1 SEMUEL 25:6 - Nanduk Ngget Tul Pidnak Wene

⁶ Wirik enpamu Nabal eram wok yogolar-e, Ndaut-nen wa yak taga enpem poaolat-nen yid wene yak togolar-e: ”Kat kogwe la inmin nde kat kimin woragwi oboksa konag-et yamuksa wolmer-o.

1 SEMUEL 25:6 ပူးပေါင်းရင်းမြစ်များ

NDAK WIRIDNAK WENE 43:23

Yak togolikma, Yusup ndegel oboso nap iri na-nen yosolar-e: ”Kir-e kunmud kagolat kwiye yili-ge meyog-o. Kit Kenmbal Pem Nagawan iri-ge kineid-nen erembel wanoso Kenmbal Pem Nagawan iri na-nen uang ereba-ge kunsum mu yarak pij-o. Nde, kit-nen mbato onggo pigep tol-e an-e abu wanukmu-o” yak indij-o. Iri lug-e Simeon na-ge it endam pil lobok yij-o.

2 SEMUEL 18:28

Nde, Agimas-nen-e erepma ereba-nen ene nggoksa Nagawan Ndaut iri na wa yak til lobok luk-nen erare nggwe tud luk-nen yosolar-e: ”Kat kondolma nggurak puruk kebem mbud yili nap kegera kat kinggem pid Nagawan Indo Kembal Pem Nagawan nak kek tak uburag-o!” luk yak tij-o.

NDAWI ENGGA 122:7

Kat kebem woraso uwi-ge wene laksa konak yamuk tak irit wolmag-o. Kat kuwi keber-e imiri mbarak tugup lak irit wolmag-o” luk yurag-o.

NDAWI ENGGA 122:8

An neyabi minggirik nowe nowot min nenggamirak min enmanggim ala karuk, an-nen Yerusalem yak tosolar-e: ”Kar-e kona yamuksa irit wolmin-o!” yak tusu-o.

LUKAS 10:5

Nde, o misik nde ngguwoklug-e, nandug-e yu nggal yugub-o: ’Yamuksa woragwi indi-ge kit kinmin wolmag-o’ luk yurag-o.

YOANES 14:27

Yamuksa woragwi elem-e an-nen kit kenpem keya busu-o. Nde, yamuksa woragwi elem iri wok kundusu iri-ge an-nen idnak irit wok kundusu-o. Nde, iri-ge nggweyak ma nap-nen yamuksa woragwi elem wok undugwi nggal-e lag-o. Iri bem-e, kit kinndi kabak yogolat, kwiye kagolat yurak pug-o.

1 TESALONIKA 3:8

Kir-e Nagawan Indo ebem tugup lak woragola-ge, iri yidnak pem nir-e ndemeret nunluk worali-o.

2 TESALONIKA 3:16

Nit lambuk tak nonposo elem Nagawan Indo at-nen-e pempa yi mende ndi mende bem-e lambuksa woragwi elem wok kondosolat wolmag-o. Nagawan Indo-ge kit pidsa kinmin wolmag-o.

1 TIMOTIUS 5:6

Alat nde, at ukwe ukwe mende nak kore yoso kwe togwe iri-ge urug-et nde, wat yidnak-nen yusu-o.

1 SEMUEL 25:5

Kulurug-e, ap sujwe nak enpe sepulu Karamel wirik inpij-o.