1 SEMUEL 7:9 - Nanduk Ngget Tul Pidnak Wene

⁹ Iri yogola karug-e, Semuel-nen-e lomba usul misik wanarik, emben Nagawan Indo amanggim posolar-e ebis-et wosa kan pij-o. Iri rak purug-e, Nagawan Indo-nen Isarael nap yongga unduwakluk tepan yosola-ge, Nagawan Indo-nen-e Semuel ene-t kulij-o.

1 SEMUEL 7:9 ပူးပေါင်းရင်းမြစ်များ

YEREMIA 15:1

Nagawan Indo-nen an yak norosolar-e: ”Musa min Semuel min-nen an neram yu me mendak woragolat, it ap enlem yu an-nen enabuwa yuwakluk nemengen mbaruwa-t nde, an-e ap enlem yu-ge mondok enabuwa yimin pug-er-o. Ap enlem yu-ge an-nen yik iniyudtag-e mondok nimbir-o! ’Ndak mberer-o’ yak indi-o!

TUGURUK YIDNAK WENE 9:26

’Nagawan Indo kek tak wa-e. Kat kamawi kumbunu kwarat pem Mesira-nen wesera wok unpuruk lobok yigen kelem nap yu-ge lak tak unpurak pug-o.

YAKOBUS 5:16

Iri bem-e, kit ki rak kunpuwaklug-e, kit na kit-net meya yidnak pal kerak mbogolat, kit na kit-net tepan pegerak mbogolat wolmer-o. Lud tak nak kwaroso nap-nen indi angin tubu yosolat-nen tepan yusu iri-ge amawi kwarat-nen yusu-o.

WENE MBENARUGWI NAP-NEN KWARIDNAK WENE 6:26

Iri rak puruk mijarak pugun iri na bem-e Nagawan Indo amanggim kan purak ondoro mondok kona ndak wosa pidnak iri na purug-e, sapi kusi iri na-ge mondok ebis-et Nagawan Indo amanggim kan purag-o. Nde, kan purak kan-e kugwi kwe Ndewi Asera erembel wanugwi e mbara keya bugun ereba bem-et kan purag-o” yak tij-o.

WENE MBENARUGWI NAP-NEN KWARIDNAK WENE 6:28

Nde, o iri me woragwi nap kup men yogolat-nen yik kaiganggal-e, kugwi Mbaal amanggim kan pugwi ondoro min kugwi kwe Ndewi Asera erembel wanugwi e sindik ereba na min ndamera lak tak puruk, iri na me-ge eyabi worak wosa kan purak ondoro ngget nin misik ndama pil laruk iri na bem-e sapi kusi misik wosa kan pidnak karug-e,

1 SEMUEL 10:8

Iri lug-e, kar-e Nggilnggal mburugundik, kar-e an yik neyarok tuju bem woragun-o. Nde, Mbal Pem Nagawan amanggim wam wosa kan posolat, at imin kundurak pem wam wosa posolat kwarurak an lobok yimindik-nen-e kat-nen mondok kwarosolat wolmomtak wene-ge mirik kibimin-o” luk yak tij-o.

1 SEMUEL 12:17

Yawo-ge o kibi mbud yarik worasu-t nde, an-nen Nagawan Indo eram wene pil lasola-ge, at-nen erep nggarosolar-e, o nggu ngak yosolat, talme mberak pil mbuwasola, kagub-o. Iri ala, kit-nen yebet kagolar-e: ’Nit-nen nagawan misik nggi yige bem-e Nagawan Indo imin meya nggok irit kwarige-o’ luk yebet kagub-o” yak indij-o.

1 SEMUEL 16:2

Yosoloma Semuel-nen yosolar-e: ”Wene iri-ge nggesa-n kwarimin-o? Saul-nen kuluwarig-e, mondok nuruwa-o” yosoloma, Nagawan Indo-nen yosolar-e: ”Sapi mendaso misik waruk mbiri-o. Waruk mborosolat-nen ap ereba yak ondosolar-e: ’An-e Nagawan Indo amanggim wosa purak waruk lobok yusu-o’ luk yak indi-o.

1 SEMUEL 2:35

Iri luk ombol nggwe-ge an-nen tepan ombo mondok tugup lak, an-nen yidnak yidnak oboksa kwaruwa nap misik lenak pimin-o. At-nen wigarag-e tepan omborak unpumu, tepan ombo-nen wanugwi yabu wanogolar-e, nagawan an-nen lenak inpimin ereba na endam yabu pempa wanogolat wolma-o.

1 SEMUEL 7:17

Pempa iri nggal kwatlug-e, ama Arama mborosolat woragij-o. Nde, at nen Isarael nap ennggendumu wene mbenaroso nap irit woralat, iri-nen Arama iri me-nen Nagawan Indo amanggim wosa kan purak ondoro kona mendaga pil lagaij-o.

1 SEMUEL 9:12

Nde, kweyap ndugum ereba-nen onggo yogolar-e: ”Worasu-o. Ar-e yanem-et nanduk mburusu-o. Kit nde ndag-et mborogolat-nen-e tenakub-o. Nde, ndobo bem Mbal Pem Nagawan amanggim kan pugwi sa ondoro iri bem o siri yu me woragwi nap-nen-e Mbal Pem Nagawan amanggim eyabi worak kan purak me, ar-e o silmu yu me wok yusu-o. Nde, at-nen-e Mbal Pem Nagawan amanggim kan purak ereba imbiringgat tak pigit lak ma-ge, yonggo inpidnak nap ereba-ge nunggwi mende-ge nujwa bug-o. Kit nde yanem-et mburugupndig-e, ar-e norak pem ndobo bem lagit lak ma imin lambuk yugub-o” luk yak indiga-o.