1 TESALONIKA 3:13 - Nanduk Ngget Tul Pidnak Wene

¹³ Nde, at-nen kit kinndi amawi rak posola-ge, nit Nenagawan Indo Yesus na at winde nap oboksa inmin luk lobok yuwa tarem-e kir-e Nineid Mbal Pem Nagawan imbiri bem-e kenpem kop kap lak, mondok marak nab-et worabog-o.

1 TESALONIKA 3:13 ပူးပေါင်းရင်းမြစ်များ

MATIUS 25:31

”Ap Ambara na at unu kek tak pem lobok yosolar-e, aid nap oboksa na at imin lobok yogola-ge, at-nen-e nagawan koreyak woraso sa abinal worak iri na me kore yuwa-o.

MARAKUS 8:38

Yawo Mbal Pem Nagawan keya buruk, meya nak kwatli tarem-nen an min an-nen mul ondoso wene min para yurak ininggiri pasiyem tak puwa nab-e, abok Ap Ambara an-e Neid abinal min lenak inpidnak aid nap inmin lobok yosolar-e, iri yuwa nap na it onpok para yurak na an-nen ninggiri pasiyem tak pimin-o” luk yij-o.

LUKAS 1:6

Nagawan Indo-nen ”Irit kwarurag-o” yidnak min imiri mbarak pidnak wene min iri-nen yidnak yidnak nak kwarogola-ge, Mbal Pem Nagawan-nen it enmberek eneyasolar-e, it enmbereg-e mot mot kwarugwi irit eneyagaij-o.

OROMA 14:4

Kar-e ta nggal-nen nin nap ndegel oboso nap ebem wene mbarugun-o? Mendak worasolat na, mbud yosolat na, at ondomok Eid nak-nen at ebem wene mbaruwa-o. Alat nde, at mendak wolmomtag-e Nagawan Indo amawi bem mendak worala me, ndegel oboso nap iri-ge mendak irit wolma-o.

OROMA 16:25

Mbal Pem Nagawan erembel wanuwog-o! At-nen-e kit kinndi angin tubu yidnak pem tugup lak tak kunpurag-e ndak-nen yusu-o. Iri kwarusu iri-ge, an-nen yak kindidnak aid wene, Yesus Kerisut owene iri-ge, obi-net kura woraidnak wene iri yawo nam tak pusu wene na bem-nen irit kwarusu-o.

1 KORINTUS 15:23

Alat nde, it ondomok tak-nen nit nit men yogolar-e: tel korosolar-e, Kerisut na uruk lug-e, imbirig-e at lobok yuwa tarem-e Kerisut arengge wolma nab-e unluk ma-o.

NGGALATIA 1:4

Kerisut-nen-e nit meya yidnak pem yawo worasu nggweyak ma meya yu me-nen wisirik nenpeyeklug-e ar-e ondomok iminep wisirik pamu-o. Iri kwarosolar-e, Nineid Mbal Pem Nagawan indi-n pidnak ndak ndag-et kwarij-o.

EPESUS 5:27

Nde, iri kwat inpid iri-ge, lambuk tak inpidnak nap iri-ge at-net at ondomok eram enpeyekluk-nen yij-o. At eram onposolar-e, enabinal worak, enpem kopkap min siminggil min iri nggal erep na lag-et. Are, mondok marag-et, enpem ambut lak irit eram enpeyekluk-nen yij-o.

TUGURUK YIDNAK WENE 33:2

”Nagawan Indo-ge Sinai ndobo bem-nen lobok yosolat, mo nggal o Erom ebem yemberak pij-o. At ilirag-e ndobo Paran pem-nen yaya rak inpij-o. At imin-e aid nab-e sepulu ribu (10.000) lobok yiga-o. Nde, inggi kigit ambigir-e kan amare yosolat woragij-o.

PILIPI 1:10

Iri nggal marig-e, kit-nen-e konak mende nak lena wanurag-e ndak ma-o. Iri lena wanogola-ge, Kerisut lobok yuwa tarem-nen-e kir-e mondok marak, meya na kenpem lak irit woragub-o.

KOLOSE 1:22

Alat nde, yawo-ge Kerisut na ki nap enaboro worak luk wat yid na bem-e Mbal Pem Nagawan-nen at ondomok imin lambuk tak kinpij-o. Iri rak kinpid iri-ge kir-e marak nap, kenpem kopkap lak nap, meya kwarugwi buk nap tak kunpuruk, at eram kinpil lobok yekluk-nen iri kwarij-o.

