inndi uwi ya bogolat, ndeyak woragwi nap iri na yongga ondogolat, ap oboksa inmin kinndi luruk puruk wolmer-o luk kenmengen mbatli-o.

2 TESALONIKA 3:16

Nit lambuk tak nonposo elem Nagawan Indo at-nen-e pempa yi mende ndi mende bem-e lambuksa woragwi elem wok kondosolat wolmag-o. Nagawan Indo-ge kit pidsa kinmin wolmag-o.

2 TIMOTIUS 2:22

Ap sugwe-nen ukwe ukwe yugwi mende iri keya buruk, it inndi mbek tak pem-net Nagawan Indo emengen mbarugwi nap inmin-et kwarosolar-e, lud tak nak kwarugwi mende min inndi angin tubu yugwi elem min ap enabuwa kagwi elem min lambuksa woragwi elem min nak langgal luk mbiri-o.

IBERANI 12:14

Ap pidsa inmin kundik wolmomtak pem kenmawi konder-o. Nde, mbek tak worabokluk na kenmawi yer-o. Mbek tak woragwi buk nab-e ap misiget ter-o luk Nagawan Indo kujwa bug-o.

YAKOBUS 3:18

Lud tak nak kwarugwi iri-ge yamuksa wolmomtak nak inndi peragwi nap iri-nen yamuksa woragwi uwi pil kaidnak iri engen pidnak-nen yusu-o.