1 SEMUEL 7:17 - Nanduk Ngget Tul Pidnak Wene

¹⁷ Pempa iri nggal kwatlug-e, ama Arama mborosolat woragij-o. Nde, at nen Isarael nap ennggendumu wene mbenaroso nap irit woralat, iri-nen Arama iri me-nen Nagawan Indo amanggim wosa kan purak ondoro kona mendaga pil lagaij-o.

1 SEMUEL 7:17 ပူးပေါင်းရင်းမြစ်များ

NDAK WIRIDNAK WENE 33:20

Nde, iri na me Yakup na woralar-e, Mbal Pem Nagawan amanggim wam wosa kan purak ondoro ndama pil laruk, unu yarosolar-e, EL iri-ge Isarael Embal Pem Nagawan-o luk yarij-o.

NDAK WIRIDNAK WENE 35:7

Iri na me wok yogolar-e, Yakup-nen-e wam wosa kan purak ondoro irit kona keya buruk, iri na me unu yarosolar-e: ”El Mbetel” irit yarij-o. Iri yarid iri-ge nanduk at owe Esau aye-nen lobok yosoma, Mbal Pem Nagawan at imbiri bem nam yidnak sa ala karuk, irit yarij-o.

WENE MBENARUGWI NAP-NEN KWARIDNAK WENE 4:5

Nde, kwe Ndebora iri-ge Arama wok Mbetel wok o ndobo worak Eperaim wi iri me kuruma engen nunggwi kelapa ari nggal iri na erep pem koreyak worasola-ge, Isarael nab-e wene worala-ge, wene kon unduwakluk eram lobok yugwi-o.

WENE MBENARUGWI NAP-NEN KWARIDNAK WENE 6:24

Yosoloma, Nggireyon-nen-e Nagawan Indo amanggim kan purak ondoro misik konuruk, unu yarosolar-e, ”Nagawan Indo iri-ge mondok yamuksa woragwi elem-nen yusu-o” luk yarij-o. Nde, Nagawan Indo amanggim wam wosa kan purak ondoro konid iri na-ge Abieset nap enma o siri Opera iri me worasu-o.

1 SEMUEL 1:1

Elem ”Eperaim nap ap misik” unu-ge Elkana woragij-o. Ndobo worak Eperaim iri me o Arama iri me-t woragij-o. Nde, Elkana iri-ge ap Sup-nen wigarak, Tou-nen ndagid, Eliu iri na ambara Yeroam iri na ambara-o.

1 SEMUEL 1:19

Nde, kub-e Elkana ogwela inmin-e kuplila men yogolar-e, Nagawan Indo erembel wanurug-e, tuguruk enma Arama mbiriga-o. Mbirigarik woragolar-e, Elkana-nen ogwe Ana iri na imin nene yosola-ge, Ana-nen tepan yid iri na Nagawan Indo-nen ene erep nggarosolar-e,

1 SEMUEL 11:15

Iri luk it oboksa Nggilnggal mbirigarik, Nagawan Indo erembel wanugwi sa iri me-nen-e Saul na tuguruk ar-er-o luk watsa nagawan mendak ibiga-o. Iri lug-e, it lambuk yogolat-nen Nagawan Indo amanggim wam wosa kan purug-e, Saul min Isarael nap oboksa min-e enalin enalen yogolat nggok saiga-o.

1 SEMUEL 14:35

Iri rak purug-e, Saul-nen Nagawan Indo amanggim wam wosa kan purak ondoro misik konij-o. Nde, iri-ge mondok Saul-nen anggul-et Nagawan Indo amanggim wosa kan purak ondoro konij-e irir-o.

1 SEMUEL 15:34

Iri rak purug-e, Semuel na-ge ama Arama mborosola-ge, nagawan Saul na-ge ama Nggibea mbirij-o.

1 SEMUEL 2:11

Iri lug-e Elkana ogwela inmin-e enma Arama mbiriga-o. Alat nde, la Semuel iri na-ge o Silo woralat Nagawan Indo ndegel obosolar-e, tepan ombo Eli iri na-nen yidnak yidnak kwarosolat woragij-o.

1 SEMUEL 28:3

Nde, Semuel na wat yamu-ge Isarael nap oboksa-nen tabun puruk worarug-e, at uwi silmu ama Arama iri me-t yapma ibiga-o. Nde, nanduk nggal woragolar-e, it yari min wat yidnak enngena min wene muk kagwi kweyap min oboksa-ge Saul-nen-e Isarael nap ennggendumu-nen sera wirik inpij-o.

1 SEMUEL 8:4

Iri kwarogola karug-e, Isarael nap ennggendumu enne kulugwi nab-e ndok wutluk Semuel eram Arama iri me mbirigarik-nen

1 SEMUEL 9:12

Nde, kweyap ndugum ereba-nen onggo yogolar-e: ”Worasu-o. Ar-e yanem-et nanduk mburusu-o. Kit nde ndag-et mborogolat-nen-e tenakub-o. Nde, ndobo bem Mbal Pem Nagawan amanggim kan pugwi sa ondoro iri bem o siri yu me woragwi nap-nen-e Mbal Pem Nagawan amanggim eyabi worak kan purak me, ar-e o silmu yu me wok yusu-o. Nde, at-nen-e Mbal Pem Nagawan amanggim kan purak ereba imbiringgat tak pigit lak ma-ge, yonggo inpidnak nap ereba-ge nunggwi mende-ge nujwa bug-o. Kit nde yanem-et mburugupndig-e, ar-e norak pem ndobo bem lagit lak ma imin lambuk yugub-o” luk yak indiga-o.