1 TESALONIKA 2:16 - Nanduk Ngget Tul Pidnak Wene

¹⁶ Inmiri yurak wene-ge nit-nen enlem nin nap yak unduwa naru, it Yawuri nap-nen larok tak nunpuwokluk yiga-o. Iri nggal kwarogolar-e, it meya yidnag-e mondok kwarat ligik piga-o. Nde, yawo-ge Mbal Pem Nagawan isilepma-ge it enpem mondok pil mbuwasu-o.

1 TESALONIKA 2:16 ပူးပေါင်းရင်းမြစ်များ

NDAK WIRIDNAK WENE 15:16

Kat-nen wigarak komborag-e ap tab-e empat wat luk-nen it-nen ndaguwa iri-nen o yu me-ge tuguruk lobok yuwa-o. Nde, it Amori nap iri-ge it-nen meya kwarat kwarogola, enpem angin worak mende pigit lak awo worala-ge, wirik inpimin pug-o” luk yak tij-o.

YESAYA 45:22

Yi wi ndi wi woragwi nap oboksa wa-e. Mbal Pem Nagawan-e nin mbi worasu buk, an nak me, kinmiri yek-nen nden karuk, an neram lobok yer-o.

NDANIEL 8:23

Nagawan ereya-nen tenagidnak wi ereba na woroksiyem wok yosola-ge, meya kwarugwi-t mondok nggok ma-o. Meya kwarugwi nggok yosola-ge, ap nagawan wene koloso buk, ap enmberam laso misik men ma-o.

MALEAKI 4:1

Nagawan Indo Mondok Amawi worak iri na-nen yosolar-e: ”Inndi kek tak min meya yugwi nap min oboksa tusuangge kan pidnak nggal kan unpurak tarem-e wog-et ma-o. Nde, iri tarem-e erep mbi keya bigit lak, mondok oboksa kan paga lak tak unpuwa-o.

MALEAKI 4:5

Alat nde, Nagawan Indo-nen idnak tarem mondok kwiye worak, ija lombok an-nen lud tak pigi iri na wok yigit lak ma-ge nandug-e an nene lomboksa yoso nap Elia iri na-ge kendam pil lobok yimin-o.

MATIUS 12:45

kugi iri na mborosolar-e, at iri-ge meya-t nde, at nggal nggal mondok meya kugi tuju iri na at-nen ininggi wil mbutlug-e, ap iri na arem nggugwi-o. Nggogola-ge, ap iri na nanduk woraso iri-ge meya-ge marik nggal-et nde, abok nggwe woraso iri perak nde mondok meya irit kwaroso-o. Nde, yawo worali meya yugwi nap iri na kwat onposolar-e, iri nggal kwat unpuwa-o” luk yij-o.

MATIUS 23:32

Iri ala-ge, kit konmborak-nen tel kwiriga yabu iri-ge kit-nen worok tak per-o!

MATIUS 24:14

Nde, Mbal Pem Nagawan-nen tenagaidnak wi wene, aid wene iri-ge ap pidsa-nen enaru makluk, yi wi ndi wi oboksa yak indil nuwa-o. Iri rak puruk-net woroksiyem-e wok ma-o.”

MATIUS 24:6

Kit-nen-e wim pogolat san ene tup min kologolat-e, wim obok kologolat yugub-et nde, kwiye kudtak pug-o. Iri nggal kwat ma-t nde, i worok tak posolat-nen kwat ma-ge lag-o.

MATIUS 3:12

Nggandum mbato ebe min ababul min lena arik tak pugwi mende-ge at inggem worasu-o. Lena arik tak purug-e, nggandum mbato ebe-ge ndok wosa pil nggugwi sa posolat, abapno-ge nigi yoso buk kanduk iri na me kan puwa-o” luk yij-o.

MARAKUS 16:16

Inndi angin tubu yogola, yi ma unpuwa nab-e, inmiri yuwa-t nde, inndi angin tubu yuwa buk nab-e, lak tak unpuwa-o.

YIDNAK YIDNAK WENE 13:45

Ndok worogola-ge, it Yawuri nap-nen ap kwarat ndok wiridnak karug-e, enlengen ale yogolat-nen Paulus-nen yidnak wene eyak worogolat, mbilaro ngin tak piga-o.

YIDNAK YIDNAK WENE 13:50

Alat nde, Yawuri nap-nen o iri me nagawan nagawan min Mbal Pem Nagawan aye worak kwami min enarem worakola, Paulus min Mbaranabas min andi bandi rak unpuruk, mberen nap iri na it enma-nen langgara wirik inpiga-o.

YIDNAK YIDNAK WENE 14:19

Alat nde, Yawuri nap ereb-e Antiokia min Ikonium min woragwi nap wok yogolar-e, o iri nap kwarat ereba na enarem worakola, it enambigit yogolar-e, Paulus-e kerep pem wutlug-e, ”Wat yamu-o” perarug-e, lit kuruk o siri leget ombol nggwe pil mbiriga-o.

YIDNAK YIDNAK WENE 14:2

Alat nde, it inndi angin tubu yigit lak Yawuri nap-nen-e it enlem nin nap enarem worakola, it-nen-e Paulus min Mbaranabas min insili rak inpiga-o.

YIDNAK YIDNAK WENE 14:5

Nde, enlem nin nap min Yawuri nap min it-nen idnak nagawan nagawan min-nen-e wirik inpidnak nap iri na lel mberel onpogolat, kerep pem unduwokluk wene mbariga-o.

YIDNAK YIDNAK WENE 17:13

Alat nde, ”Paulus na-ge Mberea-nen na Mbal Pem Nagawan-nen yidnak wene yusu-o” yogola kulurug-e, Tesalonika woragwi Yawuri nap na iri me lobok yigarik, it kwarat ereba na enarem woraga pil nggogolat, insilepma rak onpogolat yiga-o.

