1 TESALONIKA 3:11 - Nanduk Ngget Tul Pidnak Wene

¹¹ Nineid Mbal Pem Nagawan at-nen na, Nenagawan Indo Yesus-nen na kit kendam lobok yuwok-nen tu mirik nunpuwag-o.

1 TESALONIKA 3:11 ပူးပေါင်းရင်းမြစ်များ

YESAYA 63:16

Kar-e nit nineid-net yusu-o. Abarakam min Yakup min-e nir-e enaru bug-et nde, Nagawan Indo wa-e. Kar-e nit nineid, o nanduk ereba-net nit ninmiri yoso-nen yusu-o.

YEREMIA 31:9

It tuguruk lobok yogolar-e, yip lengen-e yolo mbosolat irit lobok yogola, an-nen-e inndi yanggunil yanggunil lit unpuruk lobok yimin-o. An-nen wok unpuruk lobok yosolar-e, yi worak nggwe-t inmin lobok yosolat, it unuwok abis pijaksa wosa mbigit lak, konak lobok yurak yamuk tak tu nggwe-t inmin lobok yimin-o. An-e Isarael nap ineid kwat yimin-o. Nde, Eperaim iri-ge an nambara manggiya-nen yusu-o” luk yij-o.

MALEAKI 1:6

Nde, Nagawan Indo Mondok Amawi worak iri na-nen tepan ombo yak ondosolar-e: ”Li marik-nen na ineidtag-e kek tag-et unpugwi-o. Ndegel unpugwi nap-nen na it onmborag-e kek tag-et unpugwi-t nde, an-e kit kineij-et nde, noluk-nen kir-e kek tak nibili bug-o? An-e kit konmbo-t nde, noluk-nen kir-e an naye kagit lak yili-o? Nde, kit-nen-e kenlengenma nggal tak nobogolar-et nde, kit-nen yogolar-e: ’Nir-e ngge kwarogolat-nen nenlengenma nggal tak kibili-o?” luk kin wok nibili-o.

MATIUS 6:14

Kit-nen nin nap-nen meya rak kinpidnak iri na kenmberam tak pogola-ge, Kineid aid arem woraso iri-nen na kit meya yidnak amberam tak puwa-o.

MATIUS 6:18

Ap-nen-e kit mburu ninggit lak, we woraidnak iri yenggerak kunpuwa naru, iri kwarurag-o. Alat nde, Kineid kura ma woraso iri nak-nen yenggerak kunpuwa-o. Nde, kura ma-nen kwaridnak mende kaso Kineid na-nen keneyaruk, onggo wok kunduwa-o.”

MATIUS 6:26

Pubu nak noso towe iri nde ker-o. Towe iri-ge uwi pil karuk, ebe pidnak na-ge mbara poso sa poso bug-et nde, Kineid aid arem woraso iri-nen-e nunggwi mende mak toso-o. Nde, kir-e towe iri nggal-e lag-o. Kir-e terak minik yu kali bug-a?

MATIUS 6:32

Iri mende oboksa-ge Mbal Pem Nagawan enaru buk nap-nen yibikngonesa kore yugwi-o. Nde, kit kinndi kabak yidnak mende iri perak nde, Kineid aid arem woraso iri-nen-e aru-o.

MATIUS 6:4

Kit-nen yi mende ndi mende wok ondogolar-e, mondok kurasa wok undurag-o. Iri kwarugup pem-e, kura ma-nen kwarugwi kaso Kineid-nen keneyaruk onggo wok kunduwa-o.”

MATIUS 6:6

Alat nde, kit-nen tepan yuwoklug-e, kenma nggogolar-e, tu lerak puruk, kura ma woraso Kineid na emengen mbarurag-o. Nde, kura ma-nen kwaridnak kaso Kineid iri-nen keneyaruk onggo wok kunduwa-o.

MARAKUS 1:3

Karu me ap lak ma-nen ap-nen ene nggoksa mbo bosolar-e: ’Nagawan Indo urula lid lud tak pogolat, at mbururak tula mot tak per-o’ luk yij-o” luk Yesaya-nen mbarij-o.

LUKAS 12:30

(Iri mende pidsa-ge enlem nin nap-nen perak kore yugwi-o.) Nde, kit Kineid-nen-e kit nen ukwe pidnak mende pidsa-ge aru worasu-o.

LUKAS 12:32

Yuruk, Yesus-nen yosolar-e: ”Nolomba wam wonarak kit yu-ge wa-e. Kit Kineid-nen at-nen tenagaidnak wi wok kundurag-e indi parik me, kwiye kali meyog-o.

