1 SEMUEL 25:38 - Nanduk Ngget Tul Pidnak Wene

³⁸ Iri luk sembilan nene lug-e Nabal na-ge tuguruk kugwi inndingen andi yoso iri na Nagawan Indo-nen ebem posola-ge, wat yij-o.

1 SEMUEL 25:38 ပူးပေါင်းရင်းမြစ်များ

2 SEMUEL 6:7

Iri yosola-ge, Nagawan Indo Mbal Pem Nagawan isilepma-ge Usa ebem pij-o. Nde, iri-ge, Usa-nen kwarid iri-ge Nagawan Indo erengenma nggal tak posola karuk, isilepma ebem posolar-e, Usa na-ge urul pidnak wene labu mbarak iri na eram ereya na-net Nagawan Indo-nen abu wirij-o.

2 NAGAWAN NAGAWAN-NEN KWARIDNAK WENE 19:35

Nde, kubu iri na tarem-et Nagawan Indo-nen idnak aid nap lobok yosolar-e, Asiut nap san ombo woragwi sa wok yosolat, san ombo seratus delapan pulu lima ribu (185.000) irit indij-o. Endamu, kub-e werep mberep liring tak irit eneyaiga-o.

NDAWI ENGGA 104:29

Kat-nen nden karuk, kombol wok ondosola-ge, ir-e kwiye kwarat yili-o. Kat-nen indisep wanosola-ge, ir-e wat yogolar-e, tuguruk ondolma nggweyak kwat yili-o.

NDAWI ENGGA 73:19

Iri rak onposoma, we enlengen sambok yidnak nggal nak lak yili-o. Iri yogolat abu abu lak yili-ge mondok meya lombog-o.

MBIRIGA WENE 12:29

Kubu iri na-t nggiringgendumu-ge Mesira nap inlirak manggiya nderak ereba na-ge Nagawan Indo-nen ondosolar-e, nandug-er-e Pirayon ambara manggiya na wutlug-e, li oboksa indil indil o kubu me woragwi nap inlirak manggiya nderak na indij-o. Iri-nen wam amarik ija mul mul-nen ndagidnak min-et oboksa wirij-o.

YIDNAK YIDNAK WENE 12:23

Yogolikma-ge, ar-e Mbal Pem Nagawan unu kek tak pigit lak ala-ge, Nagawan Indo-nen idnak aid nap-nen ereya na-net wirij-o. Worosola, mbese-nen nok posolar-e, wat yij-o.

1 SEMUEL 25:33

An-net ap ondosolat, an-net meya kwat nibidnak pem nemepnggo bosoma, kat-nen tena nibil lobok yigen pem-e kat min kat-nen kindi nggat nggat pigen min-e mondok ijar-o.

1 SEMUEL 25:37

Nde, nene luk kup Nabal indi lak lak yid iri na kondok yosola-ge, ogwe-nen-e kwaridnak wene ereba na-ge ndindera yak tij-o. Yak tosola-ge, Nabal na-ge kugwi inndingen andi yoso kugwi mbi ebem mbij-o. Iri yosolar-e, ebe oboksa urugup yurak meya tenep limbiksa labuk yij-o.

1 SEMUEL 6:9

Wirik puruk, ngge nggwe mburuwa? kenlengen nak wolmomtag-o. Worakmu nde, at uwi siri Mbet-Semes ambigit nggwe-t mborosola-ge: ’E! Iri-ge Isarael nap Enmbal Pem Nagawan-net mondok lak tak onposo mende kwiye worak iri na-ge nenpem pil lobok yamu-o’ luk yebet kudtag-o. Alat nde, nggweyak koma iri nde iri nggwe mbirigit lak ala-ge, ’Iri-ge Isarael nap Enmbal Pem Nagawan-nen-e lag-o. Are, we nenpem mburag-et nenpem yamu-o’ luk yebet kudtag-o” luk yiga-o.