1 TESALONIKA 2:4 - Nanduk Ngget Tul Pidnak Wene

⁴ Are, Mbal Pem Nagawan-nen-e at-nen idnak aid wene yurag-e ndak neneyaruk, nenpem pidnak me, nit-nen wene yogolar-e, ki nap indingen tak puwokluk-nen yili-ge lag-o. Are, nit ninndi ngaroso Mbal Pem Nagawan at nak indingen tak puwokluk-nen yili-o.

1 TESALONIKA 2:4 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 8:39

kat woraso sa aid arem-nen kuluruk, it meya yidnak kamberam tak posoluk yongga indi-o. Ap enarem-nen yebet kagwi oboksa-ge kat karig-et nak karu-o. Iri bem-e ap ondomoktak-nen kwarugwi ndak ndag-et kwat onposolat wolmin-o.

NDAWI ENGGA 139:23

Mbal Pem Nagawan wa-e. Kwara mbenat nobosolat, nindi kwara karu yosolat wolmin-o. Kwara nindi ngarosolat, an-nen yebet kaso karu yosolat wolmin-o.

LUKAS 12:42

Yosoloma-ge, Nagawan Indo-nen at yak tosolar-e: ”Mot mot kwaroso, indi nggat nggat worak ndegel oboso nab-e ta nde kali-o? Eid iri nin sa mbereyeklug-e, iri yidnak nap-nen-e yi mende ndi mende lid lud tak puwakluk, at inggem posolat, ndegel ubugwi nap ereb-e norak tarem wok yosola, nunggwi mende mak unduwakluk, at inggem posolat ma nap iri-nen yusu-o.

LUKAS 16:11

Nde, kat-nen-e nggweyak ma mende yu wanosolar-e, mot mot kwarigit lak ala-ge, piri yoso buk mende-ge ta-nen nde kinggem puwa-o?

YOANES 21:17

Yak turuk, kenan pem tak posolat Yesus-nen at yak tosolar-e: ”Yona ambara Simon wa-e. Kar-e an nabuwa kasu, lak?” luk yak tij-o. Nde, Yesus-nen kenan pem-et: ”Kar-e an nabuwa kasu, lak?” luk yak tosola karuk, at Peterus na indi puru luk-nen Yesus yak tosolar-e: ”Nagawan Indo wa-e. Kar-e pidsa karu me, an-nen kat kabuwa kaso iri-ge kat karu irir-o!” luk yosoloma-ge, Yesus-nen at yak tosolar-e: ”Iri ala-ge, an nolomba wam parugu wolmin-o.

OROMA 8:27

Nde, nggweyak ma nap inndi lombot poso Mbal Pem Nagawan-nen-e Konak Indi-n peraidnak iri-ge aru yusu-o. Konak Indi-nen len inpidnak nap nenmanggim Mbal Pem Nagawan emengen mbarosolar-e, Mbal Pem Nagawan indi-n pidnak ndak ndak irit emengen mbaroso-o.

1 KORINTUS 7:25

Nde, ap sujwe min ndugum min enmanggim wene-ge Nagawan Indo-nen ”Irit kwaru-o” luk yak nirigit lag-et nde, Nagawan Indo-ge an nubud kaso bem, at iri mot mot kwaroso nab-o luk neberagwi nap an nindi-nen peraidnak irit yimin-o.

1 KORINTUS 9:17

An nindi-nen yabu wanosolat nggal-e, ”Onggo wok nerer-o” yeleb-o. Alat nde, an yabu wanusu yu-ge an nindi-nen wanusu-ge lag-o. An nebem-et pidnak ala-nen wanusu-o.

2 KORINTUS 2:17

Ap erep kwarat-nen-e Mbal Pem Nagawan-nen yidnak wene iri na bem-nen onggo lesa wanuwokluk wene iri yil waring kali nggal, nit-nen iri nggal kwatli-ge lag-o. Are, Mbal Pem Nagawan-nen wirik ninpidnak pem-e, nit-nen wene yogolar-e, Mbal Pem Nagawan imbiri bem yidnak nggal-et Kerisut ebem-nen wene mot mot nak yili-o.

2 KORINTUS 4:2

Kuruwaga kwarugwi innggiri rak poso mende iri-ge nit-nen keya bige-o. Nir-e ap onmbol pem lagolat, Mbal Pem Nagawan-nen yidnak wene lugud kagolat yili-ge lag-o. Are, ndemeret wene iri na nam-et yogolar-e, ap oboksa enarem-nen konak nak nenperagola, Mbal Pem Nagawan imbiri bem worali-o.

2 KORINTUS 5:11

Nir-e Nagawan Indo aye kagwi nenaru me, ap enmengen mbatli-o. Mbal Pem Nagawan-e nit ninndi mondok nam-et kasu-o. Nde, an-nen perasolar-e, kit-nen na nit ninndi nam-et kali, lak? perasu-o.

