1 TESALONIKA 3:4 - Nanduk Ngget Tul Pidnak Wene

⁴ Nde, nit nanduk kit kinmin woragolar-e, abuwok ma-net ”Lel mberel nunpuwa o” luk mondok yak kindige-o. Nde, yak kindige iri na nggal-et ndemeret kwat ninpili-ge kir-e kenaru yili-o.

1 TESALONIKA 3:4 ပူးပေါင်းရင်းမြစ်များ

MATIUS 24:25

Kwara kinndi yebet ker-o. Awo kwarigit lak ma-net yak kindigi nar-o.

YIDNAK YIDNAK WENE 17:1

Nde, mberen nap na-ge Ampipolis min Apolonia min nggwe-nen Tesalonika wok yiga-o. Iri me-ge Yawuri nap-nen tepan yugwi wi mbi woragaij-o.

YIDNAK YIDNAK WENE 17:13

Alat nde, ”Paulus na-ge Mberea-nen na Mbal Pem Nagawan-nen yidnak wene yusu-o” yogola kulurug-e, Tesalonika woragwi Yawuri nap na iri me lobok yigarik, it kwarat ereba na enarem woraga pil nggogolat, insilepma rak onpogolat yiga-o.

YIDNAK YIDNAK WENE 20:24

Alat nde, an nondomok nindi abuwa marig-et tet kasu bug-o. Are, an nebem pidnak yabu iri na ndak tak posolar-e, Nagawan Indo Yesus-nen wok niridnak yabu iri-ge Mbal Pem Nagawan-nen we wok ondoso aid wene iri na konggorosolat-nen neyabu na worok tak purak iri perak nde ijar-o.

1 TESALONIKA 2:14

Nanggamirak wa-e. Mbal Pem Nagawan-nen idnak lambuk tak inpidnak nap, Kerisut Yesus arengge Yurea woragwi nap iri na kwat inpiga nggal, kit na iri nggal-et kwat kinpiga-o. It enlem Yawuri nap-nen it andi bandi rak inpiga nggal, kit na kenma nap-net iri nggal-et andi bandi rak kinpiga-o.

1 TESALONIKA 2:2

Nde, nir-e nanduk Pilipi woragola-ge, lel mberel nonpogolat, nagweyak nggal tak nonpogolat yiga wene iri-ge kenaru nar-o. Alat nde, Mbal Pem Nagawan-nen ninndi kwiye lak tak posola-ge, nit ninmin kwarat wene eyak worogola-t nde, Mbal Pem Nagawan-nen idnak aid wene-ge kwiye lag-et yak kindige nar-o.

2 TESALONIKA 2:5

An-e kit kinmin woralar-e, wene yu oboksa yak kondosolat woragi iri-ge kir-e yebet yebet tak worali bug-a?

2 TESALONIKA 3:10

Nir-e kit kinmin woragolat-nen kiri keresa yak kondogolar-e: ”Yabu wanoso buk nab-e nunggwi mende mak turak pug-o” luk yak kindige nar-o.