1 SEMUEL 7:2 - Nanduk Ngget Tul Pidnak Wene

² Nde, Nagawan Indo-nen idnak urul pidnak wene labu mbarak iri na o Kiriyat Yearim woralar-e, olengen dua pulu nggal woragij-o. Worala-ge, ereya na tarem-e Isarael nap oboksa-nen ”Yongga nindi-o” luk Nagawan Indo eram wene mbo bogolat woraiga-o.

1 SEMUEL 7:2 ပူးပေါင်းရင်းမြစ်များ

YEREMIA 26:20

Iri nggal-et ap misik-nen na an kwarusu yu nggal-et Nagawan Indo-nen ebem pidnak pem-et o siri yu min ap enlem yu min lak tak unpurak wene kirimbi yamu-o. Nde, ap iri unu-ge Uria, Semaya ambara o Kiriyat-Yeyarim nap iri nar-o.

YEREMIA 31:9

It tuguruk lobok yogolar-e, yip lengen-e yolo mbosolat irit lobok yogola, an-nen-e inndi yanggunil yanggunil lit unpuruk lobok yimin-o. An-nen wok unpuruk lobok yosolar-e, yi worak nggwe-t inmin lobok yosolat, it unuwok abis pijaksa wosa mbigit lak, konak lobok yurak yamuk tak tu nggwe-t inmin lobok yimin-o. An-e Isarael nap ineid kwat yimin-o. Nde, Eperaim iri-ge an nambara manggiya-nen yusu-o” luk yij-o.

MATIUS 5:4

Nde, inndi puru pera worali nab-e Mbal Pem Nagawan-nen it inndi yangunuwa me, enalen kali-o.

WENE MBENARUGWI NAP-NEN KWARIDNAK WENE 2:4

Nde, aid nap iri na-nen wene iri na yak ondosola-ge, Isarael nap oboksa-nen yip sa nggwa mbiga-o.

1 SEMUEL 7:1

Iri yikma, Kiriyat Yearim woragwi nap lobok yogolar-e, waruk mbirigarik ap misik unu-ge Abinandap uwi ndobo bem worak iri na me piga-o. Purug-e, Abinandap ambara Elieset iri na-nen urul pidnak wene labu mbarak iri na-ge tena wolmakluk lenak piga-o.

1 SEMUEL 7:3

Iri yogola, Semuel-nen Isarael nap yak ondosolar-e: ”Kit-nen nde mondok kinndi min-net tuguruk nden karuk, Nagawan Indo eram mbutluk Nagawan Indo kek tak purak yogola-ge, nin nap unkugwiwak min kugwi Ndewi Asoret ndak worak min mondok keya buruk, kenpe-ge mondok ndemeret ndemeret kegera Nagawan Indo eram nak pogolat, at nak kek tak pogolat wolmomtag-o. Iri kwarogola-ge, Pilisin nap ininggem-nen wisirik kunpuwa-o” luk yak indij-o.