1 SEMUEL 6:17 - Nanduk Ngget Tul Pidnak Wene

^17-18 Pilisin nap nagawan lima-nen tena woragwi o siri lima ereya na woragwi nap-nen it meya kwaridnak onggo-ge iri nggal kwasa Nagawan Indo amanggim pugwi mende-ge pil mbiriga-o. O siri lima ereya-ge Asndot min Nggasa min Askelon min Nggat min Ekoron min, nde, o siri ereba-ge ereb-e kerep pag-e worag-o, nde, ereb-e lag-o. Nde, o siri ereya na ondomoktak-nen Nagawan Indo amanggim pogolar-e, emas pem-nen konidnak marigot min wuningga min ut memera ndak worak ereya na pil mbiriga-o. Nde, iri kwariga iri na ndemerer-o luk yenggerak purag-e Nagawan Indo-nen idnak urul pidnak wene labu mbarak iri na kerep ija nggok iri na bem pidnak kereb-e Mbet-Semes nap Yosua eyapmu yawo-nen na worasu irir-o.

1 SEMUEL 6:17 ပူးပေါင်းရင်းမြစ်များ

2 SEMUEL 1:20

Iri wene-ge Nggat iri me wigarurak pug-o. Askelon tula tula ereba me yil nurak pug-o. Pilisin ligwami enalin enalen kagu-o. Mbal Pem Nagawan enaru buk ligwami enalin enalen lek kagu-o.

2 NAGAWAN NAGAWAN-NEN KWARIDNAK WENE 1:2

Nde, misik tarem-e at woraso sa Samaria iri na me-nen-e Nagawan Agasia iri na-ge o panggo silabaga iri na me-nen kapsa nggweyakma wosa lobok yosolar-e, mondok ndamera mbosolar-e, angin irit mbud yij-o. Iri kwasa woralar-e, at-nen-e: ”An-e ki yimin, lak? Are, wat yimin-a?” yosoluk, kugwi tu mbal tuwaklug-e, ab-e Pilisin iri me o siri Ekoron woragwi nap unkugwi Mbaal Sebup iri na kin wil mburuwakluk wirik inpij-o.

AMOS 1:6

Nagawan Indo-nen yosolar-e: ”Nggasa woragwi nab-e pempa meya nak kwat tenak worali-o. Iri bem-e ndemeret it iri-ge mondok angin worak enpem pimin-o. Nde, it-nen-e ap enlem misik mondok oboksa ap mumnggup manggim wolmakluk Erom nap enpem onnggo waniga-o.

AMOS 6:2

Kir-e mburugupndik, o Kalne kagoluk, nok mburugupndik, o Amat siri nggok iri me mberer-o. Pilisin iri me o siri Nggat mberer-o. Kit kinndi arem-nen-e o siri Yewura min Isarael min-e meya rak puruk, o siri ereba nak konak tak pili-a? Kit-nen tenagidnak wi-ge marik tak puruk, it-nen tenagidnak wi-ge nggok tak pili-a?

WENE MBENARUGWI NAP-NEN KWARIDNAK WENE 14:19

Ereya na-net Nagawan Indo amawi-nen Simson amawi rak posolar-e, Simson iri na-ge Askelon mbirij-o. Mberarig-e, ap sum konak nak yirik tiga pulu (30) indij-o. Unduruk unsum ereba na yonggora wanuruk lobok yosolar-e, ap tiga pulu (30) ombol mbarak wene ebe yiga ereya na wok indij-o. Iri lug-e, ama mborosolar-e, kwat ibiga ereba na bem isilepma kundugu irit mbirij-o.

WENE MBENARUGWI NAP-NEN KWARIDNAK WENE 16:1

Misik tarem-e Simson na-ge Pilisin nap unuwi Nggasa nggwe mbiridnggal-e, kwe uwingga mbaroso misik min lambuk luk imin nene yil mbirij-o.

WENE MBENARUGWI NAP-NEN KWARIDNAK WENE 16:21

Iri yosola-ge, Pilisin nap lobok yogolar-e, tenaguruk erengen kela keya buruk, o Nggasa waruk mbirigarik, posid kere mberen pem kamarak puruk, o kubu me pil ngguruk, yabu-ge nggandum mbato engen mbilarugwi mende kerep iri na ebem pikma engen mbilarosolat woragij-o.

1 SEMUEL 5:1

Nde, Pilisin nap-nen Mbal Pem Nagawan-nen idnak urul pidnak wene labu mbarak iri na mengga waruk mbirigarig-e, Eben-Kaeset-nen waruk mbirigarik, it unuwi silmu Asndot waruk mbiriga-o.

1 SEMUEL 5:10

Iri ala karuk, urul pidnak wene labu mbarak iri na-ge iri me-nen waga o Pilisin iri me-net nde, o Ekoron pil mbiriga-o. Waruk o iri na me wok yukmu-ge, o iri me woragwi nap-nen enne nggoksa yogolar-e: ”Nit oboksa nunduwakluk Isarael nap Enmbal Pem Nagawan-nen idnak urul pidnak wene labu mbarak iri-ge waruk lobok yili-a?” luk yiga-o.

1 SEMUEL 5:8

Iri lug-e, ndok worogola kin wanuwoklug-e Pilisin nap nagawan lima ereya na yonggo inpiga-o. Ndok worogola-ge, it-nen kin wok onpogolar-e: ”Isarael nap Enmbal Pem Nagawan-nen idnak urul pidnak wene labu mbarak yu-ge ngge rak pul-o?” luk yak ondogola, it nen onggo yogolar-e: ”Urul pidnak wene labu mbarak iri na-ge o siri Nggat pil mbururag-o” yikma, o Pilisin iri me o siri Nggat iri na me pil mbiriga-o.

1 SEMUEL 6:4

Yogoloma, ”Onggo-ge no mende wok tul-o?” luk yiga-o. Yogoloma, kugwiwak ombo-nen yogolar-e: ”Kit kenpem angin worak mende mbusu iri-ge kit-nen Pilisin nap nagawan lima ereya ndak ndag-et emas pem ndak worak marigot lima iri min wuningga lima min ndak wosa wok turag-o. Nde, angin worak mende kenpem mbid iri-ge marigot min wuningga min nggal-et kit oboksa min nagawan lima ereba min oboksa kenpem mbid nar-o.