1 SEMUEL 3:19 - Nanduk Ngget Tul Pidnak Wene

¹⁹ Nde, Semuel na nggok yosola-ge, Nagawan Indo-ge at imin woralat ndemeret Semuel-nen yid ereba na-ge ndak ndag-et kwat yij-o.

1 SEMUEL 3:19 ပူးပေါင်းရင်းမြစ်များ

NDAK WIRIDNAK WENE 21:22

Ereya tarem-e Nagawan Abimelek min at-nen idnak esan ombo ereba na onowe Pikol min-e Abarakam eram lobok yogolat-nen yogolar-e: ”Kat-nen yi kwatlik ndi kwatlik kwarusu ereba-ge Mbal Pem Nagawan-net yongga kurusu-o.

NDAK WIRIDNAK WENE 28:15

Karu wolmin-o. An-nen-e kat nugun sa oboksa yongga korosolat, nggetlel kuburuk nimin-o. Nde, an-nen-e o yu me-t tuguruk kimin lobok yimin-o. An-e mondok keya kibimin pug-o. Urul yak kirigi oboksa-ge kwar-et kobosolat woramin-o” yak tij-o.

NDAK WIRIDNAK WENE 39:2

Wanikma, Yusup na-ge iri me worala-ge, Nagawan Indo-nen-e at yongga worosola-ge, at-nen yabu wanidnag-e ebe nak yosolat irit woragij-o. Iri yosola-ge, ar-e onggo ibid Mesira nap Potipat iri na ama-t woragij-o.

NDAK WIRIDNAK WENE 39:3

Nde, at onggo ibid nap-nen yik kasolar-e, Nagawan Indo-nen Yusup yongga worosolat me, at-nen yabu wanidnag-e ebe nak irit kwat yosola kagaij-o.

1 NAGAWAN NAGAWAN-NEN KWARIDNAK WENE 8:56

”Ndegel oboso nap Musa emendam tak posolat urul yid iri na ndak ndag-et yamuksa wolmomtak elem ilirak wok indid Nagawan Indo nak erembel wanurag-o. Nde, at-nen konak mende urul pij-e oboksa kwaramu-o.

2 NAGAWAN NAGAWAN-NEN KWARIDNAK WENE 22:16

Nagawan Indo-nen yosolar-e: ”Nagawan-nen engga yanem wonarid iri ndak ndag-et an-nen-e Yerusalem min Yerusalem woragwi nap oboksa min-e mondok angin worak mende enpem pimin-o.

YESAYA 43:2

Yi yi ndi yi ereba mbaril mborosola-ge, an-e kimin-et mbirimin-o. Kar-e anggun panggun ereba arem yubuksa mbugun pug-o. Kanduk arem kuwok pugun-et nde, kan-e nunggun pug-o. Angin worak nggok kebem mbuwa-t nde, konak nak woragun-o.

YESAYA 44:26

An ndegel noboso nap-nen yidnak wene-ge an-net amawi rak poso-o, Nde, an-nen wirik pimin nap iri na-nen ’Iri nggal kwarimin-o’ luk, nam tak pidnak iri na-ge an-nen kwarak poso-o. Nde, an-nen yosolar-e: ’O Yerusalem iri-ge tuguruk ap wolma-o. Nde, o Yewura siri iri-ge tuguruk mendak pil lobok yimin-o. Nde, o mijara tud yil lobok yid ereba-ge tuguruk nanduk woraso nggal tak pil lobok yimin-o’ yigi-o.

YESAYA 55:11

an nemndam nggwe-nen wirik pidnak wene-ge we ebe lag-et an neram tuguruk luma bug-o. Alat nde, an nindi-nen pidnak ereba na kwat yosolat, an nindi-nen ’Kwat mag-o’ yidnak ereba na ebe kwarak posolat yoso-o.

MATIUS 1:23

”Ap-nen aboro mbarugwi buk kwe ndugum-nen abila luk, la li ap mbi ndaguwa-o. Nde, la iri unu yarogolar-e, Imanuwel-o luk yaruwa-o.” (Nde, Iberani wene bem Imanuwel yiga iri-ge ”Mbal Pem Nagawan nit ninmin worasu-o” yarogolar-o.)

LUKAS 1:28

Aid nap na-ge kwe na eram lobok yarik-nen yak tosolar-e: ”Nagawan Indo-nen imbiringgat tak kibidnak kwe kar-e kindi yek tag-et wolmin-o! Nagawan Indo-ge kat kimin-et worasu-o” luk yak tij-o.

LUKAS 1:80

Nde, Sakaria ambara na-ge ebe nggulok yosolat, indi kwat yij-o. At iri-ge Isarael nap inmbiri bem nam yurak tarem wok yigit lak worala-ge, karu me irit woragaij-o.

LUKAS 2:40

Nde, la na-ge ebe nggulok yosolat, amawi yosola-ge, Mbal Pem Nagawan-nen imbiringgat tak posola, indi tenggerak irit woragaij-o.

LUKAS 2:52

Nde, Yesus ebe nggok yosolat, indi nggat nggat worak yosola-ge, Mbal Pem Nagawan-nen na irit, ap-nen na irit inndi-ge at ebem pogolat woraiga-o.

