1 SEMUEL 9:2 - Nanduk Ngget Tul Pidnak Wene

² Nde, Kis iri ambara unu-ge Saul irit woragii-o. Nde, Saul na-ge ap sujwe abage na konak, ebe na tenaga men yidnak irit woragij-o. Nde, Isarael nap oboksa ennggendumu-nen enpage min enpe min konak at nggal mbi woragit lag-o. Nde, Saul iri-ge ebe na mondok mot irit me, Isarael nap oboksa enanggul-e endakmbe kuri nag-o.

1 SEMUEL 9:2 ပူးပေါင်းရင်းမြစ်များ

NDAK WIRIDNAK WENE 6:2

Mbal Pem Nagawan elirak-nen yik eneyagolar-e, mondok ndugum kigirik nak yik eneyagoluk, it Mbal Pem Nagawan elirak ereba na-nen-e it inndi-nen nak nggweyak ma nap-nen ndiridnak ndugum ereba na yena wanogolat woraiga-o.

YEREMIA 9:23

Nagawan Indo-nen yosolar-e: ”Ap enaru indi tenggerak-nen-e at indi nggat nggat worak iri na bem indi kek yurak pug-o. Amawi worak nap-nen-e amawi iri na bem indi kek yurak pug-o. Nde, insilobulo worak nap-nen-e insilobulo iri na bem indi kek yurak pug-o.

WONARIDNAK WENE 13:33

Nde, iri me-nen ap mondok kwiye worak yok nggok iri-ge ap Enak-nen wigarak irir-o. Nde, nit-nen it inmin ndak worogolar-e, mondok nir-e sapmari nggal kaige-o. Iri ala-ge, it-nen yik neneyagolat na iri kwarag-et yik neneyaiga-o” luk wigariga-o.

1 SEMUEL 10:21

Iri ala, enlem Mbenyamin arem-nen ap suwon lombok lobok yukmu-ge, ap suwon Matiri len ibij-o. Iri ala Matiri arem-nen ap nak lobok yukmu-ge, Kis ambara Saul len obosola karug-e, Saul ogore yiga-t nde, kagit Iago.

1 SEMUEL 16:7

Alat nde, Nagawan Indo-nen Semuel yak tosolar-e: ”Kar-e enpe konak min enpe mot min yik kaidnak pem nak kindi purungsa ebem pusu-ge meyog-o. An nindi-nen pigi-ge at iri-ge lag-o. An-nen-e ki nap-nen enabut yik kagwi nggal-e yik eneyaso bug-o. Ki nap-nen-e enpage ombol nggwe nak yik kali-t nde, an-nen-e inndi nak kaso-o” luk yij-o.

1 SEMUEL 17:4

O Nggat nap mondok yig nggoso aru nap misik unu-ge Nggoliat woragij-o. Nde, at iri na-ge Pilisin nap woragwi sa-nen Isarael nap erengenma nggal tak unpuruk undurak pem nggweyel inpil lobok yij-o. Nde, ebe mot ndak worogolar-e, tiga meter nggal-o.

1 SEMUEL 9:3

Nde, misik tarem-e Kis egelerai wam ereb-e lak yij-o. Lak yamu ala karuk, Kis-nen Saul yak tosolar-e: ”Kar-e ndegel koboso nap misik kimin tak puruk, kelerai wam lak yid ereba kore yil mberer-o” yak tij-o.