1 SEMUEL 8:6 - Nanduk Ngget Tul Pidnak Wene

⁶ Yak togola-ge, Semuel-nen-e it-nen nggi yiga wene iri-ge isili rak purug-e, at-nen-e tepan pem Nagawan Indo yak tij-o.

1 SEMUEL 8:6 ပူးပေါင်းရင်းမြစ်များ

MBIRIGA WENE 32:21

Iri yosolat-nen Arun yak tosolar-e: ”It-nen-e kar-e no kwat kobogola-nen keya inpigenma, meya nggok yu-ge kwariga-o?” yak tij-o.

MBIRIGA WENE 32:32

Iri ala it meya kwariga iri-ge kamberam tak unpurag-o, nab-o. Nde, kamberam tak inpigit lak nde ala-ge, unluk wolmomtak engga bem-nen an nunu-ge korak purag-o” yak tij-o.

OSEA 13:10

Kit-nen-e nagawan min enne kulugwi nap min wok kunduwakluk nggi yigeb-et nde, it ereba oboksa-ge yawo-ge ngge me worali-o? It-nen-e kit kenlen nab-e ndak inmiri yuwa-a?

PILIPI 4:6

Yi mende ndi mende bem-e kunmud kudtak pug-o. Alat nde, tepan yogolar-e, kit kinndi kabak yidnak mende-ge Mbal Pem Nagawan nggi yak togolar-e, pempa pempa ”Wiwa-o” yak togolat-nen nggi yugup na-e.

YAKOBUS 1:5

Ap mbi kit kennggendumu indi tenggerak elem wanigit lak worala-ge, indi nggat nggat elem na wok tuwakluk Mbal Pem Nagawan ebem nggi yurag-o. Nggi yosola-ge, Mbal Pem Nagawan-nen enabuwa karuk, indi konag-et ap pidsa we wok ondoso me, wok tuwa-o.

1 SEMUEL 10:19

An-nen-e kit yane wurugwi min andi bandi kagwi min oboksa arem-nen wisirik konposo-t nde, kit yawo-ge an-nen nagawan misik kennggendumu lenak purak nggi yak norogolat, Kenmbal Pem Nagawan an-e keya nibili-o. Iri ala ge, ob-o. Yawo-ge kit-nen idnak Nagawan Indo an neram kenlem lombok ndok werer-o’ yij-o” luk yak indij-o.

1 SEMUEL 12:12

Alat nde Amon nap nagawan Nas-nen kit kenpem kore yurak iri-ge karug-et nde, kir-e kit tena kunpuruk woraso Nagawan Indo iri na keya buruk, kit-nen yak norogolar-e: ’Nir-e nagawan-nen tena nunpuruk wolmomtak perak nindingen-o’ luk yigeb-o.

1 SEMUEL 12:17

Yawo-ge o kibi mbud yarik worasu-t nde, an-nen Nagawan Indo eram wene pil lasola-ge, at-nen erep nggarosolar-e, o nggu ngak yosolat, talme mberak pil mbuwasola, kagub-o. Iri ala, kit-nen yebet kagolar-e: ’Nit-nen nagawan misik nggi yige bem-e Nagawan Indo imin meya nggok irit kwarige-o’ luk yebet kagub-o” yak indij-o.

1 SEMUEL 12:19

Kwiye luk it-nen Semuel yak togolar-e: ”Nonmbo wa-e. Nit wat mul-o luk kat-nen yongga nondosolat Nagawan Indo Kembal Pem Nagawan emengen mbari-o. Nde, nir-e nanduk mondok meya kwarugwi-t nde, yawo tugurug-et nagawan nit nennggendumu mendak purak nggi yige iri-ge mondok meya-t kwarige-o” luk yiga-o.

1 SEMUEL 12:23

Nde, an nondomok namanggim-e an-nen kit kenmanggim tepan yigit lak yosolat, Nagawan Indo imin meya yimin naru kwara yongga nuruwag-o. Nde, iri-nen an-nen mul kondosolar-e, ndemeret konak mot mot kwarugwi irit mirik konposolat woramin-o.

1 SEMUEL 15:11

”Saul yu-ge an neram-nen nden karuk mborosolat, an-nen ebem pigi-ge kwarigit lak yidnak me, niri nera-nen Saul yu-ge nagawan tak ibigi-o” luk yak tij-o. Yosoloma, Semuel-e indi puru luk, Nagawan Indo emengen mbal tenak nene yij-o.

1 SEMUEL 7:5

Iri lug-e, Semuel-nen yosolar-e: ”Kit kenmanggim an-nen Nagawan Indo emengen mbareyek-nen Isarael nap oboksa o Mispa ndok worak werer-o” luk yak indij-o.