1 SEMUEL 31:6 - Nanduk Ngget Tul Pidnak Wene

⁶ Iri nggal kwasa Saul min at ambararak kenan min at imin nugwi nap oboksa min ap sujwe esan waruk noso iri na min o misik tarem nak wat yiga-o.

1 SEMUEL 31:6 ပူးပေါင်းရင်းမြစ်များ

2 SEMUEL 1:1

Nde, Saul iri na wat yosoloma-ge, Ndaut na-ge Amalek nap unduruk, urugwe nggwe rak unpurug-e, tuguruk lobok yosolar-e, mberen pem o Siklak iri me woragij-o.

2 SEMUEL 1:12

Iri rak purug-e, Ndaut iri na at imin nugwi nap inmin-e iri tarem-e Saul min Yonatan min Nagawan Indo ilirak Isarael nap erep ereba na inmin-et indidnak me, nunggwi mende ninggit lak, yip nggu lek tenak iri-net ndamuk yij-o.

1 SEMUEL 11:15

Iri luk it oboksa Nggilnggal mbirigarik, Nagawan Indo erembel wanugwi sa iri me-nen-e Saul na tuguruk ar-er-o luk watsa nagawan mendak ibiga-o. Iri lug-e, it lambuk yogolat-nen Nagawan Indo amanggim wam wosa kan purug-e, Saul min Isarael nap oboksa min-e enalin enalen yogolat nggok saiga-o.

1 SEMUEL 12:17

Yawo-ge o kibi mbud yarik worasu-t nde, an-nen Nagawan Indo eram wene pil lasola-ge, at-nen erep nggarosolar-e, o nggu ngak yosolat, talme mberak pil mbuwasola, kagub-o. Iri ala, kit-nen yebet kagolar-e: ’Nit-nen nagawan misik nggi yige bem-e Nagawan Indo imin meya nggok irit kwarige-o’ luk yebet kagub-o” yak indij-o.

1 SEMUEL 12:25

Alat nde, kit-nen nde meya nag-et kwat tenak woragola-ge, kit min nagawan iri min mondok lak tak kunpuwa-o” luk yak indij-o.

1 SEMUEL 28:19

Nagawan Indo-nen-e kat min Isarael nap min-e kinminep wesera Pilisin nap ininggem kunpuwa-o. Kub-e kat min kambararak inmin-e an neram ndok wurugub-o. Nde Nagawan Indo-nen Isarael nap san ombo oboksa inmin-et Pisilin nap ininggem kegera unpuwa-o” luk yak tij-o.

1 SEMUEL 31:5

Iri kwarosola, ap sujwe iri na-nen yik kagaidnggal-e, Saul na-ge abu-t wat yidnak karug-e, at na ondomok eyalawi iri na sindik puruk ondomok eyalawi iri na bem yebaksa anggat pem mbosoluk, Saul eralu irit wat yij-o.

1 SEMUEL 31:7

Nde, Isarael nap Yisiriel mbirik iri na eyak ponok nggwe woragwi nap min mo luwaso (timur) ambigit yi Yareren eyak ponok nggwe woragwi nap min-nen kuliganggal-e Isarael nap san ombo kwiyen-nen ndi yogolat, Saul ambararak inmin na indidnak wene kulurug-e, unuwi siri keya buruk kwiye mborogola-ge, Pilisin nap-nen-e it unuwi siri ereba na-ge waniga-o.