1 TESALONIKA 4:6 - Nanduk Ngget Tul Pidnak Wene

⁶ Yu mende kwarugwi bem-e ap misik-nen at anggam meya rak posolat, at anggam ombol pem ludtak pug-o. Nandug-e wene yu yak kondogolar-e: ”Nagawan Indo-nen iri mende kwarugwi nap enpem wene mbaruwa-o” luk nir-e nenne amawi min yak kindige nar-o.

1 TESALONIKA 4:6 ပူးပေါင်းရင်းမြစ်များ

MBIRIGA WENE 20:15

Yariya wanurak pug-o.

MBIRIGA WENE 20:17

Ap misik arengge: uwi min ogwe min ndegel ubugwi min owam min egelerai wam min at arengge mende oboksa min ukwe yurak pug-o” yij-o.

NGGOMO WENE 20:14

Onggo pugwi nap-nen-e onggo kek tak ereba na karuk-nen yogolar-e: ”Onggo-ge mondok meya-o” yurug-et nde, onggo burug-e onggo tebek tak puruk wanidnak pem inndi kek yugwi-o.

NGGOMO WENE 20:23

Angin ndak wurugwi min angin ndak wurugwi kerep min ereba na bem-nen enmberam lagwi nab-e Nagawan Indo-nen-e isili eneyaso-o.

YESAYA 5:7

Nagawan Indo Mondok Amawi Worak iri na eyabu anggut yabu-ge Isarael nap-nen yusu-o. Nde, Yewura nap iri-ge Nagawan Indo-nen at eyapmu yagidnak anggut ari-nen yusu-o. At-nen-e it iri-ge mot mor-et kwarogolat wolmomtak enpem indi puruk worasola-t nde, lugud tak kwarugwi mende nak kwarogola eneyagaij-o. At-nen yebet kasolar-e, ir-e mot mot kwarugwi nggok tak puwa-o luk enperagaij-et nde, it-nen-e mot mot nak kwat unpuwakluk nggi yosola, enne nggwa nak kolamu-o. 5:8-30 Ayat ayat yeba arem-e yi meya ndi meya kwarugwi nab-e lak tak unpuwa wene mbarak worasu-o.

YEREMIA 7:6

Kir-e enlem nin nap min li marik mul min kweyap togwe min anggun panggun tak unpurak pug-o. O yu me woragwi meya kwarugwi buk nab-e mondok undurak pug-o. Kit-nen mbal pem nagawan nin-e erembel wanurak pug-o. Kit-nen iri kwarogola-ge, lak tak kunpuwa-o.

YEREMIA 9:4

Enambiktak lombok-nen ennggamirak enne amburu abiyem-o luk kwara wolmomtag-o. Onowe onowot eneyabi minggirig-et nde, it-nen yidnak wene-ge enarem nggwigit lak yogolat, Yakup-nen kwarid nggal-et it-nen na kwarogolar-e, it eneyabi minggirig-et nde, enmberam lujwa-o. Ap oboksa-nen enesiget ennggamirak onpok pil nin me nan me waring kali-o.

TEPAN OMBO-NEN KWARURAK WENE 19:11

Yariya wanurak pug-o. Ap enmberam ludtak pug-o. Kenesiget wene na yurak pug-o.

TEPAN OMBO-NEN KWARURAK WENE 19:13

Kir-e kennggamirak enarengge ondoro rak pogolat, enarengge mengga wanogolat kwarurak pug-o. Ap-nen onggo wok undurak pem yabu wanidnag-e onggo wok indigit lag-et mondok nene yurak pug-o.

MIKA 2:2

Ereba na kwarogolar-e, it-nen nde yabu misik wanurak perarug-e, yabu iri na-ge mengga wanogolat, nde, it-nen nde o misik ukwe perarug-e, o iri na ndela nggogolar-e, iri me woragwi nap ereba na enarengge enmawi bem mengga wanogolat, enpe na lel mberel onpogolat, kwat tenak woragola, enarengge wanili nab-e yamuksa worali bug-o.

