1 TESALONIKA 5:12 - Nanduk Ngget Tul Pidnak Wene

¹² Nennggamirak wa-e. Kit kennggendumu yabu wanili nap, Nagawan Indo-nen tu mirik konpogolat, nggomo kondogolat makluk len inpidnak nap iri-ge kit-nen-e kwara kek tak enper-o luk nir-e kiri keresa kenmengen mbatli-o.

1 TESALONIKA 5:12 ပူးပေါင်းရင်းမြစ်များ

LUKAS 10:7

Kir-e nggugup sa iri me-t woragolar-e, yabu wanidnak nab-e onggo-ge wanugwi me, it-nen mak kunduwa nunggwi mende nonggolat, yi nonggolat irit wolmer-o. Nde, kit-nen o nin me nggwilik, o nin me nggwilik waring kudtak pug-o.

YOANES 4:38

Kit-nen yabu wanigit lak sa-t nde, mburu ndagobokluk-nen wirik kinpigi-o. Nin nap-nen yabu wanuruk, yagaidnak mburu-ge kir-e kenalen pem we-t ndakub-o” luk yak indij-o.

YIDNAK YIDNAK WENE 20:28

Iri bem-e, kit na kit-net yik karok woragolat, Konak Indi-nen lomba wam ndok worak pidsa iri yik eneyarok wolmakluk mendak kinpidnak me, Mbal Pem Nagawan-nen at ambik Ambara eyabi bem-nen winde yidnak lambuk tak inpidnak nap iri na kit-nen-e lomba wam yik karok woragwi nap kwasa yik eneyarok wolmer-o.

YIDNAK YIDNAK WENE 20:35

Nde, namawi min-et yabu wanosolat woragi iri-ge nir-e yabu iri nggal wanogolat-nen ap ndeyak mondok yongga undurag-o luk mirik kinpigi-o. Nde, Yesus at ondomok-nen yosolar-e: ’Wanugwi iri-ge marig-et nde, ap wok undugwi iri-ge mondok imbiringgat-nen yusu-o’ luk yidnak iri-ge iri kwarogolat-nen yeberak wulmul-o” luk yak indij-o.

OROMA 16:12

Enmawi min Nagawan Indo ndegel ubugwi kwami Teripena min Teriposa min inmin-e ”Wa yak kindij-o” luk yak undurag-o. An nindi kundik kwe Peresis-nen-e Nagawan Indo eyabu kwarat wanoso kwe iri na imin-e ”Wa yak kirij-o” luk yak turag-o.

OROMA 16:6

Kit kenmanggim yabu kwarat wanid kwe Maria na imin-e ”Wa yak kirij-o” luk yak turag-o.

1 KORINTUS 12:28

Nde, Mbal Pem Nagawan-nen ap lambuk tak inpidnak ennggendumu ap pidsa onposolar-e: Nandug-er-e wirik inpidnak nap onposolat, imbirig-e, Mbal Pem Nagawan ene lomboksa yugwi nap onposolat, imbirig-e, ap mul undugwi nap onposolat, iri rak puruk imbirig-e, kwiye worak mende kwarugwi nap min ap ki rak unpurak amawi wok indidnak nap min yongga undugwi nap min enne kulugwi nap min nin wene nan wene bem yugwi nap min irit inpij-o.

1 KORINTUS 15:10

Alat nde, an yawo worasu yu-ge Mbal Pem Nagawan-nen we wok ondoso bem-net worasu-o. Nde, we wok ondoso mende wok nirid iri-ge ebe lak momtak pem wok nirij-e lag-o. Are, it wirik inpidnak nap ereb-e yabu we marik nggal wanogola-t nde, an-e yabu kwarat wanusu-o. Alat nde, an-nen wanusu-ge lag-o. Mbal Pem Nagawan-nen we wok ondoso mende-ge an nimin worala-nen wanusu-o.

1 KORINTUS 16:16

Iri nggal kwarugwi nap min it totno yabu wanogolat, ap ndegel onpogolat yugwi nap min-e kit-nen na it-nen yidnak yidnak kwarogolat wolmer-o luk an-e kenmengen mbarusu-o.

1 KORINTUS 16:18

It-nen-e an min kit min ninndi alen tak piga-o. Iri nggal kwarugwi nab-e kek tak enper-o.