1 TESALONIKA 2:19

Nde, nit ninndi ebem mbung mbung tak woragwi-ge tarag-o? Nit nenalen eneyagwi-ge tarag-o? Nit Nagawan Indo Yesus lobok yosola tarem-nen at imbiri bem nit nunnu kek tak purak wirik iri-ge tarag-o? Iri-ge kir-er-o.

1 TESALONIKA 3:11

Nineid Mbal Pem Nagawan at-nen na, Nenagawan Indo Yesus-nen na kit kendam lobok yuwok-nen tu mirik nunpuwag-o.

1 TESALONIKA 3:2

nit nonowot Timotius, nit totno Mbal Pem Nagawan eyabu wanogolar-e, Kerisut-nen yidnak aid wene yak ondoso nap iri-ge wirik ubuwog-o” luk yige-o. Nde, wirik uburak yige iri-ge, kit kinndi angin tubu yidnak na kwara uwi yabosolat, nggomo kondosolat,

1 TESALONIKA 4:15

Wene yu yak kindili-ge, Nagawan Indo-nen yidnak wene bem-net yak kindili-o. Nagawan Indo lobok yuwa tarem nunluk wulmul nap nit nanduk mborogolat, it nanduk wat yidnak nap abok tak unpul pug-o.

1 TESALONIKA 4:17

Iri luk, nit nunluk wulmul nab-e it inmin lambuk luk, nggan nggan arem lagolar-e, teram iri me-nen Nagawan Indo imin lambuk mul-o. Iri lug-e, Nagawan Indo imin pem-et woralik nalik wulmul-o.

1 TESALONIKA 5:23

Yamuksa woragwi elem Mbal Pem Nagawan-nen-e marak kunpuruk, iminep mbarak konposolar-e, kinndi min kenpe min oboksa nit Nenagawan Indo Yesus Kerisut lobok yurak tarem-nen mondok kop kap lak woraboklug-e, kontowarak wolmag-o.

2 TESALONIKA 1:10

Iri kwaruwa tarem-e Nagawan Indo-ge at winde nap oboksa ennggenggerak-nen at erembel wanogolat, inndi angin tubu yidnak nap oboksa-nen at wi langgu mbal obogolat yuwa Tarem-e nit-nen yak kindidnak wene wanigep pem-e, kit na it ennggendum iri me-t woragub-o.

2 TESALONIKA 1:7

Iri kwarosolar-e, kit yawo andi bandi kali nap na, nit na, nenmanggim-e Nagawan Indo Yesus na-ge at-nen idnak aid nap amawi worak inmin luk aid arem-nen nam ma tarem-e Mbal Pem Nagawan-nen-e yamuksa woragwi elem wok nunduwa-o.

2 TESALONIKA 2:1

Nit Nenagawan Indo Yesus Kerisut lobok yurak wene min, nit at eram ndok worak nunpurak wene min ala-nen an-nen kiri keresa yak kundusu-o. Nenggamirak wa-e.

YAKOBUS 5:8

Kit na irit mamak puruk wolmer-o. Nagawan Indo lobok yurak tarem panggo yid me, kinndi tugup lak wolmer-o.

1 PETERUS 5:10

Alat nde, kir-e we marig-et nak andi bandi kagolug-e, Mbal Pem Nagawan at nak-nen-e iminep mbarak konposolat, tugup lak tak konposolat, amawi rak konposolat, yogo konposolat ma-o. Nde, we wok ondoso mende pidsa elem Mbal Pem Nagawan-nen-e Kerisut ebem-nen at abinal pem-et woralik nalik momtak abinal worak irit yobokluk, wene mbo kinpij-o.

YURAS 1:14

Aram-nen wigak yil yil ap tap tuju bem tak posolat-nen ndet yidnak nap Enok iri-nen it kwat unpurak urul posolar-e: ”Yu nde ker-o! Nagawan Indo-nen idnak marak aid nap kere mondok wonarurak puk (beribu ribu) na inmin luk lobok yosolar-e,

YURAS 1:24

Kit pijaksa mbugup naru, tugup lak tak kunpurak amawi worak Nap, mondok kopkap lak, kenalin kenalen min-et at unu kek tak woraso eram kunpuwa Nap,