MALEAKI 3:5

Nagawan Indo Mondok Amawi worak iri na-nen yosolar-e: ”An-e kenpem wene mbenareyekluk lobok yimin-o. Nde, kugwi kwal ombo min mbabi kwarugwi min ennesiget ap enpem wene pugwi min ap-nen yabu wanidnak pem onggo wok ondogolat lugud tak kwat unpugwi nap min kweyap togwe min li mul ineid iniya lak min ap sal min ereba na lel mberel unpugwi nap min an kek tak nubugwi buk nap oboksa min it oboksa-nen kwatli ereba-ge an ndag-et nak lobok yosolar-e, enpem wene mbenarimin-o” luk yij-o.

MARAKUS 10:19

Mbal Pem Nagawan-nen ’Irit kwarurag-o’ yidnak wene-ge: ’Ap wururak pug-o. Ap onkwe yeburak pug-o. Yariya wanurak pug-o. Kenesiget wene bem ap onpok purak pug-o. Ap onmbol pem ludtak pug-o. Keid kija-nen yidnak yidnak kwarurag-o’ luk yidnak wene iri-ge kar-e karu nar-o” luk yak tij-o.

LUKAS 12:5

Nde, kit-nen aye kudtak nap perak mirik kenpeyeg-o. Kunduruk, kan mare arem mbo kunpurak amawi worak Mbal Pem Nagawan iri nak aye ker-o. Mondok aye kudtag-e Mbal Pem Nagawan-er-o.

LUKAS 16:28

Iri me-ge an nowosirag-e lima worali me, ir-e andi bandi kagwi sa yu me ngguma naru, kirimbi yak unduwak-nen Lasarus irige wirik pi-o’ luk yij-o.

OROMA 1:18

Ap-nen meya yidnak iri-nen ndowaga Mbal Pem Nagawan enaru yurak iri kabak tak pusu bem-e Mbal Pem Nagawan isilepma-ge aid arem-nen ap-nen wene kuruk tugwi min meya kwarugwi min oboksa ebem nam tak pusu-o.

OROMA 12:19

Nenggamirak kenabuwa worak wa-e. Kit-nen onggo purag-e mondok lag-o. Are, Mbal Pem Nagawan isilepma-ge ap na ebem mbuwakluk, at eram nak keya burag-o. Mbal Pem Nagawan engga mbarak pem-nen yosolar-e: ”Onggo purak nab-e an-net yusu me, onggo an-net pimin-o luk Nagawan Indo-nen yij-o” luk yij-o.

OROMA 13:4

Pemerinta iri-ge kit konak nak worabokluk Mbal Pem Nagawan eyabu wanugwi nap-nen yili-o. Alat nde, kit-nen nde meya kwarogola-ge, it enaye yugub-o. Nde, pemerinta-nen san ininggem worali iri-ge we-t ininggem worali-ge lag-o. Pemerinta iri-ge Mbal Pem Nagawan ndegel ubugwi nap me, Mbal Pem Nagawan isilepma-ge meya kwarugwi nap enpem pili-o.

2 KORINTUS 7:11

Nde, Mbal Pem Nagawan indi-n pidnak pem-nen kit kinndi puru bera yidnak iri-nen kit kenarem engen kwarat pid iri ker-o: Kir-e kondomok kenlat mbarogolat, kinsili-nen kinsilepma yogolat, kwiye yogolat, kenmawi kondogolat, ap-nen meya yidnak pem angin worak mende enpem purak kinndi yogolat yili irir-o. Iri kwarogolat-nen-e, wene iri oboksa bem-e kit-nen meya mbi kwatli buk irit yak nindili-o.

