1 TESALONIKA 1:6 - Nanduk Ngget Tul Pidnak Wene

⁶ Kir-e nit min Nagawan Indo min-nen kwarugwi nggal kwat yigeb-o. Nde, kit kenpem angin worak mende kwarat mbij-et nde, aid wene iri wanogolar-e, Konak Indi-nen wok ondoso enalen iri na bem-net wanigeb-o.

1 TESALONIKA 1:6 ပူးပေါင်းရင်းမြစ်များ

OSEA 2:14

Nagawan Indo-nen yosolar-e: ”Iri bem-e at iri-ge an-nen nembaga waruk mbirimindik, indi yanggonosolat abuwa min-et wene yak timin-o.

MATIUS 16:24

Iri luk, Yesus-nen at owosirak yak ondosolar-e: ”Ta-nen nde an nimin nurak indingen ala-ge, at na at ambikpebe abuwa lak tak puruk, at-nen idnak e lang pang tak iri na kud turuk, an nimin nuwag-o.

YOANES 8:12

Iri rak puruk, Yesus-nen tuguruk it yak ondosolar-e: ”An-e ki nap ennggendumu yaya-nen yusu-o. An nimin nuwa nab-e ndamuk arem nuwa bug-o. Are, unlug-et wolmomtak yaya irit tena wolma-o” luk yak indij-o.

YIDNAK YIDNAK WENE 13:52

Nde, Antiokia woragwi Yesus ene wanugwi nab-e enalin enalen enarem worasolar-e, Konak Indi enarem kobong tak woragaij-o.

YIDNAK YIDNAK WENE 5:41

Wirik onpogolikma, it na wene mbarugwi nap endam-nen mborogolar-e: ”Yesus unu bem ala linggamburok nindiga-o” luk enalin enalen min-et mbiriga-o.

YIDNAK YIDNAK WENE 9:31

Yurea-nen na irit, Nggalilea-nen na irit, Samaria-nen na irit, lambuk tak inpidnak nap inndi yamuksa woragolat, inndi ogore yogolat woraiga-o. Nagawan Indo aye worak woragolar-e, Konak Indi-nen it inndi yangonosolar-e, misik nambek, misik nambek tak puruk, ap kwarat yiga-o.

OROMA 15:13

Ap inndi ebem mbung mbung tak wolmomtak elem-e Mbal Pem Nagawan-nen yusu-o. Kit kinndi-ge at ebem angin tubu yidnak me, at-nen-e enalin enalen kagwi elem min lambuksa woragwi elem min kobong tak kunpuwag-o. Iri ala, Konak Indi amawi bem-e kit kwara Mbal Pem Nagawan ebem kinndi mbung mbung tak worabokluk kobong tak kunpuwag-o.

1 KORINTUS 11:1

An-e Kerisut-nen kwaroso nggal kwarusu iri nggal kit-nen na an-nen kwaroso nggal kwarurag-o.

1 KORINTUS 11:2

Kir-e pempa kinndi-nen yebet yebet tak woragolat, an-nen nggomo kindidnak wene wanogolat yili bem-e an-e kit kentembel wanusu-o.

1 KORINTUS 4:16

Iri bem-e, an-nen kwaroso nggal irit kwarobog-o luk nggomo kundusu-o.

2 KORINTUS 6:10

Ninndi puru pera yili-t nde, nir-e pempa nenalin nenalen yili-o. Ninsilobulo na lak nab-et nde, nir-e ap kwarat insilobulo worak tak inpili-o. Nit nenarengge lag-et nde, nir-e yi mende ndi mende oboksa winde-nen yili-o.

2 KORINTUS 8:5

It-nen iniksa puwag-o luk peraige iri na ombol nggwe terak menna piga-o. Nandug-er-e it na it-net enpe-ge Nagawan Indo wok tiga-o. Imbirig-e Mbal Pem Nagawan indi-n pidnak pem-et it inndi-ge nit nenpem na piga-o.

NGGALATIA 5:22

Alat nde, Konak Indi-nen engen yosolar-e, ap enabuwa kagwi elem nde, enalin enalen woragwi elem nde, lambuksa woragwi elem nde, inndi luruk puruk woragwi nde, inndi namere woragwi nde, konak nak kwarugwi nde, yidnak yidnak nak kwarugwi nde,

EPESUS 5:1

Nde, kir-e Mbal Pem Nagawan ilirak kenabuwa worak-nen yili me, at-nen kwaroso nggal-et kwarer-o.

PILIPI 3:17

Nowe nowosi wa-e. Kit pidsa-ge an-nen kwaroso nggal-et kwarogolat wolmer-o. Kit na iri nggal-et kwarobokluk, nit-nen kwarogolat woragwi iri nggal kwatli nab-e kwara lombot pogolat wolmer-o.

2 TESALONIKA 1:4

Kit iri nggal kwarogola me, Mbal Pem Nagawan-nen idnak lambuk tak inpidnak nap oboksa ennggendumu-nen nir-e kentembel wanili-o. Angin worak mende nin tak nan tak kenpem mbosola na, andi bandi mende kagolat na, kir-e kinndi angin tubu luk, mamak puruk worali me, nir-e kentembel wanili-o.

2 TESALONIKA 3:7

Nit-nen kwarugwi nggal kit-nen kwarogolat wolmomtak iri-ge kir-e kenaru-o. Nir-e kit kinmin woragolar-e, perari min-e woragit lag-o.

2 TESALONIKA 3:9

Iri kwarige iri-ge, yi mende ndi mende wok nundurak meya ala-nen kwarige-ge lag-o. Are, nit nenpage nggal kwarobokluk, mirik konpogolat-nen kwarige-o.

2 TIMOTIUS 4:2

Aid wene yosolat wolmin-o. Aid wene yosolar-e, kologola na, kuligit lak ala na, it enpem-o luk kar-e lembesa yosolat nak wolmin-o. Ap kwara enaru rak posolat, it meya yidnak nam tak posolat, nggomo ondosolat, kindi mondok luruk puruk mul ondosolat wolmin-o.

IBERANI 10:34

Kir-e o kubu me inpil nggwidnak nap na inmin lambuksa andi kaidnak nggal kagolat woraigeb-o. Nde, kinsilobulo na mengga wanogola-t nde, kit kenalen min-et woraigeb iri-ge, an narengge namanggim pidnak terak minik konak pem-et wolmomtak mende-ge worasur-o peragoluk-nen kwarigeb-o.

1 PETERUS 1:6

Iri bem-e, kir-e kenalin kenalen wolmer-o. Kit luru ya woragola, inndi ngaroso mende nin tak nan tak kenpem mbosola, mondok kinndi puru pera min woragub-et nde, kenalin kenalen wolmer-o.

1 PETERUS 1:8

Yesus Kerisut iri-ge kir-e kagwi bug-et nde, abuwa kali-o. Yawo na kali bug-et nde, ebem kinndi angin tubu yili-o. Iri bem-e, kit kenalin kenalen pem-et Mbal Pem Nagawan erembel wanili iri-ge wene yurag-e meya-o.

1 PETERUS 3:13

Kit-nen konak nak kwarurak kinndi worala-ge, ta-nen meya rak kunpuwa-o?

3 YOANES 1:11

Nanggam nindi kundik wa-e. Meya kwarugwi na kat-nen nde mul mul meya kwarurak pug-o. Are, konak nak kwarugwi irit nde mul mul kwarurag-o. Konak nak kwarugwi nab-e Mbal Pem Nagawan ilirak-nen yili-o. Nde, meya nak kwarugwi nab-e Mbal Pem Nagawan kagwi buk nap-net yili-o.