1 TESALONIKA 4:3 - Nanduk Ngget Tul Pidnak Wene

³ Mbal Pem Nagawan indi-n pidnak mende-ge yu-o: Kir-e marak nak woragolat, kwami terak terak ye unpugwi buk irit wolmer-o.

1 TESALONIKA 4:3 ပူးပေါင်းရင်းမြစ်များ

NDAWI ENGGA 40:8

’Mbal Pem Nagawan wa-e. Kat kindi-n pidnak kwarurak iri-ge an-e nindingen-o. Kat-nen idnak imiri mbarak pidnak wene-ge an narem pukmu-o’ luk mbarak worasu-o” yigi-o.

MATIUS 12:50

An Neid aid arem woraso na indi-n pidnak nak kwatli nab-e iri-ge nowottak li ap min nowottak li kwami min an niya min-nen yusu-o” luk yij-o.

MATIUS 15:19

Nde, meya yebet kagwi elem ap enarem-nen mborosolar-e, ap wurugwi min ap onkwe yebugwi min kwami terak yenpugwi min yariya wanugwi min enesiget wene ap enpem pugwi min ap onpok pugwi min mburusu-o.

MATIUS 5:32

an-nen yak kendeyeg-o: At ogwe na-ge nin nap-nen yebigit lag-et nde, ap-nen at ogwe iri na keya bosola-ge, kwe iri na-nen nin nap wanuwama-ge, un iri na-nen ogwe na mbabi kwaroso rak pusu-o. Nde, kwe keya bidnak iri na wanuwa nab-e mbabi-t yusu-o.

MATIUS 7:21

”An nimin-e: ’Nagawan Indo wa-e. Nagawan Indo wa-e’ yugwi nap oboksa-nen-e Mbal Pem Nagawan-nen tenagaidnak wi ngguwa bug-o. Are, an Neid aid arem woraso na indi-n pidnak nak kwarugwi nap it nak-nen ngguwa-o.

MARAKUS 3:35

Mbal Pem Nagawan indi-n pidnak kwarusu nab-e an nowosirak li ap min an nowosirak li kwami min an niya min-nen yili-o” luk yij-o.

YOANES 4:34

Yogolikma-ge, Yesus-nen it yak ondosolar-e: ”An numburu-ge an wirik nibil lobok yidnak nap iri na indi-n pidnak nak kwarosolat, at-nen yabu nebem pidnak na woroksa wanosolat yurak irir-o.

YOANES 7:17

Nde, ta-nen nde Mbal Pem Nagawan indi-n pidnak kwareyeg-o luk peraidnak nap-nen-e an-nen mul ondoso wene yu-ge Mbal Pem Nagawan eram-nen lobok yidnak wene nde mul undusu, lak? Are, at indi-n pidnak wene nde mul undusu-a? luk aru yuwa-o.

YIDNAK YIDNAK WENE 15:20

Alat nde, nunggwi mende kugi amanggim pidnak min mbabi yugwi min pip ndonggoksa wat yidnak ino min eyabi min mondok keya ber-o luk it enmanggim engga mbaruwog-o.

YIDNAK YIDNAK WENE 15:29

Nde iri-ge, nunggwi mende kugi amanggim pidnak min eyabi min pip ndonggoksa wat yidnak ino min mbabi yugwi min ereya-ge mondok keya burag-o. Nde, ereya mende nde keya bugupndig-e, konag-et kwarugub-o. Irir-o. Naptak wiwa-o” luk engga mbariga-o.

YIDNAK YIDNAK WENE 20:32

Nde, yawo-ge an-e Mbal Pem Nagawan min at-nen we wok ondoso wene min inggem kegera kunpusu-o. At-nen-e tugup lak tak konposolat, marak inpidnak nap pidsa enmanggim lud tak pidnak imining angge iri-ge it inmin lambuksa wok kondosolat kwarurag-e ndak-nen yusu-o.

YIDNAK YIDNAK WENE 26:18

It enlengen kuwarak pugunmu-ge, it-nen ndamuk arem-nen nden karuk, yaya ambigit nggwe lobok yogolat, Sere inggiyapma-nen Mbal Pem Nagawan ambigit nggwe lobok yogola-ge, it meya yidnak iri-ge an-nen namberam tak posola, an nebem inndi angin tubu yidnak pem korak inpidnak nap inmin lambuk makluk, endam wirik kibimin irir-o’ luk yak nirij-o.

