1 SEMUEL 8:7 - Nanduk Ngget Tul Pidnak Wene

⁷ Iri yak tosola, Nagawan Indo-nen yosolar-e: ”It enne irit kuli-o. Iri-ge kat keya kobogolat-nen kwatli-ge lag-o. Are, an-et keya nibili-o. Ir-e an-et it ennggendumu nagawan wolmomtag-e inndi-ge perali bug-o.

1 SEMUEL 8:7 ပူးပေါင်းရင်းမြစ်များ

MBIRIGA WENE 16:8

Nagawan Indo-ge kit-nen kinsilepma ibili ereba-ge karik me, keyama-ge Nagawan Indo-nen uno wok kondosolat, nde, kuplila-ge oroti wok kondosolat yuwama-ge, nonggolar-e, kinmbit ma-o. Kit-nen kinsilepma-ge nit nenpem pili-t nde, ndemerer-e Nagawan Indo nde kinsilepma ebem pili-o” yiga-o.

YESAYA 66:4

Iri bem-e, an-nen na an nindi-n pidnak kwarosolar-e, lak tak onposo mende it-nen kwiye kagwi irit it enpem mberak pil mbuwamin-o. Nde, iri kwarimin iri-ge, an-nen wene mbo onposola-t nde, misik-nen mbi onggo yigit lak yogolat, an-nen it wene yak ondosola-t nde, misik mbi-nen nene kuligit lak, it iri-ge an nimin wim mbarurak nak indingen yogolat, meya nak kwatli iri bem-nen kwat inpimin-o” luk yij-o.

YESKIEL 2:3

”Nggweyakma nap, lak yoso wa-e. Kar-e an-nen Isarael nap inmin eyak worogolat wim mbarugwi nap ereba na endam wirik kubusu-o. It iri na onmborak nggal an nimin eyak wurugwi nap-net yili-o.

YESKIEL 3:7

Alat nde, it enlem Isarael nap iri-nen-e kene kuluwa bug-o. An nene-t nde, kulili buk iri nar-o. It oboksa-ge wene kulugwi buk, an nimin eyak nak wurugwi-net yili-o.

WONARIDNAK WENE 22:20

Iri na tarem kubu-ge Nagawan Indo lobok yarik, Mbileyam yak tosolat-nen yosolar-e: ”It ap ereba-ge kat kimin mbururak lobok yidnak me, kar-e inmin mbururak lid lud tak pi-o. Alat nde, kat-nen kwarosolar-e, kwarurak yak kiridnak iri nak kwarurag-o” yak tij-o.

MATIUS 10:40

”Ta-nen nde kit wok kunpusu nab-e an-et wok nubusu-o. Nde, an wok nubusu nab-e an wirik nibil lobok yid nap na-t wok ubusu-o.

LUKAS 10:16

Yuruk, at-nen at owosirak yak ondosolar-e: ”Nde, ta-nen nde kit kenne kologola-ge, an nene-t kulili-o. Nde, ta-nen nde keya konpogola-ge, an-et keya nibili-o. Nde, ta-nen nde an keya nobogola-ge, an wirik nibil lobok yid nap iri na-t keya ibili-o” luk yak indij-o.

LUKAS 19:14

Alat nde, ap kek tak na elem nap-nen at insili rak puruk, at imbirik ap wirik onpogolat-nen yosolar-e: ’Ap iri-ge nit nennggendumu nagawan mendak purag-e ninmbir-o’ luk yiga-o.

LUKAS 19:27

Nde, an nimin wim nap an it ennggendumu nagawan wolmomtak insili yiga nap iri-ge wok unpuruk lobok luk, an nimbiri bem pidsa ender-o’ ” luk yij-o.

YOANES 13:16

An-e ndemeret yak kundusu-o. Ndegel unpugwi nab-e at eid na teberak puruk, nggok-nen yusu-ge lag-o. Nde, wirik inpil mburugwi nab-e at ibil mbiridnak nap na teberak puruk nggok-nen yusu-ge lag-o.

WENE MBENARUGWI NAP-NEN KWARIDNAK WENE 8:23

Yogoloma, Nggireyon-nen yosolar-e: ”An-nen kit kennggendumu nagawan wolmomtag-e lag-o. An nambara-nen na mondok lag-er-o. Kit kennggendumu nagawan-e Mbal Pem Nagawan arig-et nak worasu-o” luk yak indij-o.

1 SEMUEL 10:19

An-nen-e kit yane wurugwi min andi bandi kagwi min oboksa arem-nen wisirik konposo-t nde, kit yawo-ge an-nen nagawan misik kennggendumu lenak purak nggi yak norogolat, Kenmbal Pem Nagawan an-e keya nibili-o. Iri ala ge, ob-o. Yawo-ge kit-nen idnak Nagawan Indo an neram kenlem lombok ndok werer-o’ yij-o” luk yak indij-o.

1 SEMUEL 12:1

Iri luk, Semuel-nen Isarael nap oboksa yak ondosolar-e: ”An-e kit-nen nebem nggi yigep iri na ndak ndag-et kwarosolat, kit kenanggul pem nagawan misik lenak pigi-o.

1 SEMUEL 12:12

Alat nde Amon nap nagawan Nas-nen kit kenpem kore yurak iri-ge karug-et nde, kir-e kit tena kunpuruk woraso Nagawan Indo iri na keya buruk, kit-nen yak norogolar-e: ’Nir-e nagawan-nen tena nunpuruk wolmomtak perak nindingen-o’ luk yigeb-o.

1 SEMUEL 8:22

Yak tosola, Nagawan Indo-nen Semuel yak tosolar-e: ”Kar-e it inndi-nen pidnak irit kwarosolar-e it enmanggim nagawan misik mendak unpurag-o” yak tosoloma-ge, Semuel-nen-e Isarael nap ereba na-ge enmarak ndi rak onposola-ge, enmarak ndi yiga-o.

1 SEMUEL 8:8

Nanduk an-e ir-e Mesira iri me-nen wesera wok unpuruk lobok yosola-net an neram-nen nden karuk, kugwiwak erembel wanogolar-e, it-nen yawo kwat kibili iri nggal-et an na kwat nubugwi-o.