1 SEMUEL 8:11 - Nanduk Ngget Tul Pidnak Wene

¹¹ Yak ondosolar-e: ”Nagawan iri-nen-e abog-e yu nggal kwat kunpuwa-o” luk Semuel-nen yak ondosolar-e: ”Abok nagawan iri-nen-e kit kenmbararag-e lembesa lesa san ombo nggorak unpuwama, ereb-e san ombo nggweyak koma bem nugwi rak onposolat, nde, ereb-e san ombo kura ombol pem nugwi rak onposolat, nde, ereb-e nggweyak tu nugwi rak onposolat ma-o.

1 SEMUEL 8:11 ပူးပေါင်းရင်းမြစ်များ

2 SEMUEL 15:1

Iri kwatluk ombol nggwe-ge Apsalom-nen-e nggweyak koma misik min lit kuruk mbururak kura min ondomok amanggim lid lud tak pij-o. Iri yosolar-e, at imin nurak nap lima pulu (50) min-et lenak inpij-o.

1 NAGAWAN NAGAWAN-NEN KWARIDNAK WENE 1:5

Apsalom na-ge wat yidnak me, Ndaut ambara Apsalom imbirik Andonia iri na-ge manggiya nggal kwat yij-o. Nde, ija unu-ge Agit. Nde, Andonia iri-ge mondok ebe-ge tenaga irit men yidnag-o. At-nen nde meya kwarosoma-ge, eid Ndaut-nen-e nggomo woroso buk irit woragij-o. Andonia iri-ge mondok nagawan men yurak irit wat tak posolar-e, at-nen idnak wim koma min kura wam min at ondomok yik karok wolmomtak san ombo-ge lima pulu (50) min irit lid lud tak pij-o.

1 NAGAWAN NAGAWAN-NEN KWARIDNAK WENE 10:26

Salomo-nen ndak worosolar-e, wim nggurak nggweyak koma-ge seribu empat ratus (1.400) ndak worosolat, nde, san ombo-nen ombolwak pem koreluk mbururak kura wam-e duabelas ribu (12.000) irit lenak pij-o. Iri rak purug-e, ereb-e Yerusalem iri me posolat, nde, erep minggirig-e o siri nin me nan me ereba me pil lobok yij-o.

1 NAGAWAN NAGAWAN-NEN KWARIDNAK WENE 12:10

Yak ondosoloma, it-nen onggo yak togolar-e: ”Nagawan kat-nen-e wene-ge yu nggal yak undurag-o: ’An-e namawi lag-et nde, neid amawi-ge teberak puruk, an namawi-ge terak minik ombol nggwe-net yusu-o.

1 NAGAWAN NAGAWAN-NEN KWARIDNAK WENE 12:4

”Kat keid Salomo-nen-e nir-e angin worak nenpem pamu-o. Nde, nagawan kat-nen nde angin worak nenpem pid iri nde siyak te nggal nenpem posolat, nit-nen andi bandi kagwi na siyak marik tak posolat kwarosola-ge, nir-e kat ndegel kubul-o” luk yak tiga-o.

1 NAGAWAN NAGAWAN-NEN KWARIDNAK WENE 18:46

Ereya na-net Nagawan Indo-nen Elia iri na amawi wok tosolar-e, usum leyok sum iri na yunggusa pesera abam nggwe pil lasolug-e, abare kamarak purug-e, at nanduk pong kid kid Yisiriel o pak tumende bem Akap abuwok nanduk wok yil mbirij-o.

1 SEMUEL 10:25

Iri rak purug-e, Semuel-nen-e nagawan iri-nen mot mot kwarosolat wolmomtak wene min at-nen kwarurak yabu min ereba na mbenasa ap ereba na mul undurug-e, wene ereba na-ge engga misik pem mbarak puruk, engga iri na-ge Mbal Pem Nagawan ama o mondok marak iri na me ndok worak pij-o. Iri rak purug-e, Semuel-nen-e: ”Yawo-ge kenmarak ndi yer-o” yak ondosola, ndi yiga-o.

1 SEMUEL 14:52

Saul uruk woralar-e, pempa Pilisin nap inmin mondok wim kwiye worak mbal tenak woraso me, Saul-nen yik kasoma nde ap nde enmawi worak, kwiye lak ala-ge, waga san ombo nggorak onposolat irit woragij-o.

1 SEMUEL 8:9

Iri bem-e it-nen nggi yili irit kuli-o. Alat nde, kat-nen abuwokma enaru wolmakluk yak ondosolar-e, abok nagawan iri-nen kwat unpuwa iri-ge mondok kwara enaru rak purag-o” luk yak tij-o.