1 SEMUEL 3:2 - Nanduk Ngget Tul Pidnak Wene

² Nde, misik tarem-e kubu-ge Eli na-ge ap indi worak me, erengen kubo lurak iri na-ge at nene yoso sa-t nene yij-o.

1 SEMUEL 3:2 ပူးပေါင်းရင်းမြစ်များ

NDAK WIRIDNAK WENE 27:1

Nde, misik tarem-e Isak na abu indi worak yosolat, erengen ugut woralar-e, ambara nanduk nderak Esau na wene mbo uburuk-nen yak tosolar-e: ”Nambara-o!” yij-o. Yosoloma-ge, ”No? Neid wa-e” yij-o.

NDAK WIRIDNAK WENE 48:10

Nde, Yakub-e abu indi worak yosolat, erengen-e kubulu yidnak me, iniyudtak meya-nen kwarij-o. Yusup-nen ilirak ereya na-ge Yakup eram panggosa inpil lagaij-o. Lasola-ge, Yakup-nen-e paluksa wa yak ondosolat-nen

NDAK WIRIDNAK WENE 48:19

Alat nde, Yakup na-ge larok yosolat-nen yosolar-e: ”An-e naru-o, nambara-o. An-e naru-o. Nde, Manase-ge at amawi-ge nggok yosolat, at-nen wigarak na ap enlem nggok irit kwat ma-o. At owot yu-nen wigarak na ap enlem nggok nak kwarat ma-o” luk yak tij-o.

NDAWI ENGGA 90:10

Nit nunluk woragolar-e, olengen tuju pulu (70) nak worali-o. Nde, nit nde siyak nenmawi woragolat-nen-e olengen-e delapan pulu (80) nak worali-o. Alat nde, ereya woragolar-e, anggun panggun min andi bandi min nak worali-o. Nunluk marig-et worarug-e, nir-e mondok lak yili-o.

AID WENE YOSO NAP 12:3

Iri tarem-e kinggi tugup lak kamawi bem kagap ndagoso iri na-ge lele ma-o. Kowak amawi worak nggwelsa noso-t nde, amawi lak luk, mamok mamok ma-o. Keyak nunggwi mende tarurak ebis ndigirik woragit lak yosolat, kerengen kubulu yosolat, yik kudtak lumugumu mbuwa-o.

1 SEMUEL 2:22

Nde, Eli iri na-ge indi worak irit yij-o. At ambararak-nen enabut meya Isarael nap inmin kwarugwi wane-ge kolosolat irit woragij-o. Iri-nen Nagawan Indo woraso uwi iri na tumende ambigit nggwe yabu wanugwi kweyap ereba na inmin nene yugwi wene min-et kulij-o.

1 SEMUEL 4:15

Nde, iri tarem-e Eli na-ge olengen sembilan pulu delapan (98) woraidnak me, erengen-e kubo lurak irit woragij-o.