1 SEMUEL 9:1 - Nanduk Ngget Tul Pidnak Wene

¹ Enlem Mbenyamin nap arengge kwarat me, unu worak unu-ge Kis irit woragij-o. Nde, Kis iri eij-e Abiel, nde, ombo-ge Serot. Nde, Serot iri-ge Apia ambara Mbekorat ambara-o.

1 SEMUEL 9:1 ပူးပေါင်းရင်းမြစ်များ

2 SEMUEL 19:32

Nde, Mbarasilai iri-ge abu indi worak olengen delapan pulu (80) woraidnak irit woragij-o. Nde, at iri-ge mondok arengge kwarat me, nanduk Ndaut o Maganaim worala-ge, at-nen norak nunggwi mende-ge Mbarasilai-nen lid lud tak posolat woragij-o.

ESET 2:5

Nde, o siri Susan iri me-ge Yaiyet ambara Yawuri nap Morendekai irit woragij-o. Nde, at iri-ge elem Mbenyamin nap Kis min Simei-min-nen wigarak nap irit woragij-o.

AYUP 1:3

Nde, ereb-e at-nen onnggo pidnak ndegel ubugwi nab-e kwarat woraiga-o. Nde, olomba wam-e 7.000, nde, unta wam-e 3.000, nde, esapi wam-e 1.000, nde, egelerai wam-e 500, nde, nggaruksa yosolar-e, o siri mo luwaso (timur) nggwe worali ereba ennggendumu-nen-e at yu nak aringgi arengge kwarat woragij-o.

YIDNAK YIDNAK WENE 13:21

Worarug-e, it-nen nagawan misik nggi yogola-ge, Mbal Pem Nagawan-nen-e Kis ambara Saul, elem-e Mbenyamin nap irit wok indij-o. Wok endamu-ge, ap iri nagawan woralar-e, molengen ebis-et empat pulu (40) irit woragaij-o.

1 SEMUEL 10:23

Yosoloma, pong kil mbirigarik, Saul na Isarael nap ennggendumu waruk lobok yiga-o. Iri yogola, Saul na it ennggendumu men yidnggal-e Saul na-ge mondok mot-nen ap erep enanggul-e endakmbe kuri nak irit kaiga-o.

1 SEMUEL 14:51

Nde, Saul iri eid Kis min Apnet eid Net min ereya-ge Abiel ambararag-o.

1 SEMUEL 25:2

Nde, o siri Maon iri me-ge elem Kalep nap misik woragij-o. Nde, unu-ge Nabal. Nde, ap iri onggweyak mbi-ge o siri Karamel koroga iri me woragij-o. At iri-ge yi mende ndi mende ombo irit woragij-o. Nde, olomba wam-e tiga ribu (3.000), nde, agambing wam-e seribu (1.000) irit ombo woragij-o. Nde, ogwe Abigail iri na mondok indi ngarak-nen erare konak irit woragij-o. Alat nde, Nabal iri-ge abage ket mbet tak indi ebebeyal worak irit woragij-o. Nde, misik tarem-e Nabal na-ge o Karamel iri me olomba ereba na usu mbarosolat woragij-o.