2 KORINTUS 5:16

Iri bem, nir-e ap enpage mbenarogolar-e, ki nap-nen irit wurugwi mende bem-nen mbenatli bug-o. Nanduk nir-e Kerisut abage mbenarogolar-e, ki nap-nen irit wurugwi mende bem mbenarige-t nde, yawo-nen-e iri nggal kwasa at abage mbenatli bug-o.

NGGALATIA 1:10

Wene yu yak kundusu yu-ge, ki nap enalen tak peyekluk-nen yusu-a? Lag-o. Mbal Pem Nagawan alen tak peyekluk-nen yusu-o. Are, ki nap-nen inndingen tak nubuwak tu kore yusu-a? Ki nap-nen inndingen tak nubuwakluk kwariginggal-e, an-e Kerisut ndegel oboso nap yelep pug-o.

NGGALATIA 2:7

Are, Yawuri nap aid wene yak unduwakluk, Mbal Pem Nagawan-nen Peterus ebem pid nggal, iri nggal-et enlem nin nap aid wene yak unduwakluk, an nebem pidnak iri-ge ir-e yenggerak piga-o.

EPESUS 3:8

Marak nap oboksa ennggendumu-nen an-e nagweyak nggal-et nde, Kerisut arengge wonarurak puk mende iri-ge enlem nin nap yak unduwakluk, Mbal Pem Nagawan-nen we wok ondoso bem-net wok neramu-o.

EPESUS 6:6

It ndegel onpogolar-e, it enalen tak purak pem it-nen yik keneyarok woragola-nen nak kwarurag-e lag-o. Are, an-e Kerisut ndegel oboso-nen yusu-o peragoluk, kit kinndi-net Mbal Pem Nagawan indi-n pidnak irit it ndegel onpogolat wolmer-o.

KOLOSE 3:22

Ap ndegel unpugwi nap wa-e. Yi kwatlik ndi kwatlik kwarogolar-e, nggweyak ma nap kit-nen idnak nagawan nagawan-nen yidnak yidnak nak kwarogolar-e, it-nen yik keneyarok woragola, nam nariya kentembel wanuwakluk nak-nen kwarurak pug-o. Are, ndemeret kit kinndi-net kwarogolat wolmer-o.

1 TIMOTIUS 6:20

Timotius wa-e. Kat kebem pidnak mende iri-ge kwara parugu wolmin-o. Nde, ebe lak wene min Mbal Pem Nagawan indi-n peraso buk wene min enaru yugwi mende-o luk yidnag-et nde, iri wene lit lit eyak wat kerak mbugwi wene min erep tenagurak pug-o.

2 TIMOTIUS 1:14

Nit nenarem worasu Konak Indi amawi bem-nen kat kebem pidnak konak mende iri-ge kwara parugu wolmin-o.

2 TIMOTIUS 2:2

Ap kwarat inmbiri bem an-nen nggomo kirigi na-ge kat-nen na iri nggal-et mot mor-et kwarugwi nap enpem posola-ge, it-nen na iri nggal-et nin nap mul unduwaklug-e, yak ondosolat wolmin-o.

TITUS 1:3

Nde, aid wene iri na nam tak purak tarem-net nam tak pij-o. Wene iri-ge an nebem pamu, Ninmiri Yoso Mbal Pem Nagawan-nen: ”Wene iri yi-o” yidnak pem-et yil nusu-o.

IBERANI 4:13

Nde, ndak wiridnak tengge misiger-o luk tet at erengen pem-e kura worasu-ge mondok lag-o. Yi mende ndi mende oboksa-ge at erengen pem-e mondok ngenwa nam-et nak yik kasu-o. Nde, iri yoso nap imbiri bem nit pidsa-ge nit-nen kwarogolat woraidnak mende-ge mondok nam para yak tul-o.

1 PETERUS 4:11

Ta-nen nde aid wene yurak ala-ge, mondok Mbal Pem Nagawan-nen yidnak wene nak yurag-o. Nde, ta-nen nde ap erep yongga undurak ala-ge, mondok Mbal Pem Nagawan amawi bem-net ap yongga undurag-o. Iri ala-ge, yi kwatlik ndi kwatlik kwarogolar-e, Yesus Kerisut ebem-nen Mbal Pem Nagawan erembel wanurag-o. Yesus iri-ge amawi worak, at nak kek tak obogolat woralik nalik wolmomtak nap-nen yusu-o! Amen.

NAM PARA WENE 2:23

Kwe iri ene wanugwi nap na indimin-o. Indimin iri-ge, lambuk tak inpidnak nap oboksa-nen enaru yogolar-e, ap-nen yebet kagwi min ap inndi min mbenaroso-ge Mbal Pem Nagawan-net yusu-o luk enaru makluk, indimin-o. An-nen onggo posolar-e, kit-nen kwaridnak ndak ndag-et onggo wok kindimin-o.