NGGALATIA 5:21

at nak nggok yusu-a? luk insilepma yugwi nde, anggut engen amburu ndonggosa nuruk inndi wawa yugwi nde, meya kwarurak pem inik inik sakwi nde, ereba nggal erep min kwarogolat woragwi-o. Nanduk yak kindigi na nggal-et yawo na yak kundusu-o. Iri mende kwarugwi nab-e Mbal Pem Nagawan-nen tenagaidnak wi-ge winde yuwa bug-o.

EPESUS 4:17

Iri bem-e, an-e wene yu yak kondosolar-e, Nagawan Indo unu bem nene amawi min-et yak kundusu-o: Kir-e tuguruk Mbal Pem Nagawan enaru buk nap-nen kwarugwi mende kwatli-ge meyog-o. It inndi-n perali mende-ge ebe lak mende-net yusu-o.

EPESUS 4:28

Nde, yariya wanoso nab-e tuguruk yariya wanurak pug-o. Are, at ondomok inggi-nen yabu amawisa wanuruk, konak nak kwarosolar-e, insilobulo lak nap tembesa wok endeyekluk yabu wanosolat wolmag-o.

EPESUS 5:6

Ap-nen-e ebe lak wene iri na yak kondogolat, konmbol pem ludtag-e meya-o. Iri nggal kwarogolat woraidnak pem-e Mbal Pem Nagawan isilepma-ge at-nen yidnak wene kuruk tugwi nap enpem mbuma-o.

TUGURUK YIDNAK WENE 24:7

Kit Isarael nap-net nde kit kennggendumu ap misik-nen Isarael nap misik kuraguwarik, at ndegel oboso nap tak posolat ala na irit, onggo wanosolat ala na irit kwarosola-ge, ap iri-ge mondok worogolat, meya iri mende-ge kit kennggendumu-nen lak tak purag-o.

TUGURUK YIDNAK WENE 32:35

Nagawan Indo-nen onggo posolar-e, mondok angin worak mende enpem puwa-o. It wosa mburak tarem panggo yosolar-e, it yigisa keya unpurak tarem yanem-et wok ma-o.

1 TESALONIKA 2:11

Nde, nir-e kit kenariktak kwat konpogolar-e, ineidtak-nen it ondomok inlirak kwat unpugwi nggal-et kwat kinpige na-ge kenaru nar-o.

2 TESALONIKA 1:8

Kan mare min lobok yosolar-e, Mbal Pem Nagawan-e ndemerer-o luk yugwi buk nap min Nenagawan Indo Yesus-nen yidnak aid wene kuruk tugwi nap min enpem angin worak mende puwa-o.

IBERANI 13:4

Ap oboksa-nen wok kerak mbugwi iri-ge konak-net yusu-o luk pururag-o. Nde, un min ogwe min-e mbabi kwarogolat wolmomtak pug-o. Nde, terak ye unpugwi min mbabi yugwi min enpem-e Mbal Pem Nagawan-nen wene mbaruwa-o.

IBERANI 2:6

Are, Mbal Pem Nagawan engga mbi arem-nen yosolar-e: ”Mbal Pem Nagawan wa-e. Nggweyak ma nap iri-ge no ala-nen kat kindi yebet eyasu-o? Nggweyak ma nap iri-ge nggweyak ma nab-et nde, kar-e noluk-nen kumud eyasu-o?

YAKOBUS 2:6

Alat nde, kit-nen-e enarengge lak nab-e no yik kidnak nggal tak inpili-o. Nde, kit teberak konpogolat, kenpem wene mbarugwi sa lit keneyaruk mbitli nab-e enarengge worak nap-net kwat kinpili yu kali bug-a?

YAKOBUS 5:4

Kir-e kit keneyabu wanili nap iri onggo wok indili bug-o. Iri ala karuk, nggi kererenak worali iri koler-o. Kunmburu kenmanggim ndakwi nap-nen-e: ”Wok nender-o” luk kum mbo bili iri-ge Mbal Pem Nagawan Amawi worak Nagawan Indo na eyanggo ma nggwij-o.