1 KORINTUS 3:9

Nir-e Mbal Pem Nagawan imin yabu misiget erep wanili-o. Mbal Pem Nagawan eyabu min Mbal Pem Nagawan uwi worak min-e kit-nen yili-o.

2 KORINTUS 11:23

Ir-e Kerisut ndegel ubugwi nap-nen yili-a? Ap indi wawa-nen yugwi nggal yimin-et nde, it na ndegel ubugwi-t nde, an-e terak menna ndegel oboso-o. It yabu-ge mariget waniga-t nde, an perak nde yabu kwarat wanigi-o. Ir-e siyag-et linggamburok undugwi-t nde, an perak kwarat pem linggamburok nurugwi-o. Ir-e misik tarem nggal-et o kubu me inpil nggugwi-t nde, an-e kwarat pem o kubu me nibil nggugwi-o. An-e kwarat pem wat yugwi tu nggambut mu wok yukmu-o.

2 KORINTUS 5:9

Iri bem-e, nit nenpe imin woragolat-nen na irit, nenpe keya buruk-nen na irit, at alen tak ubuwokluk nenmawi kwindili-o.

2 KORINTUS 6:1

Nir-e Mbal Pem Nagawan imin yabu misiget erep wanugwi nap nit-nen nggomo kindili-o: Mbal Pem Nagawan-nen we wok ondoso elem wanigep iri na-ge ebe lak mende rak purak pug-o.

NGGALATIA 4:11

An-e kit kennggendumu yabu wanosolat woragi-ge ebe lak mende nde ma-o luk, numud keneyasu-o.

PILIPI 2:16

unlug-et wolmomtak wene iri-ge it yak ondogolat woragub-o. Kit nde iri nggal kwarugup pem-e, an-nen pong kasolat woragi min anggun panggun kasolat woragi min-e ebe lak mende yigit lak, are, Kerisut-nen idnak Tarem-nen kit kenpem-e an nalen kamin-o.

PILIPI 2:19

Nagawan Indo Yesus ebem an-e Timotius na-ge kit kendam ndag-et nak ibil lobok yurak perasu-o. Kit-nen kwatli wene kuluruk yimindig-e, an nindi yek yurak pem-nen yigi-o.

KOLOSE 1:29

Iri kwat unpurak pem an-e namawi min-et yabu wok tenak woralar-e, Kerisut-nen wok niridnak amawi kwarat iri na bem-nen yabu wanusu-o.

1 TESALONIKA 2:9

Nennggamirak wa-e. Nir-e nondomok neneyabu wanogolat siri mbige iri-ge kir-e yebet yebet tak worali-o. Nir-e Mbal Pem Nagawan-nen idnak aid wene yak kondogolat woragolar-e, angin tak kunpul naru, lengge-nen kubu-nen neneyabu wanogolat woraige nar-o.

1 TESALONIKA 4:1

Nanggamirak wa-e. Nir-e Nagawan Indo Yesus unu bem wene misik kwarobokluk kenmengen mbatli-o. Mbal Pem Nagawan indingen tak purak pem kwarogolat wolmomtak mende kwarobokluk mirik kinpige nar-o. Nde, kit iri nggal kwatli-t nde, mondok kwara kwarogolat worabog-o luk nggomo kindili-o.

1 TESALONIKA 5:14

Nennggamirak wa-e. Kir-e wene kuruk tugwi nap iri nggomo ondogolat, inndi terak yugwi nap iri inndi uwi ya bogolat, ndeyak woragwi nap iri na yongga ondogolat, ap oboksa inmin kinndi luruk puruk wolmer-o luk kenmengen mbatli-o.

1 TIMOTIUS 5:1

Ap inndi worak inmin-e wene mbaroksa yurak pug-o. Are, kat keid nggal tak puruk, nggomo wururag-o. Nde, ap sugwe inmin-e kat kanggamirak tak unpuruk,

1 TIMOTIUS 5:20

Ap erep inndi kwiye kujwakluk, it meya kwat tenak woragwi nab-e ap pidsa inmbiri bem-et innggiri wururag-o.

2 TIMOTIUS 2:6

Yabu wanoso nap-nen yabu wanosolat irigak mbidnak pem-e ebe yidnag-e at-net nanduk mbaroso-o.