OROMA 1:29

Keya onposola-ge, it enarem-e yi meya ndi meya yu-nen yebet tak worasolar-e, meya kwarugwi mende min ukwe ukwe yugwi mende min emben to rak mende min enlengen ale nak yurak min ap undugwi min yig pugwi min ap enmberam lagwi min mabin puruk woragwi min ap onpok pugwi min

OROMA 12:2

Nggweyak ma nap-nen kwarugwi mende kwarurak pug-o. Are, kenpage nin luk, kinndi ngget tak pogola-ge, Mbal Pem Nagawan indi-n pidnak mende-ge konak mende, at alen kudtak iminep mbarak mende irit kenaru yugub-o.

OROMA 6:22

Alat nde, yawo-ge kir-e meya kwarugwi elem ndegel ubugwi inggem-nen weserak kinpidnak me, kir-e Mbal Pem Nagawan ndegel ubugwi nap-net yili-o. Iri bem-e, kit-nen onggo wanogolar-e, Mbal Pem Nagawan amanggim nak woragup pem-e kunlug-et woralik nalik woragub-o.

1 KORINTUS 1:30

Alat nde, Mbal Pem Nagawan ebem-e Kerisut Yesus imin kundik kinpidnak worali-o. Kerisut iri-ge Mbal Pem Nagawan-nen-e nit ninndi tenggerak elem tak obosolat, at ebem-et mot mot tak nonposolat, mbek tak nonposolat, nonnggo paga weserak nonposolat yij-o.

1 KORINTUS 7:2

Alat nde, mbabi yul naru, ap-nen-e enambik tak onkwe wanogolat, kweyap-nen-e enambik tak unun wanogolat mag-o.

2 KORINTUS 12:21

An tuguruk wok yimin nggal, kit kinmbiri bem Mbal Pem Nagawan-nen an ninggiri wuruwa iri-ge nanduk kwarogolat woraidnak nap-nen-e it meya kwarogolat woragwi-ge kop kap tobok tak kwarugwi min kwami terak ye unpugwi min kwarugwi buk mende kwarugwi min iri kwarugwi keya buruk kondok yigit lak ala karuk, an-e yip kwarat timin-o luk numud kasu-o.

NGGALATIA 5:19

Ki nap-nen kwarugwi mende iri-ge nam-et kali nar-o. Ki nap-nen kwarugwi mende-nen kwarogolar-e, mbabi yugwi nde, kwami terak ya ye inpigit kwarugwi nde, ap nak ap nak yebegerak mbugwi nde,

EPESUS 5:17

Iri bem-e tabuksa wolmomtak pug-o. Are, Nagawan Indo indi-n pidnak wene yenggerak pobok-nen kenmawi kondogolat wolmer-o.

EPESUS 6:6

It ndegel onpogolar-e, it enalen tak purak pem it-nen yik keneyarok woragola-nen nak kwarurag-e lag-o. Are, an-e Kerisut ndegel oboso-nen yusu-o peragoluk, kit kinndi-net Mbal Pem Nagawan indi-n pidnak irit it ndegel onpogolat wolmer-o.

KOLOSE 1:9

Iri bem-e kit konpok kulige kuri-nen yawo kuri-ge nir-e pempa kit kenmanggim tepan-e kundugu yili-o. Kit kenmanggim Mbal Pem Nagawan emengen mbarogolar-e: ”Kat kindi-n pidnak parosa enaru makluk, inndi tenggerak elem oboksa min ndemeret yebet kagwi elem min wok indi-o” luk emengen mbatli-o.

KOLOSE 3:5

Iri ala-ge, kir-e nggweyak ma nap woragolat-nen ukwe ukwe yugwi mende-ge mbabi yugwi nde, mbilaro ngin mende kwarugwi nde, mbabi kwarurak ukwe ukwe yugwi nde, meya nak kwarurak peragwi nde, worala-t nde ukwe nak yugwi nde, iri-ge oboksa worak pugup na-e. Nde, worala-t nde ukwe nak yugwi iri-ge kugiwak erembel wanugwi-nen yusu-o.

KOLOSE 4:12

Kit kenma nap misik, Kerisut Yesus ndegel oboso nap Epaparas-nen-e wiwa yak kundusu-o. Nde, at iri-nen-e pempa pempa kit kenmanggim kiri keresa tepan yosolar-e: ”It inndi tugup lak woragolat, iminep mbarak woragolat, Mbal Pem Nagawan indi-n pidnak nak kwarogolat wolmag-o” luk Mbal Pem Nagawan emengen mbaroso-o.

1 TESALONIKA 4:2

Nagawan Indo Yesus unu bem-nen ”Iri nggal kwaru-o” luk mirik kinpige-ge kenaru nar-o.

1 TESALONIKA 4:4

Kit ap kenambik tak-nen konkwe wanogolar-e, marak nak woragolar-e, konak nak kwarurak iri-ge kenaru tobog-o.

