1 SEMUEL 4:17 - Nanduk Ngget Tul Pidnak Wene

¹⁷ Yosoloma, ap wene waruk lobok yid nap iri na-nen yosolar-e: ”Nir-e mondok kwiye worag-et abu urugwe nggwe rak ninpikma-o. Iri yogolar-e, ap kwarat nondogolat, ennggendumu-ge nonmbo kambararak Opni min Pineas min-et indiga-o. Iri-nen Mbal Pem Nagawan-nen idnak urul pidnak wene labu mbarak iri na min-et mengga waniga-o!” yak tij-o.

1 SEMUEL 4:17 ပူးပေါင်းရင်းမြစ်များ

1 SEMUEL 2:34

An-nen yak kirigi wene yu oboksa-ge ndemerer-o luk yenggerak pugun-e kat kambararak Opni min Pineas min ereya-ge misik pem nak wat yogola, iri-net yenggerak pugun-o.

1 SEMUEL 3:11

Yosoloma-ge, Nagawan Indo-nen Semuel yak tosolar-e: ”An-nen-e kwiye worak nin mende mbi Isarael nap ennggendumu kwarimin-o. Nde, kwarimin iri wene kuluwa nab-e wendet ma-o.

1 SEMUEL 3:12

Iri tarem-e an-nen Eli elirak-nen kwarugwi bem an-nen wene enal tebarosolat mondok tel korosolat-nen yaga worok tak pigi wene ereba na oboksa-ge an-nen kwat inpimin-o.

1 SEMUEL 4:16

Ap iri na-nen Eli yak tosoiar-e: ”An-e wim nggugwi sa-nen yanem-et lobok yusu yur-o” yosoloma, Eli-nen wene kin wanosolar-e: ”Nambara-o. Wene-ge ngge kwarag-o?” luk kin wanij-o.

1 SEMUEL 4:18

Ap iri na-nen urul pidnak wene labu mbarak iri na wanidnak wene yak tosoma, ereya na-net Eli na-ge koreyak woraso ondoro iri na bem-nen o pak tumende iri na erabet ponok nggwe anggul sindik nggwe wirim nggola mbosolar-e, ar-e ap indi worak ebe na mondok nggok me, undugun ngguroksa wat yij-o. Nde, at-nen Isarael nap lit unpuruk nosolar-e, olengen empat pulu (40) irit woragij-o.