1 SEMUEL 8:5 - Nanduk Ngget Tul Pidnak Wene

⁵ Semuel yak togolar-e: ”Kar-e kindi worak yigenma-o. Nde, kat kelirag-e kat-nen kwaroso nggal-e kwatli buk me, nir-e ap enlem erep ereba nagawan-nen tena unpuruk worali nggal-et nit na nagawan misik-nen tena nunpuruk wolmakluk nagawan misik mendak ninpi-o” luk yak tiga-o.

1 SEMUEL 8:5 ပူးပေါင်းရင်းမြစ်များ

WONARIDNAK WENE 23:9

Ndobo ereba anggul pem-nen Isarael nab-e yik iniyil mbirigi-o. Ndobo amun ereba bem-nen eneyagi-o. It iri-ge ap enlem nin nap inmin nat karug-e lak. It nag-et lenak eneyagi-o.

YIDNAK YIDNAK WENE 13:21

Worarug-e, it-nen nagawan misik nggi yogola-ge, Mbal Pem Nagawan-nen-e Kis ambara Saul, elem-e Mbenyamin nap irit wok indij-o. Wok endamu-ge, ap iri nagawan woralar-e, molengen ebis-et empat pulu (40) irit woragaij-o.

WENE MBENARUGWI NAP-NEN KWARIDNAK WENE 8:22

Iri luk, Isarael nap-nen Nggireyon yak togolar-e: ”Kar-e Mirian nap ininggiyapma-nen wisirik ninpidnak me, kat na irit kat-nen wigarak na irit pempa nit nennggendumu nagawan wolmer-o” luk yak tiga-o.

1 SEMUEL 10:19

An-nen-e kit yane wurugwi min andi bandi kagwi min oboksa arem-nen wisirik konposo-t nde, kit yawo-ge an-nen nagawan misik kennggendumu lenak purak nggi yak norogolat, Kenmbal Pem Nagawan an-e keya nibili-o. Iri ala ge, ob-o. Yawo-ge kit-nen idnak Nagawan Indo an neram kenlem lombok ndok werer-o’ yij-o” luk yak indij-o.

1 SEMUEL 12:13

Iri yigep na-ge yawo-ge kit-nen nggi yigep nage nagawan-e yur-o. Nagawan Indo-nen wok kendamu-o.

1 SEMUEL 12:17

Yawo-ge o kibi mbud yarik worasu-t nde, an-nen Nagawan Indo eram wene pil lasola-ge, at-nen erep nggarosolar-e, o nggu ngak yosolat, talme mberak pil mbuwasola, kagub-o. Iri ala, kit-nen yebet kagolar-e: ’Nit-nen nagawan misik nggi yige bem-e Nagawan Indo imin meya nggok irit kwarige-o’ luk yebet kagub-o” yak indij-o.

1 SEMUEL 12:2

Nde yawo kuri-nen tel korogolar-e, at-nen nak lit kunpuruk nuwa-o. Yik neyer-o. Yawo-ge an-e abu indi worak me, negeren yeba na ker-o. Yenggerak purag-e, an nilirag-e abu indi worak ereba nak ker-o. An-e nusujwe bem-net lit kunpuruk nosoma, abu nindi worak yigi-o.

1 SEMUEL 9:20

Nde, kit kenkelerai pul yamu kenan tarem woraigep ereba-ge kunmud kudtak pug-o. Abu kaigarik worali-o. Nde, Isarael nap oboksa ennggendumu-nen ukwe nggok peragwi iri-ge ta-nen wanusu-o? Iri na-ge kat min kat keid ama woragwi nap min kenpem-et worasu iri-ge lag-a?” luk yak tij-o.