1 TESALONIKA 2:9 - Nanduk Ngget Tul Pidnak Wene

⁹ Nennggamirak wa-e. Nir-e nondomok neneyabu wanogolat siri mbige iri-ge kir-e yebet yebet tak worali-o. Nir-e Mbal Pem Nagawan-nen idnak aid wene yak kondogolat woragolar-e, angin tak kunpul naru, lengge-nen kubu-nen neneyabu wanogolat woraige nar-o.

1 TESALONIKA 2:9 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 6:2

Nir-e mburulndik, Yi Yareren eyak pem e ereba yunuruk lobok yulndik wururag-e nunggwirig-o?” luk yak togoloma-ge, Elisa-nen yak ondosolar-e: ”Ob-er-o yak indij-o.

NDAWI ENGGA 32:4

Nagawan Indo wa-e. Kubu-nen lengge-nen angin worak nebem perenak woraigen-o. O kibi-nen tusuangge terabet tak poso nggal an namawi ndoro lak yij-o.

NGGOMO WENE 31:18

At-nen yebet kasolar-e: ”An ninggi-nen kwarosolat woramin iri bem-net an-e ndak woramin-o” perarug-e, kubu-nen lengge-nen yabu arem nak mbinggirik woraso-o.

YEREMIA 9:1

An nelem nap wim nap-nen indiga ereba na unpud yib-e kubu-nen lengge-nen kundugu yip tenak worayek-nen an nanggul-e yi kenanggugwi ondoro yi kobong tak nggal woralat, nde, niyip lengen-e yi ugul kundugu pempa so tenak woraso ereba na nggal-nen-e mondok konak lombog-o!

LUKAS 18:7

Nde, at lenak inpidnak nab-e kubu-nen lengge-nen at emengen mbal tenak wolma nap iri-ge Mbal Pem Nagawan-nen wene kona wok unduwa buk kali-a? It yongga ondosolar-e, ndan-et yongga unduwa nde kali-a?

LUKAS 2:37

kwe togwe woralar-e, olengen depalan pulu empat (84) woraidnak me, kwe indi worak yidnak irit woragaij-o. Kwe na-ge Mbal Pem Nagawan ama-nen mbepme mboroso buk, kubu-nen lengge-nen mburu keya buruk, tepan nak kundugu yosolar-e. Mbal Pem Nagawan nak erembel wanosolat woraso-o.

YIDNAK YIDNAK WENE 18:3

Nde, it iri-ge at-nen wanoso nggal yabu misiget erep wanugwi nap ala, inmin woralar-e, lambuksa-nen o lije wururak sum panggarogolat woraiga-o.

YIDNAK YIDNAK WENE 20:24

Alat nde, an nondomok nindi abuwa marig-et tet kasu bug-o. Are, an nebem pidnak yabu iri na ndak tak posolar-e, Nagawan Indo Yesus-nen wok niridnak yabu iri-ge Mbal Pem Nagawan-nen we wok ondoso aid wene iri na konggorosolat-nen neyabu na worok tak purak iri perak nde ijar-o.

YIDNAK YIDNAK WENE 20:31

Iri bem-e, kwil kwalsa wolmer-o. An-e olengen ebis-et kenan woralar-e, kubu-nen, lengge-nen yip lengen min-et kundugu kit pidsa nggomo kondosolat woragi na-ge kinndi yebet yebet tak wolmer-o.

OROMA 1:1

Kerisut Yesus ndegel oboso nap Paulus an-nen engga yu mbarusu-o. Mbal Pem Nagawan-nen aid wene ap yak indil nurak pem wene mbo nuburuk, an-e wirik nibidnak nap tak nuburak pem len nibid nap-nen yusu-o.

OROMA 15:16

Enlem nin nap ndegel unpuwakluk, Mbal Pem Nagawan-nen Kerisut Yesus ndegel oboso nap kwarak nibij-o. Nde, an-e tepan ombo nggal yosolar-e, enlem nin nab-e wam eyuruk Mbal Pem Nagawan amanggim pidnak nggal makluk, Mbal Pem Nagawan indingen kaso mende pidnak nggal Konak Indi-nen Mbal Pem Nagawan amanggim len inpidnak makluk, an-e Mbal Pem Nagawan-nen idnak aid wene ap yak indil nusu-o.

OROMA 15:19

kwaril nosolar-e, yenggerak purak mende amawi min kwiye worak mende amawi bem-nen na iri pidsa Konak Indi amawi bem-nen kwaril nigi-o. Iri nggal kwaril nosolar-e, o Yerusalem-nen Kerisut-nen idnak aid wene na-ge kwara timbiril timbiril Ilirikum kuri pigi-o.

1 KORINTUS 4:12

nit nininggi bem-net yabu kwarat wanogolat yili-o. Ap-nen nde wene meya yak nondogola, nit-nen-e konak wene nak onggo yak indili-o. Ap-nen nde lel mberel nonpogola-ge, nit-nen-e mamak puruk worali-o.

