1 TESALONIKA 2:15 - Nanduk Ngget Tul Pidnak Wene

¹⁵ Yawuri nap iri-nen-e Nagawan Indo Yesus worogolat, Mbal Pem Nagawan ene lomboksa yugwi nap na ondogolat, nit na lel mberel nonpogolat yiga-o. It iri-ge Mbal Pem Nagawan indi-n pidnag-e perali bug-o. Ap oboksa inmin na sirid mbarak worali-o.

1 TESALONIKA 2:15 ပူးပေါင်းရင်းမြစ်များ

ESET 3:8

Iri rak puruk, Aman-nen Nagawan Agasuweros yak tosolar-e: ”Nagawan wa-e, Kat-nen tenagidnak wi yu me-ge ap enlem misig-e ngguberenot woraidnak sa lombok yeba me wigak yidnak worali-o. Nde, ap enlem erep-nen kwarugwi-ge nin-et nde, it-nen kwarugwi-ge mondok arig-er-o. It-nen-e kat-nen tenagidnak wi yeba me-nen kwarogolat wolmomtak owak mbarak pidnak ereba na-ge mondok kwatli bug-o. Iri kwatli iri-ge nagawan kat-nen-e it ondomok inndi-nen pidnak ereba nak kwarogolat wolmakluk keya unpurak pug-o.

YEREMIA 2:30

Kir-e an-nen nggomo kindidnak iri na wanigit lak yili me, wewesa-t an-e angin worak kenpem pusu-o. Singa ndakngge-nen isilepma yoso nggal, kir-e Mbal Pem Nagawan ene lomboksa yugwi nap undugwi-o.

AMOS 7:12

Iri luk, Amasia-nen Amos yak tosolar-e: ”Awo ma-net yik kaso nap wa-e. Kar-e tuguruk kuwi Yewura nggweyak pem mbiri-o! Mburugundik, iri me-nen aid wene yak indi-o. It-nen nunggwi mende-ge wok korogolat wolmag-o!

MATIUS 23:37

”Yerusalem wa-e. Yerusalem wa-e. Kat-nen-e Mbal Pem Nagawan ene lomboksa yugwi nap mondok ondosolat, kat keram inpil lobok yidnak nap na kerep pem ondosolat yoso-o. Nde, towe wam ija-nen at amarig-e eraplabe-nen yomondoso nggal, iri nggal-et pempa an-nen kat kilirak na an nurugom tak enpeyekluk yigi-t nde, kat-nen-e ’Nimbir-o’ yigen-o.

MATIUS 27:25

Yak ondosoloma-ge, ap kwarat ereba na-nen enne misiget arem lek karuk, enne paleksa amawi min-et yogolar-e: ”At eyabi-ge nit nenpem na nit ninlirak enpem na wolmag-o” luk yiga-o.

MATIUS 5:12

Kit woragit lak ma-nen nanduk Mbal Pem Nagawan ene lomboksa yugwi nap na iri nggal-et lel mberel inpikma me, aid arem-nen kit wok kundurak onggo nggulok worasu me, kenalen pen-et woragolat, kijik kijak wolmer-o.”

LUKAS 24:20

Iri yik kagwi-t nde, nit nentepan omborak nagawan min nit nenlem nap ennggendumu-nen enne kulugwi nap min-nen at wuruwakluk, iminep wisirik pikma, e lang pang tak pem panggarak piga-o.

YIDNAK YIDNAK WENE 12:3

Nde, ap iri na wirid pem-e Yawuri nap-nen kijik kijak worogola karuk, Peterus na irit tenagaij-o. Iri tarem-e Oroti Lomboroso Mende Pigit Lak nggok sakwi tarem-et kwaridj-o.

YIDNAK YIDNAK WENE 2:23

Mbal Pem Nagawan-nen at indi-n pidnak pem at-nen irit kwarimin-o luk peragaid iri na ndak ndak tak posolar-e, Yesus na-ge wesera kininggem pamu, kit-nen-e it wene tarugwi nap endam pogola, it ininggi-nen-e e lang pang tak pem panggarak ibiga-t nde, kit-net wirigep nar-o.

YIDNAK YIDNAK WENE 3:15

Iri yogolar-e, Unluk Momtak Elem wirigep na-t nde, Mbal Pem Nagawan-nen wat yidnak nap ennggendumu-nen uruk tak pij-o. Uruk tak pidnak iri-ge nit nenlengen-nen kaige-o.

YIDNAK YIDNAK WENE 4:10

kit min Isarael nap pidsa min-e wene yu kenaru mer-o. Ap ki yaga wok tidnak kit kinmbiri bem mendak worasu yu perak nde, Yesus Kerisut Nasaret nap unu bem ki yidnak worasu-o. Yesus iri-ge kit-nen e lang pang tak pem wirigep na-t nde, Mbal Pem Nagawan-nen uruk tak pij-o.

YIDNAK YIDNAK WENE 5:30

Kit-nen-e Yesus e lang pang tak pem panggarak puruk wirigep na-ge nit nenlawingga Enmbal Pem Nagawan-nen Yesus na uruk tak pij-o.

YIDNAK YIDNAK WENE 7:52

Mbal Pem Nagawan ene lomboksa yugwi nap, kit kenlawingga-nen lel mberel inpigit lak nab-e ta rak nag-o? Konak Nab-et lobok yuwa-o luk urul pogolat woraiga nab-e kit kenlawingga-nen indiga-o. Nde, yawo kit-nen na Konak Nap iri iminep wisirik puruk wirigep nar-o.

1 KORINTUS 10:5

Alat nde, iri kwasa ningga-t nde, it ap kwarar-e Mbal Pem Nagawan-nen isili rak inpidnak me, karu me irit onowak nggilara mbiga-o.

2 KORINTUS 11:26

An-nen tu pempa waring kasola-ge, yi ebe-nen wok nuburak nggal yilik, yariya wanugwi nap-nen nururak nggal yilik, an nelem Yawuri nap-nen na, enlem nin nap-nen na, an nururak nggal yilik, o siri nggulok ma-nen na, karu me-nen na, yi koma bem-nen na, wat yurak nggal yilik, ennesiger-et nanggamirak nggal yidnak nap-nen nururak nggal yilik, kwat nobogola nigi-o.