TITUS 1:3

Nde, aid wene iri na nam tak purak tarem-net nam tak pij-o. Wene iri-ge an nebem pamu, Ninmiri Yoso Mbal Pem Nagawan-nen: ”Wene iri yi-o” yidnak pem-et yil nusu-o.

TITUS 1:5

Kereta keya kibigi na-ge yu nggal kwaronokluk-nen keya kibigi-o: Yabu erep worasu na worok tak posolat, o siri ndomok ogore yidnak nap mendak inpil mborosolar-e, an-nen yak kirigi yu yeberak wolmin-o:

TITUS 2:15

Wene yu oboksa mul ondosolat, nggomo ondosolat, meya kwarogola, met onposolat yosolar-e, kene amawi min-et yurag-o. Nde, ap misik-nen kat teberak nggal yik kiyudtag-e meya-o.

IBERANI 13:17

Kit kennggendumu enne kolobokluk mendak inpidnak nap-nen yidnak wene wanogolat, it-nen yidnak yidnak nak kwarogolat wolmer-o. It-nen-e kit kinndi yik karok woragolar-e, perari yili bug-o. Iri yili iri-ge ap inndi yik karok woraidnak pem Mbal Pem Nagawan-nen an nebem wene mbaruwa-o peragoluk-nen yik keneyarok worali-o. Nde, kit-nen nde it-nen yidnak yidnak kwarogola-ge, it eneyabu-ge enalen min-et wanogolat wolma-o. Nde, kit-nen iri kwarigit lak yogola-ge, it inndi puru min-et eneyabu wanuwa iri-nen kit kenmanggim-e ebe worak mende ma-ge lag-o.

IBERANI 13:7

Nandug-et Mbal Pem Nagawan-nen yidnak wene yak kunduwakluk mendak inpidnak nab-e yebet yebet tak wolmer-o. It unluk woragolat-nen kwarugwi enpage iri-ge kwara lombot puruk, it-nen inndi angin tubu yidnak iri-ge iri nggal-et kit-nen na kinndi angin tubu yogolat wolmer-o.

NAM PARA WENE 1:20

An ninggi kigit nggwe tena worasu wonaru tuju min, emas-nen konidnak tal tuju min iri bem-nen yidnak kura wene ebe-ge yu-o: Wonaru tuju iri-ge lambuk tak inpidnak nap tuju iri-nen idnak aid nap-nen yili-o. Nde, tal tuju iri-ge lambuk tak inpidnak nap o tuju iri-net yili-o” luk yak nirij-o.

NAM PARA WENE 2:12

”Peregamus woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge yalawi anggat ponok ponok worak tena worasu nap-nen yidnak wene-o.

NAM PARA WENE 2:18

”Tiatira woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge erengen-e kanduk nggal kere kererak, ijog-e kerep wiril nggal Mbal Pem Nagawan Ambara-nen yidnak wene-o.

NAM PARA WENE 2:3

Kir-e an nunu bem ala andi bandi kagolar-et nde, mamak puruk woragolat, kinndi tugup lak, uwi yak worali-o.

NAM PARA WENE 2:8

”Simirina woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge at tel koroso min min woroksiyem min, wat lug-et nde, tuguruk uruk yidnak nap iri na-nen yidnak wene-o.

NAM PARA WENE 3:1

”Sarandis woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge Mbal Pem Nagawan indi tuju min wonaru tuju min iri tena worasu nap-nen yidnak wene-o. Kit-nen kwatli an-e naru-o. Kir-e wat yidnak woragola-t nde, kunluk worali-o luk yak kindili-o.

NAM PARA WENE 3:14

”Laorikia woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge mot mot lud tak nak konggoroso nap, Mbal Pem Nagawan-nen ndak worak pidnak mende oboksa tel koroso Amin-nen yidnak wene-o.

NAM PARA WENE 3:7

”Pilandelpia woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge ndemeret marak nap iri-nen yusu wene-o. Nde, at iri-ge Ndaud-nen idnak tu imig worak pugwi tena woraso-o. Nde, at-nen nde tu kuwarak posoma-ge, ap misiger-o luk-nen lerak purag-e meya-o. Nde, at-nen tu lerak posoma-ge, ap misiger-o luk-nen kuwarurag-e meya-o.