2 KORINTUS 13:11

Worok tak posolar-e, nanggamirak wa-e. Wiwa-o. Iminep mbal yobok-nen kwara kenmawi kondogolat wolmer-o. An-nen nggomo kindidnak wene oboksa wanogolat wolmer-o. Kinndi misiget nak woragolar-e, lambuksa wolmer-o. Nde, Mbal Pem Nagawan-e ap enabuwa kaso elem na, lambuksa woragwi elem na kit kinmin wolma-o.

TUGURUK YIDNAK WENE 18:22

Iri ala-ge, ap misik-nen ’Nagawan Indo unu bem wene yusu-o’ luk yuwa-t nde, at-nen ’Iri nggal kwat ma-o’ luk yuwa iri na nde kwat yigit lak ala-ge, at-nen urul puwa iri na-ge Nagawan Indo-nen yidnag-e mondok lag-o. At-nen yuwa ereba-ge at ondomok unu bem yuwa-o. Iri ala, kir-e at aye yurak pug-o” luk yak indij-o. 19:1-14 Ayat ereba arem-e Musa-nen-e o Kanaan iri me ap inmiri worak wolmom o siri erep lunurak wene yij-o. Nde, o siri ereba me-ge ap-nen indi peragit lak ma ap undurug-e, ereba me nggosoma-ge, ap-nen wuruwa nap iri na emep onggo at wururag-e meya-o.

2 TIMOTIUS 4:22

Nagawan Indo-ge kat kindi imin wolmag-o. Nde, Mbal Pem Nagawan-nen we wok ondoso elem-e kit pidsa kinmin wolmag-o.

WENE MBENARUGWI NAP-NEN KWARIDNAK WENE 13:24

Iri luk ombol nggwe waneya siyak worarug-e, Manoa ogwe iri na-ge liap misik ndagurug-e, unu-ge Simson yarij-o: Nde, la na nggok yosola-ge, Nagawan Indo-nen imbiringgat tak ibij-o.

1 SEMUEL 10:7

Nde, kat-nen yenggerak purak mende ereba na oboksa kasolug-e, Mbal Pem Nagawan-e kimin worala me, kat-nen nde kwarurak ala-ge, kwarurak nag-o

1 SEMUEL 12:2

Nde yawo kuri-nen tel korogolar-e, at-nen nak lit kunpuruk nuwa-o. Yik neyer-o. Yawo-ge an-e abu indi worak me, negeren yeba na ker-o. Yenggerak purag-e, an nilirag-e abu indi worak ereba nak ker-o. An-e nusujwe bem-net lit kunpuruk nosoma, abu nindi worak yigi-o.

1 SEMUEL 16:18

Iri yosola kulurug-e, at ndegel oboso nap misik-nen Saul yak tosolar-e: ”Mbetleyem woraso nap Isai ambara misig-e kecapi poba ene yoso aru nap misik worasu-o. Ar-e san ombo konak, kwiye na lak, amawi worak, wene yoso mondok indi tenggerak-nen yusu-o. Nde, Nagawan Indo-ge imin-et woraso-o” luk yak tij-o.

1 SEMUEL 18:12

Iri lug-e Saul na indi wok yosolat-nen yebet kasoma-ge, Nagawan Indo-nen-e ar-e keya uburuk, Ndaut irit kura oboso ala karug-e, at-nen Ndaut aye yij-o.

1 SEMUEL 18:14

Nagawan Indo-nen Ndaut yongga worasola-ge, Ndaut-nen kwaridnag-e ebe nak yosolat woragij-o.

1 SEMUEL 18:5

Nde, Ndaut-nen-e Saul-nen yabu ebem pid ereba na kwara wanosolat irit woragij-o. Iri kwarosola karug-e, Saul-nen-e Ndaut na-ge san ombo onowe nggok irit mendak pij-o. Iri yamu-ge san ombo onowe oboksa-nen na irit, Saul ndegel ubugwi nap-nen na irit Ndaut na indingen tak pogolat woraiga-o.

1 SEMUEL 2:21

Nde, Nagawan Indo-nen Ana iri na imbiringgat ebem posolar-e, ambararak kenan, ararak mberen irit ndet inpij-o. Nde, Semuel na-ge Nagawan Indo ndegel eberenak irit worasoma, nggok irit yij-o.

1 SEMUEL 2:26

Alat nde Semuel perak nggok yosola-ge, Nagawan Indo-nen na irit ki nap-nen na irit inndingen tak obogolat woraiga-o.

1 SEMUEL 9:6

Yak tosoloma-ge, ndegel oboso nap iri na-nen onggo yosolar-e: ”Pug-o, nab-o. O siri yu me-ge Mbal Pem Nagawan ndegel oboso nap misik worasu-o. Nde, at-nen iri nggal kwat ma-o yidnag-e mondok iri na-t kwat yoso me, at iri-ge kek tak ubugwi-o. Iri ala-ge, at eram nde mburuwog-o. Kelerai lak yid ereba na worasu wene-ge at-nen yak nunduwa nde ma-o” luk Saul yak tij-o.