1 KORINTUS 9:15

Alat nde, kit kenarengge wok nururag-e ob-et nde, an-e larok nak yoso-o. Nde, yawo an-nen engga mbarusu yu-ge wok norobokluk-nen mbarusu-ge lag-o. Ap mbi-nen an nunu kek tak woraso iri ebe lak tak purak iri-ge meya-o. Iri kwarurak ala-ge, an-e wat yosolar-e ob-o.

1 KORINTUS 9:18

Iri bem-e onggo-ge no mende wanimin-o? Nde, onggo-ge; we onggo lag-et aid wene tumburusu irir-o. ”Aid wene yak kindidnak pem onggo wok nerer-o” yurag-e ob-et nde, an-e iri yoso bug-o.

1 KORINTUS 9:4

Nir-e mburu min yi min norak pug-a?

2 KORINTUS 11:27

An yabu kwarat wanosolar-e, nababok lak yoso-o. Kwarat pem nene yigit lak, nuruk nak woragi-o. Mburu nere yilik, yi nere yilik yoso-o. Kwarat pem-e nunggwi mende lak yilik, toro yilik, nusum lak we woralik yoso-o.

2 KORINTUS 11:9

Nde, an kit kinmin woralat norol lak woralar-e, ap misiget ter-o luk kenpem tol nggi yigit lag-o. An-nen ukwe yidnak mende oboksa-ge nenggamirak Makeronia-nen lobok yidnak nap iri-nen wok niriga-o. Kit kenpem angin pimin naru, yi mende ndi mende bem an nindi-n luruk puruk worakmu, nde, abok na iri nggal-et kwarosolat woramin-o.

2 KORINTUS 6:5

Linggamburok nondogola, o kubu me ninpil nggogolat, ap kwarat-nen nenpem mbud yogolat yiga-o. Nenpabok lak yosolat, nene yigit lak, nunluk nak woragolat, nere kagolat yige-o.

PILIPI 4:16

An Tesalonika worasola-nen na, kit-net namanggim pil lobok yigeb-o. Iri kwarogolar-e, misik pem nag-e lag-o. Mberen pem-et yongga nirigeb-o.

1 TESALONIKA 1:3

Nineid Mbal Pem Nagawan imbiri bem nit-nen yebet keneyagolar-e, kit kinndi angin tubu yidnak pem-nen kwarogolat woragwi nde, ap enabuwa kagolat-nen yabu kenmawi min-et wanugwi nde, Nenagawan Indo Yesus Kerisut ebem kinndi mbung mbung tak pigeb-e mondok tugup lak worali nde, iri mende yebet yebet tak worali-o.

1 TESALONIKA 2:2

Nde, nir-e nanduk Pilipi woragola-ge, lel mberel nonpogolat, nagweyak nggal tak nonpogolat yiga wene iri-ge kenaru nar-o. Alat nde, Mbal Pem Nagawan-nen ninndi kwiye lak tak posola-ge, nit ninmin kwarat wene eyak worogola-t nde, Mbal Pem Nagawan-nen idnak aid wene-ge kwiye lag-et yak kindige nar-o.

1 TESALONIKA 2:6

Nggweyak ma nap, kit-nen na irit, ap erep-nen na irit nentembel wanurak pem nenmawi kundili-ge lag-o. Nir-e Kerisut-nen wirik ninpidnak nap-nen yili me, ”Iri nggal kwaru-o” luk yak kundurag-e ndag-et nde, larok yige-o.

1 TESALONIKA 3:10

Kubu-nen lengge-nen nir-e kiri keresa at emengen mbarogolar-e: ”It inmin lambuk yogolat, it-nen kwara inndi angin tubu yigit lak iri na ndak tak unpuwokluk-nen yili-o” luk tepan yugwi-o.

1 TIMOTIUS 1:11

Ndemeret wene iri-ge mondok erembel wanugwi kek tak Mbal Pem Nagawan-nen idnak Konak Wene-ge an-nen yuwakluk nebem pidnak wene iri-nen yusu-o.

1 TIMOTIUS 4:10

Nde, uruk nak woraso Mbal Pem Nagawan na ebem ninndi kwara mbung mbung tak worali me, nir-e nenmawi kondogolat, yabu kwarat wanili-o. Nde, Mbal Pem Nagawan iri-ge ap oboksa Inmiri Yoso Nab-et nde, nggog-e inndi angin tubu yidnak nap Inmiri Yoso-nen yusu-o.

1 TIMOTIUS 5:5

Togwe terak ndumu ndemeret togwe iri-nen-e indi-ge Mbal Pem Nagawan ebem mbung mbung tak woralar-e, kubu-nen lengge-nen at eram tepan yosolat, at yongga wuruwakluk emengen mbarosolat yoso-o.

2 TIMOTIUS 1:3

Nanduk nonmborak-nen Mbal Pem Nagawan ndegel ibiga na nggal-et an-e yebet kaso nindi mbek tak pem-et ndegel oboso Mbal Pem Nagawan iri na wa yak toso-o. Kubu-nen na, lengge-nen na, an-e pempa kamanggim tepan yoso-o.