1 SEMUEL 9:21 - Nanduk Ngget Tul Pidnak Wene

²¹ Yak tosoloma, Saul-nen onggo yosolar-e; ”An nelem-e Mbenyamin nab-o. Nde, an nelem Mbenyamin iri-ge Isarael nap ennggendumu marik komosa-nen yusu-o. Nit nelem arem-e an nereb-e mondok ebe lak mende-nen yili-o. Noluk-nen kar-e iri nggal an yak nurusu-o?” luk yak tij-o.

1 SEMUEL 9:21 ပူးပေါင်းရင်းမြစ်များ

OSEA 13:1

Nde, nandug-e it enlem Eperaim iri-ge kek tak onpogolat, it enlem Eperaim iri-nen nde wene wirik pogola-ge, Isarael nap ennggendumu enlem erep ereba na-ge kwiye-nen tebek yugwi-t nde, enlem Eperaim iri na-ge kugwi Mbaal iri na erembel wanogolar-e, meya yiga-o. Iri bem-e it enlem iri-ge lak ma-o.

LUKAS 14:11

Nde, ap-nen at ondomok kek yuwa nab-e teberak ubuwa-o. Nde, at ondomok indi tebe yuwa nab-e kek tak ubuwa-o” luk yij-o.

EPESUS 3:8

Marak nap oboksa ennggendumu-nen an-e nagweyak nggal-et nde, Kerisut arengge wonarurak puk mende iri-ge enlem nin nap yak unduwakluk, Mbal Pem Nagawan-nen we wok ondoso bem-net wok neramu-o.

1 SEMUEL 10:27

Alat nde, meya yugwi nap erep-nen yogolar-e: ”Nit ninmiri yurak nab-e ab-e yu nggal-er-a?” yogolar-e, at te rak obogolar-e nagawan we wok undugwi mende-ge wok tigit lak yiga-t nde, ar-e aru buk nggal irit larok yij-o.

1 SEMUEL 14:51

Nde, Saul iri eid Kis min Apnet eid Net min ereya-ge Abiel ambararag-o.

1 SEMUEL 15:17

Yosoloma, Semuel-nen yosolar-e: ”Kat kondomok-nen yebet kasolar-e: ’An nggal-e meyar-o’ luk yebet kaigen-et nde, kar-e Isarael nap enanggul pem nagawan kwat yigen-o. Kar-e Nagawan Indo net Isarael nap enanggul pem nagawan yonokluk lenak kebamu-o.

1 SEMUEL 18:18

Yosoloma, Ndaut-nen Saul yak tosolar-e: ”Isarael nap ennggendumu-nen an min neid niya nowe nowot inmin-e nunggwirik nggal ala-nen nagawan kat kara wanimin-o?” luk yij-et nde,

1 SEMUEL 18:23

Nde, it-nen Saul-nen yak indidnak wene ereba na yak togola-ge, Ndaut-nen onggo yosolar-e: ”Kit kenarem-nen-e nagawan abak kwat yurak iri-ge angin lag-o luk perali-a? An-e narengge na lak, nebe na ebe lak mende-nen yusu-o” yij-o.

1 SEMUEL 9:22

Iri lug-e, Semuel-nen Saul na-ge ndegel oboso nap iri na enmberek inmin luk o kuri worak siyak nggok nggal iri na me nggwiga-o. Nggurug-e, it mberen ya na ondoro wok ondosolar-e, yonggo inpidnak nap enpe tiga pulu (30) nggal ereba na unlugwe ambigit nggwe ap kektak-nen kore yugwi sa ereba bem-et kore yuwakluk, ondoro wok indij-o.