1 SEMUEL 31:2 - Nanduk Ngget Tul Pidnak Wene

² Iri yogola, Pisilin nap-nen muk iniyil mbirigarig-e, Saul ilirak erebe na ennggendumu kenan ereya na-ge indiga-o. Nde, ereya-ge Yonatan min Abinandap min Malkisua min irit indiga-o.

1 SEMUEL 31:2 ပူးပေါင်းရင်းမြစ်များ

2 SEMUEL 1:6

Yosoloma, at-nen yosolar-e: ”An-e ndemeret Ndobo Nggilmboa bem woralat-nen yik kaginggal-e, wim nab-e wim koma bem min kura wam ombolwak pem min Saul iri na wuruwokluk lop lop worogola-ge, ar-e erege iri na bem watsa nggulal yosola kagi-o.

2 NAGAWAN NAGAWAN-NEN KWARIDNAK WENE 25:7

Nde, at ambararag-e at erengen pem iri-net indiga-o. Iri rak purug-e, Sendekia iri na-ge erengen kela keya buruk, posid kere bem kamatluk, Mbabilonia waruk mbiriga-o.

MBIRIGA WENE 20:5

An-e Nagawan Indo Kenmbal Pem Nagawan-nen yusu me, kininggi-nen ndak wiridnak mende iri kek tak purak pug-o. Nin mende nan mende min an ndak ndak tak nuburag-e mondok nimbir-o. An mondok insili rak mbili nab-e enpem angin worak posolar-e, lila bem lud, tabuh pem lud, ap tap kenan pem unpumu, iri na-t ap tap empat enpem lud yil mburuwa-o.

1 SEMUEL 13:16

Iri lug-e Saul ambara Yonatan iri na-nen lit karuk, it-nen idnak san ombo ereba na inmin-e Mbenyamin nap unuwi nggweyak pem o Nggeba iri me o sare lit kil lobok yiga-o. Nde, Pilisin nab-e Mikmas iri me o sare lit kil lobok yiga-o.

1 SEMUEL 13:2

Israel nap ennggendumu-nen ab-e tiga ribu (3.000) irit len unpurug-e, dua ribu-ge (2.000) at imin o Mikmas ndobo worak o Mbetel iri me woraiga-o. Nde, ap seribu-ge (1.000) at ambara Yonatan min Mbenyamin nap unuwi nggweyak pem o Nggibea mbiriga-o. Nde, ap erep terak ereba na-ge ”Kenma lombok ndi yer-o” luk yak indij-o.

1 SEMUEL 14:22

Nde, Isarael nap erep ndobo Eperaim ereba me kura worali ereba na-nen kuliganggal-e: ”Pilisin nab-e kwiye-nen nggilarak mbu ndi yili-o” yogola kulurug-e, it min-et Saul imin lambuk yogolar-e, Pilisin nap enpem kore yiga-o.

1 SEMUEL 14:49

Nde, Saul ambararag-e Yonatan min Yiswi min Malkisua min, nde, ararag-e manggiya-ge Merap min imbirig-e Mikal min irir-o.

1 SEMUEL 28:19

Nagawan Indo-nen-e kat min Isarael nap min-e kinminep wesera Pilisin nap ininggem kunpuwa-o. Kub-e kat min kambararak inmin-e an neram ndok wurugub-o. Nde Nagawan Indo-nen Isarael nap san ombo oboksa inmin-et Pisilin nap ininggem kegera unpuwa-o” luk yak tij-o.