YOANES 20:17

Yosoloma-ge, Yesus-nen kwe na yak tosolar-e: ”An Neid eram awo lagit lak me, an tena nubusu meyog-o. Are, an nowosirak endam mburugundik, an-nen yidnak wene yu yak ondosolar-e: ’An min kit min Nineid Mbal Pem Nagawan na eram-et lasu-o’ yij-o luk yak undugun-o” luk yak tij-o.

OROMA 1:3

Wene iri na-ge at Ambara nit Nagawan Indo Yesus Kerisut imin yidnak wene-nen yusu-o. Yesus na ki nap enpage bem-e Ndaud-nen nderak lolo-nen yusu-o.

2 KORINTUS 6:18

An-e kit Kineid yosolat, nde, kir-e an nilirak li ap nde, li kwami nde tugub-o luk Amawi Kwarat worak Nagawan Indo-nen yij-o.”

NGGALATIA 1:4

Kerisut-nen-e nit meya yidnak pem yawo worasu nggweyak ma meya yu me-nen wisirik nenpeyeklug-e ar-e ondomok iminep wisirik pamu-o. Iri kwarosolar-e, Nineid Mbal Pem Nagawan indi-n pidnak ndak ndag-et kwarij-o.

KOLOSE 1:2

Kolose woragwi nap, Kerisut ebem kinndi angin tubu yidnak marak woragwi nap kenmanggim engga yu mbatli-o. Nineid Mbal Pem Nagawan-nen we wok ondoso elem min lambuksa woragwi elem min kinmin wolmag-o.

1 TESALONIKA 3:13

Nde, at-nen kit kinndi amawi rak posola-ge, nit Nenagawan Indo Yesus na at winde nap oboksa inmin luk lobok yuwa tarem-e kir-e Nineid Mbal Pem Nagawan imbiri bem-e kenpem kop kap lak, mondok marak nab-et worabog-o.

1 TESALONIKA 4:16

Nagawan Indo ar-et aid arem-nen mbuwasola ereya na-net aid nap nagawan-nen ene nggoksa yosolat, Mbal Pem Nagawan obosid poba ene yasolat ma-o. Nde, Kerisut ebem inndi angin tubu luk wat yidnak nab-e nandug-et unluk ma-o.

1 TESALONIKA 5:23

Yamuksa woragwi elem Mbal Pem Nagawan-nen-e marak kunpuruk, iminep mbarak konposolar-e, kinndi min kenpe min oboksa nit Nenagawan Indo Yesus Kerisut lobok yurak tarem-nen mondok kop kap lak woraboklug-e, kontowarak wolmag-o.

2 TESALONIKA 2:16

Nit Nenagawan Indo Yesus Kerisut at-nen na, Nineid Mbal Pem Nagawan-nen na, nit nenabuwa karuk, we wok ondoso elem pem-nen wok nondosolar-e, lak yoso buk inndi yangonoso elem min inndi mbung mbung tak woragwi elem min wok nunduruk,

2 TESALONIKA 3:16

Nit lambuk tak nonposo elem Nagawan Indo at-nen-e pempa yi mende ndi mende bem-e lambuksa woragwi elem wok kondosolat wolmag-o. Nagawan Indo-ge kit pidsa kinmin wolmag-o.

2 TESALONIKA 3:5

Nagawan Indo-nen kit kinndi ndemel konposolar-e, Mbal Pem Nagawan abuwa kagolat, Kerisut-nen mamak poso nggal mamak pugwi nap tak kunpuwag-o.

1 YOANES 3:1

Nineid-nen nit nenabuwa kwarat kaidnak pem ap-nen nit ninmin-e ”Mbal Pem Nagawan ilirag-o” luk yak nindili bem wir-o! Nde, nir-e ndemeret at ilirak-net yili-o. Iri bem-nen nggweyak ma nap-nen-e nit Nineid enaru buk woragwi me, nit na yenggerak ninpili bug-o.

NAM PARA WENE 21:3

Iri luk, an kuliginggal-e, nagawan-nen koreyak woraso ondoro-nen ene ngguloksa yosolar-e: ”Yawo-ge Mbal Pem Nagawan woraso sa-ge ap ennggendumu worasu-o! Ar-e it inmin worala, ir-e at ilirak kwat ma-o. Nde, Mbal Pem Nagawan ar-et it inmin woralat, it Enmbal Pem Nagawan kwat ma-o.