1 TESALONIKA 2:6 - Nanduk Ngget Tul Pidnak Wene

⁶ Nggweyak ma nap, kit-nen na irit, ap erep-nen na irit nentembel wanurak pem nenmawi kundili-ge lag-o. Nir-e Kerisut-nen wirik ninpidnak nap-nen yili me, ”Iri nggal kwaru-o” luk yak kundurag-e ndag-et nde, larok yige-o.

1 TESALONIKA 2:6 ပူးပေါင်းရင်းမြစ်များ

ESET 1:4

At kek tak anggu obok worak tak poso aringgi arengge ereba na kujwakluk nam tak posolar-e waneya enam irit woragij-o.

ESET 5:11

Iri yosolat-nen Aman-nen indi kek tak pem ene amburu ndagosolar-e, at aringgi arengge wene min ambararak kwarat ereba na onowene min nagawan-nen yabu kek tak wok tid wene min nagawan yabu wanugwi nap ereb-e teberag-et nde, ar-e mondok kek tak nggok worasu wene min ereba na ndindera yak indij-o.

NGGOMO WENE 25:27

Tamuk amburu norak iri-ge meya-o. Iri nggal-et it kek tak unpurak nak kore yugwi iri-ge meya-o.

NDANIEL 4:30

at-nen yosolar-e: ”Yik ker-o. Mbabel siri yu-ge mondok wir-o! An namawi min numbunu min an nggok kek tak woraso min iri na yenggerak kudtag-e an-nen tenagidnak wi arem o siri nggok yu wirigi yur-o!” luk yij-o.

YOANES 12:43

Nde, ki nap-nen it unnu kek tak purak nak nggok tak pogolar-e, Mbal Pem Nagawan-nen it unnu kek tak purag-e marik tak piga-o.

YOANES 5:41

An-e ki nap-nen kek tak nubuwag-o luk-nen yusu-ge lag-o.

YOANES 5:44

Nde, kit-nen-e: ’Mbal Pem Nagawan misiget nak iri-nen an kek tak nubuwa-o’ perali bug-o. Are, ki nap-nen kek tak kunpurak pem, kit na kit-net kentembel wok kerak mbili me, kir-e nggerak puruk-nen kinndi angin tubu yugub-o?

YOANES 7:18

Ap misik-nen-e at ondomok indi-n pidnak mul ondoso nab-e at ambik unu kek tak purak kwarusu-o. Alat nde, at wirik ibil lobok yidnak nap unu kek tak purak indingen nap-nen-e at arem-e enesiget wene-ge mondok lak me, mot mot yoso-nen yusu-o.

1 KORINTUS 11:9

Ab-e kwe amanggim ndak worak pidnag-e lag-et nde, kwe perak ap amanggim ndak worak pij-o.

2 KORINTUS 13:10

Iri bem-nen an-e erepma woralar-et nde, engga yu mbal kundusu-o. Kit kendam wok yimindig-e, Nagawan Indo-nen wok niridnak amawi iri na bem nene amawi min yak kindimin naru, yawo-net engga mbal kundusu-o. Amawi wok nirid iri-ge, kit mbud tak kunpurak pem-e lag-o. Kit mendak kunpurak pem-et wok niridnak amawi-nen yusu-o.

2 KORINTUS 4:5

Nde, nir-e nit nondomok nonowene yak kindili-ge lag-o. Nit-nen yak kondogolar-e: ”Yesus Kerisut iri-ge Nagawan Indo-nen yusu-o luk, Yesus ebem ala, nir-e kit ndegel kunpugwi nap-nen yili-o” luk yak kindili-o.

NGGALATIA 1:10

Wene yu yak kundusu yu-ge, ki nap enalen tak peyekluk-nen yusu-a? Lag-o. Mbal Pem Nagawan alen tak peyekluk-nen yusu-o. Are, ki nap-nen inndingen tak nubuwak tu kore yusu-a? Ki nap-nen inndingen tak nubuwakluk kwariginggal-e, an-e Kerisut ndegel oboso nap yelep pug-o.

NGGALATIA 5:26

Nde, nit na nit-net kek yogolat, ninndi kalel kerak mbogolat, nin nap iri na nggok yusu-a? luk nisilepma kisilepma yogolat wolmomtak pug-o.

NGGALATIA 6:13

Nde, it iniye ambasap wabidnak nap-nen-e imiri mbarak pidnak wene-nen yidnak yidnak nak kwarugwi-ge lag-et nde, kit kiniye ambasap waburak wene yili iri-ge we kit kenaboro mbaridnak pem it inndi kek tak puwokluk-nen yili-o.

1 TESALONIKA 2:9

Nennggamirak wa-e. Nir-e nondomok neneyabu wanogolat siri mbige iri-ge kir-e yebet yebet tak worali-o. Nir-e Mbal Pem Nagawan-nen idnak aid wene yak kondogolat woragolar-e, angin tak kunpul naru, lengge-nen kubu-nen neneyabu wanogolat woraige nar-o.

1 TIMOTIUS 5:17

It ogore yidnak nab-e yabu konak nak wanogolat-nen: ”Iri nggal, yu nggal kwarurag-o” yugwi nap ala-ge, mondok kwara mberen pem tak pidnak nggal-et unnu kek tak purag-o. Nde, nggok lombog-e it aid wene yogolat, ap mul ondogolat inligak mbusu irit kwat unpurag-o.