1 SEMUEL 7:16 - Nanduk Ngget Tul Pidnak Wene

¹⁶ Pempa Semuel-nen Isarael nap endam waring kasolar-e, Mbetel min Nggilnggal min Mispa min ereba waring kasolar-e, Isarael nap ennggendumu yuk puk mbogolat woragwi ereba na-ge wene kona ndamil nosolat woragij-o.

1 SEMUEL 7:16 ပူးပေါင်းရင်းမြစ်များ

NDAK WIRIDNAK WENE 28:19

Nde, o iri na me unu yarosolar-e, Mbetel irit yarij-o. (O iri nanduk unu-ge Lus.)

NDAK WIRIDNAK WENE 35:6

Yakup-nen lit karuk iri na-ge terak irit mbirigarik, Kanaan nggweyak pem Mbetel siri iri na me-t wok yiga-o. Nde, o iri unu nanduk woraso-ge Lus.

OSEA 5:1

Nagawan Indo-nen yosolar-e: ”Kit tepan omborak wa-e. Kwara koler-o! Isarael nap wa-e. Kwara yebet ker-o! Kit nagawan-nen wigarak wa-e. Kwara koler-o! Angin worag-e mondok kenpem mbuma-o. Iri mberak puwa iri-ge ndemerer-e kit-nen ap enpem wene mbenarogolar-e, mot mor-et mbenarurag-et nde, kir-e Mispa iri me ap ngonok tak unpurak sabu logo nggal kwat yogolat, Tabot ndobo bem sabu logo nggal kwat yogolat,

AMOS 5:5

An nerembel wanuwoklug-e, Mbereseba-ge mbururak pug-o. Mbetel iri-ge lak ma-nen yusu-o. Nggilnggal woragwi nab-e wim kugun pem wok unpuruk mburuwarik, mbo inpil mburugwi sa inpil mburuwa me, Nggilnggal iri me na mbururak pug-er-o” luk yij-o.

YOSUA 5:10

Yeriko koroga mbirikmu Nggilnggal iri na me o lije ma woragolar-e, Isarael nab-e waneya anggul-et iri na bem-e keyama nggwe tanggal empat belas pem-e O Anggul Pandok Mbiridnak Tarem yebet kagolat saiga-o.

YOSUA 5:9

Nde, Nagawan Indo-nen Yosua yak tosolar-e: ”Yawo-ge kit Mesira-nen mumnggup manggi ebe lak mende woragwi iri na-ge mondok lak tak kinpigi-o” luk yak tij-o. Iri kwaridnak ala karuk, o iri na me unu-ge Nggilnggal yariga iri-ge yawo na irit yilir-o.

WENE MBENARUGWI NAP-NEN KWARIDNAK WENE 5:10

Kit kelerai wam loro bem koreyak worali min kit kune mondok konak pem koreyak worali min kit nggweyak tu mbitli oboksa min wa-e. Ombol nggwe yidnak yu wene wigarer-o.

1 SEMUEL 10:17

Nde, Semuel-nen Isarael nap oboksa o Mispa iri me nak ndok wuruwakluk yonggo unpuruk-nen

1 SEMUEL 11:14

Yosoloma, Semuel-nen it yak ondosolar-e; ”Naptag-o. Nggilnggal mburulndik Saul iri na mondok ar-er-o luk watsa nagawan mendak puwog-o” luk yak indij-o.

1 SEMUEL 7:5

Iri lug-e, Semuel-nen yosolar-e: ”Kit kenmanggim an-nen Nagawan Indo emengen mbareyek-nen Isarael nap oboksa o Mispa ndok worak werer-o” luk yak indij-o.