1 TESALONIKA 5:18

Nde, Yesus Kerisut imin kundik woragolat-nen Mbal Pem Nagawan indi-n pidnak kwarugwi-ge yu-o: Kir-e yi mende ndi mende kwat kinpidnak pem Mbal Pem Nagawan wa yak togolat wolmer-o.

1 TESALONIKA 5:23

Yamuksa woragwi elem Mbal Pem Nagawan-nen-e marak kunpuruk, iminep mbarak konposolar-e, kinndi min kenpe min oboksa nit Nenagawan Indo Yesus Kerisut lobok yurak tarem-nen mondok kop kap lak woraboklug-e, kontowarak wolmag-o.

2 TESALONIKA 2:13

Nennggamirak Nagawan Indo-nen kenabuwa kaso wa-e. Kit kenpem ala, nir-e mondok pempa Mbal Pem Nagawan wa-o yak togolat wulmul-o. Tel kwiridnak kuri-net Mbal Pem Nagawan-nen kinmiri yekluk len konposolar-e, Konak Indi-nen mbek tak kinpidnak pem na, ndemeret wene bem kinndi angin tubu yigep pem na len kinpij-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

IBERANI 10:36

Mbal Pem Nagawan indi-n pidnak kwarobok-nen kir-e mondok mamak puruk wolmer-o. Nde, iri kwarugup pem-e Mbal Pem Nagawan-nen urul pidnak mende na-ge wanugub-o.

IBERANI 12:16

Nde, kit kennggendumu-nen ap misik-nen mbabi kwarosolat, Esau-nen kwarid nggal konak mende na ebe lak mende nggal tak posolat ma naru, kwil kwalsa wolmer-o. Esau na-ge manggu nderak nak-nen wanugwi imbiringgat mende na-ge misiget pem norak piring iri na min onggo onggo rak pamu-o.

IBERANI 13:21

Yamuksa woragwi elem Mbal Pem Nagawan-nen konak mende oboksa wok kondosola, iri bem-nen Mbal Pem Nagawan indi-n pidnak nak kwarobokluk, ndak tak kunpuwag-o. At indi-n peraidnag-e Yesus Kerisut ebem-nen Mbal Pem Nagawan-nen nit nenarem yabu wanuwag-o. Nde, Yesus Kerisut na-ge kek tak pem-et woralik nalik wolmag-o. Amen.

IBERANI 13:4

Ap oboksa-nen wok kerak mbugwi iri-ge konak-net yusu-o luk pururag-o. Nde, un min ogwe min-e mbabi kwarogolat wolmomtak pug-o. Nde, terak ye unpugwi min mbabi yugwi min enpem-e Mbal Pem Nagawan-nen wene mbaruwa-o.

1 PETERUS 1:2

Nineid Mbal Pem Nagawan indi-n pidnak pem-net at elem nap makluk len kinpid iri-ge Konak Indi-nen at amanggim nap tak kunpuwakluk, Yesus Kerisut-nen yidnak yidnak kwarobokluk, at eyabi-nen mbek tak kunpuwakluk len kinpid irir-o. We wok ondoso elem min lambuksa woragwi elem min kwarat wok kondosolat wolmag-o.

1 PETERUS 4:2

Iri bem-e, we yawo ya woragolar-e, ki nap-nen ukwe ukwe yugwi langgal luk mbururak pug-o. Are, Mbal Pem Nagawan indi-nen pidnak irit langgal luk mberer-o.

1 YOANES 2:17

O nggweyak yu min nggweyak ma mende ukwe ukwe yugwi mende pidsa min-e lak yusu-o. Alat nde, Mbal Pem Nagawan indi-n pidnak nak kwat tenak wolma nab-e urug-et pem-et woralik nalik wolma-o.

NAM PARA WENE 21:8

Alat nde, kwiye kagwi nap min inndi angin tubu yugwi buk nap min kwarugwi buk mende kwarugwi nap min ap undugwi nap min terak terak ye unpugwi nap min kwal ombo min kugiwak erembel wanugwi min enesiget yugwi nap oboksa min it ondoro-ge emben worak kule (belerang) laso kan mare arem-nen yusu-o. Nde, iri-ge mberen pem tak posolat wat momtak elem-nen yusu-o” luk yij-o.

NAM PARA WENE 22:15

Alat nde, kwarugwi buk mende kwarugwi nap min kwal ombo min terak terak ye unpugwi min ap wurugwi nap min kugiwak erembel wanugwi nap min ininggi-nen kwarugwi mende bem-nen na, enne bem-nen na ennesiget yugwi nap it oboksa ondoro-ge mbepme nggwe wolma-o.