1 TESALONIKA 2:8 - Nanduk Ngget Tul Pidnak Wene

⁸ Nir-e kit kenabuwa mondok kwarat iri-nen ndowaga Mbal Pem Nagawan-nen idnak aid wene nak tembesa wok kundurag-e lag-o. Are, nit nenpe min-et wok kundurag-e te-t woraige-o. Nir-e kit kenabuwa kwarat kagolat woraige-o.

1 TESALONIKA 2:8 ပူးပေါင်းရင်းမြစ်များ

LUKAS 7:2

Iri me-ge Oroma nap san winde wari ndegel oboso nap, at eid indi kundik nap mbi-ge kugi wiridnak me, abu wat yekluk woragaij-o.

OROMA 1:1

Kerisut Yesus ndegel oboso nap Paulus an-nen engga yu mbarusu-o. Mbal Pem Nagawan-nen aid wene ap yak indil nurak pem wene mbo nuburuk, an-e wirik nibidnak nap tak nuburak pem len nibid nap-nen yusu-o.

OROMA 10:1

Nowe nowosi wa-e. An nindi mbung mbung tak lombog-e an nelem nap inmiri yuwakluk, an-e kiri keresa it enmanggim Mbal Pem Nagawan emengen mbaroso-o.

OROMA 15:29

Nde, kit kendam wok yosolar-e, Kerisut-nen imbiringgat kobong tak nibidnak iri na min-et wok yimin-o luk an-e naru-o.

2 KORINTUS 12:15

Nde, an-nen perak nde nalen min-et an narengge oboksa kenmanggim posolat, an nondomok niminep wesel korasolat yimin-o. Nde, an-nen nde kit kenabuwa kwarat kasola-ge, kir-e ngge luk-nen an nabuwa mariget nak kudtag-o?

2 KORINTUS 6:1

Nir-e Mbal Pem Nagawan imin yabu misiget erep wanugwi nap nit-nen nggomo kindili-o: Mbal Pem Nagawan-nen we wok ondoso elem wanigep iri na-ge ebe lak mende rak purak pug-o.

NGGALATIA 4:19

Nilirak kenabuwa worak wa-e. Kwami-nen li ndakolat yane wurugwi nggal, iri nggal-et Kerisut abage kit kenarem kwat makluk, an-e nilirak kit kenpem yane wurusu-o.

PILIPI 1:8

Mbal Pem Nagawan-e aru-o. Kerisut Yesus-nen kenabuwa kaso nggal, iri nggal-et an-e kit pidsa kenpem nindi mondok kwindik worasu-o.

PILIPI 2:17

Alat nde, Mbal Pem Nagawan amanggim wam wosa bidnak nggal, at amanggim pidnak nggal, kit kinndi angin tubu yidnak pem an neyabi nde wirik purak ala-ge, an nalen kasolat, kit pidsa kinmin na nalen kasolat yeleb-o.

PILIPI 2:20

Ninndi misiget yebet kagwi nap at nggal mbi ap misiger-o luk tet an nimin-e lag-o. Timotius nak woraso me, kit-nen kwarurak mende bem at-net ndemeret yebet keneyaso-o.

PILIPI 4:1

Iri bem-e nowe nowosi wa-e. An-e kit kenabuwa kwarat kasolar-e, an nindi kundugu kit kenpem worasu-o. Kir-e an nalen min an nuwirik menda min-nen yili-o. Nowe nowosi kenabuwa worak wa-e. Kir-e Nagawan Indo ebem-et tugup lak wolmer-o.

KOLOSE 1:28

Iri bem-e, Kerisut owene iri-ge nir-e ab-e ap oboksa yak indili-o. Nit ninndi mondok pindong tak pem-net ap oboksa nggomo indilik, mul indilik yogolar-e, it enarik tag-et Mbal Pem Nagawan eram inpil lobok yogola, Kerisut ebem iminep mbal yidnak nap makluk-nen yili-o.

KOLOSE 1:7

Aid wene iri-ge nit nennggam abuwa worak, nit nenmanggim Kerisut eyabu-ge mot mot nak wanoso nap Epaparas-nen mirik kinpid nar-o.

KOLOSE 4:12

Kit kenma nap misik, Kerisut Yesus ndegel oboso nap Epaparas-nen-e wiwa yak kundusu-o. Nde, at iri-nen-e pempa pempa kit kenmanggim kiri keresa tepan yosolar-e: ”It inndi tugup lak woragolat, iminep mbarak woragolat, Mbal Pem Nagawan indi-n pidnak nak kwarogolat wolmag-o” luk Mbal Pem Nagawan emengen mbaroso-o.

PILEMON 1:1

Kerisut Yesus ebem kere kamat nibidnak nap Paulus an min nonowot Timotius min-nen nit nennggam, yabu misiget erep wanoso nap Pilemon kat min,

IBERANI 13:17

Kit kennggendumu enne kolobokluk mendak inpidnak nap-nen yidnak wene wanogolat, it-nen yidnak yidnak nak kwarogolat wolmer-o. It-nen-e kit kinndi yik karok woragolar-e, perari yili bug-o. Iri yili iri-ge ap inndi yik karok woraidnak pem Mbal Pem Nagawan-nen an nebem wene mbaruwa-o peragoluk-nen yik keneyarok worali-o. Nde, kit-nen nde it-nen yidnak yidnak kwarogola-ge, it eneyabu-ge enalen min-et wanogolat wolma-o. Nde, kit-nen iri kwarigit lak yogola-ge, it inndi puru min-et eneyabu wanuwa iri-nen kit kenmanggim-e ebe worak mende ma-ge lag-o.

1 YOANES 3:16

Ap enabuwa kagwi elem-e yu bem-nen nenaru yili-o: Kerisut-e nit nenmanggim at-net at iminep wisirik pij-o. Iri nggal-et nit-nen na nit nennggamirak enmanggim nit-net nit ninminep wisirik purag-o.