1 TESALONIKA 4:11 - Nanduk Ngget Tul Pidnak Wene

¹¹ ”Nir-e yamuksa wolmog-o” luk kinndi-nen peragolat, kit kondomok konowene mbarogolat, kit kondomok kininggi-nen yabu wanogolat wolmer-o luk nanduk-nen na yak kindige nar-o.

1 TESALONIKA 4:11 ပူးပေါင်းရင်းမြစ်များ

MARAKUS 13:34

Iri-ge yu nggal-nen yusu-o. Ap misig-e at uwi keya buruk, o nin sa mbereyeklug-e, at ndegel ubugwi nap-nen enarik tak wanogolat wolmomtak mende enpem puruk, tumende yik karok woraso nap iri na yak tosolar-e: ’Kwara yik karok worasolar-e, kurug-et wolmin-o’ luk yak turuk, mbirij-o.

YIDNAK YIDNAK WENE 18:3

Nde, it iri-ge at-nen wanoso nggal yabu misiget erep wanugwi nap ala, inmin woralar-e, lambuksa-nen o lije wururak sum panggarogolat woraiga-o.

YIDNAK YIDNAK WENE 20:35

Nde, namawi min-et yabu wanosolat woragi iri-ge nir-e yabu iri nggal wanogolat-nen ap ndeyak mondok yongga undurag-o luk mirik kinpigi-o. Nde, Yesus at ondomok-nen yosolar-e: ’Wanugwi iri-ge marig-et nde, ap wok undugwi iri-ge mondok imbiringgat-nen yusu-o’ luk yidnak iri-ge iri kwarogolat-nen yeberak wulmul-o” luk yak indij-o.

OROMA 12:11

Yabu kwara wanogolar-e, perari yurak pug-o. Kinndi embem pem-net Nagawan Indo eyabu wanogolat wolmer-o.

OROMA 15:20

An-nen peraso-ge yu-o: Kerisut unu kulugwi buk sa nak aid wene yak indil nurak peraso-o. An-e nin nap-nen o ugwi pidnak pem o wirimin naru-nen irit kwaroso-o.

1 KORINTUS 4:12

nit nininggi bem-net yabu kwarat wanogolat yili-o. Ap-nen nde wene meya yak nondogola, nit-nen-e konak wene nak onggo yak indili-o. Ap-nen nde lel mberel nonpogola-ge, nit-nen-e mamak puruk worali-o.

2 KORINTUS 5:9

Iri bem-e, nit nenpe imin woragolat-nen na irit, nenpe keya buruk-nen na irit, at alen tak ubuwokluk nenmawi kwindili-o.

EPESUS 4:28

Nde, yariya wanoso nab-e tuguruk yariya wanurak pug-o. Are, at ondomok inggi-nen yabu amawisa wanuruk, konak nak kwarosolar-e, insilobulo lak nap tembesa wok endeyekluk yabu wanosolat wolmag-o.

1 TIMOTIUS 2:2

Nir-e yamuksa wene lak Mbal Pem Nagawan-nen kwaroso nggal konak nak wolmoklug-e, nagawan nagawan min ap yulok nggulok pidsa min enmanggim tepan yogolat wolmer-o.

1 TIMOTIUS 5:13

Iri-nen-o, ir-e perari lembe yogolar-e, ap enma ya nggwilik nili-ge meya-t nde, meya nggulok kwarogolar-e, enmende amburu waruk nogolar-e, ap onpok pogolat, ap onowene-t nde, erep tenakolat, yurak puk wene-t nde yogolat yili-o.

TITUS 3:14

It-nen pempa ukwe peragwi mende na ndak nak wolmakluk, nit nab-e konak nak kwarurak iri-ge mondok kwarogolat wolmag-o. Ir-e we kasabat wolmomtag-e meya-o.

1 PETERUS 3:4

Are, kinndi kigirik wolmomtak iri-ge kinndi arem nak-nen mburuwag-o. Nde iri-ge pem-et wolmomtak indi yamanak, yamuksa woragwi indi iri-ge Mbal Pem Nagawan erengen pem-e onggo nggulok mende-nen yusu-o.

1 PETERUS 4:15

Kit kennggendumu ap misiger-o luk tet ap wiridnak pem ala na, yariya wanidnak pem ala na, meya kwaridnak pem ala na, ap onowene abare lombok tidnak pem ala na, andi bandi kudtag-e meya-o.