YIDNAK YIDNAK WENE 19:9

Alat nde, ap erep-nen-e inndi amawi yogolar-e, inndi angin tubu yigit lak lug-e, ap kwarat iri na inmbiri bem Nagawan Indo Urula kimirik puwokluk yiga-o. Yogolikma-ge, Paulus-nen it keya unpuruk, Yesus ene wanugwi nap na lena enarik tak unpurug-e, Tiranus-nen ap mul ondoso sa iri na me-nen pelin na pelin na wene yosolat woragaij-o.

YIDNAK YIDNAK WENE 21:21

It-nen-e kat-nen mul indigen wene obok kuliganggal-e, kat-nen-e enlem nin nap ennggendumu worali Yawuri nap pidsa yak ondosolar-e: ’Musa-nen yidnak yidnak keya ber-o. Kit kinlirak iniye ambasap waburak pug-o. Kenlawingga-nen yidnak yidnak kwarurak pug-o’ luk yoso irit kuliga-o.

YIDNAK YIDNAK WENE 23:12

O nda yosoloma, Yawuri nap-nen Paulus wuruwokluk wene mbarogolar-e: ”Nir-e Paulus wirigit lak woragolar-e, mburu min yi min mondok nul pug-o” luk owak mbariga-o.

YIDNAK YIDNAK WENE 24:9

Yak tosoloma-ge, Yawuri nap erep-nen-e at-nen yidnak wene amawi rak pogolar-e: ”Wene iri-ge ndemeret yij-o” luk yiga-o.

YIDNAK YIDNAK WENE 25:2

Lasola-ge, tepan omborak nagawan nagawan min Yawuri nap ap yok nggok min-nen Paulus ebem pidnak wene na at imbiri bem yiga-o.

YIDNAK YIDNAK WENE 25:7

Nde, Paulus na lobok yosola-ge, it Yerusalem-nen mbiga Yawuri nap-nen at kambuk kambuk tak puruk, mendak woragolar-e, wene elem-e lag-et nde, at ebem-e meya wene kwarat pogolat woraiga-o.

YIDNAK YIDNAK WENE 4:12

Nin nap mbi unu bem ninmiri yaga wok undurag-e meya-o. Nggweyak ma yu me, o kuri ap kuri-nen nit ninmiri yaga wok nundurak Unu-ge ap-nen unu yaridnak nin mbi-ge lag-o” yuruk yij-o.

YIDNAK YIDNAK WENE 9:23

Kwarat nggal worarug-e, Yawuri nap-nen at wururak wene mbariga-o.

1 KORINTUS 10:33

An-nen kwaroso nggal irit kwarogolat wolmer-o. An-nen yi mende ndi mende pidsa bem ap oboksa enalen tak posolar-e, it pidsa inmiri yaga wok unduwakluk, an nondomok namanggim-e lag-o. Are, it enmanggim-et kwaroso-o.

NGGALATIA 5:11

Nowe nowosi wa-e. An-nen nde iniye ambasap wabugwi wene yil mburusu nggal-e noluk-nen an lel mberel nibili-o? An-e ndemeret iri wene yil mboroso ala-ge, Kerisut-nen idnak e lang pang tak iri-ge ap inndi mberen tak peleb-e lag-o.

EPESUS 3:13

Iri bem-e, an-e kit kenpem-nen anggun worak mende nebem mbusu iri na bem-e kinndi pil suk pil lag-e yurak pug-o luk kenmengen mbarusu-o. Iri-ge nit nunnu kek tak purak pem-net yusu kagi luk peragub-o.

EPESUS 3:8

Marak nap oboksa ennggendumu-nen an-e nagweyak nggal-et nde, Kerisut arengge wonarurak puk mende iri-ge enlem nin nap yak unduwakluk, Mbal Pem Nagawan-nen we wok ondoso bem-net wok neramu-o.

1 TESALONIKA 1:10

at ambara aid arem-nen mbuma-o luk yik karok worali wene min oboksa yak nundugwi-o. At Ambara Yesus iri-ge wat yidnak nap ennggendumu-nen uruk tak pij-o. Nde, Yesus-nen-e Mbal Pem Nagawan isilepma abok-nen ap enpem mbumomtak iri na inggem-nen ninmiri yij-o.

2 TESALONIKA 2:10

meya nak kwarugwi mende bem lak tak unpurak nap onmbol pem lasolat ma-o. Nde, it lak tak unpuwa iri-ge, it-nen-e it inmiri yurak ndemeret wene iri na insili rak puruk, wanigit lak yidnak pem-nen kwat unpuwa-o.

1 TIMOTIUS 2:4

Ap pidsa inmiri yosolat, lud tak nak kwarugwi elem iri na enaru yogolat yurag-e Mbal Pem Nagawan indi-nen perasu-o.

IBERANI 6:8

Alat nde, nggweyak iri-nen-e tusuwangge min isile worak min nak wirik posola-ge, nggweyak na-ge meya me, Mbal Pem Nagawan-nen imbiri lamut tak puruk, worok tak posolar-e, kan nujwa-o.

NAM PARA WENE 22:11

Meya nak kwarugwi nab-e meya nak kwat tenak wolmag-o. Kopkap tobok tak mende kwarugwi nab-e ondomok kopkap toboksa wanogolat wolmag-o. Mbal Pem Nagawan indi-n pidnak nak kwarugwi nab-e Mbal Pem Nagawan indi-n pidnak nak kwarogolat wolmag-o. Nde, Mbal Pem Nagawan amanggim nak lenak woragwi nab-e Mbal Pem Nagawan amanggim lenak nak wolmag-o” luk yak nirij-o.