1 SEMUEL 25:36 - Nanduk Ngget Tul Pidnak Wene

³⁶ Yosoloma, Abigail na mbiridnggal-e oma-ge Nabal na-ge ap nagawan nagawan-nen nggok sakwi nggal-et oma nggok sagosoma kagaij-o. Iri na sagosolar-e mondok alin alen yosolat, indi nden kaso yi nuruk indi lak lak yosola karug-e, ogwe-nen-e at-nen kwarid wene ereba na-ge mariget ter-o luk mondok yak tigit lak irit nene yij-o.

1 SEMUEL 25:36 ပူးပေါင်းရင်းမြစ်များ

NDAWI ENGGA 112:5

Tuguruk ondolma purak pem enpem nggi yogola, wok undugwi inndi konak woragolat, yi wene ndi wene bem lugud tak kwarigit lak, mondok mot mot nak kwarogolat worali nab-e mondok enalen kagolat wolmag-o.

NGGOMO WENE 20:1

Inndi nden kaso yi iri na-nen ndowaga ap iri na kasa kasa kwarogolat, nari wari yugwi-o. Nde, iri mende yi no no indi lak yusu nab-e wid-net kwarusu-o.

YESAYA 28:3

It ennggendumu enne kulugwi nap inndi nden kaso yi nuruk, inndi lak worali nap-nen inndi kek yugwi elem iri na-ge unuwok-nen yemnda o liri rak puwa-o.

OSEA 4:11

Nagawan Indo-nen yosolar-e: ”Nilirak wa-e. Anggut amburu pi mende-nen na irit, anggut amburu ngget-nen na irit, ereba-nen-e kinndi kona yebet kagwi kinndi-ge mondok mbereksa lak tak pusu-o.

MATIUS 10:16

”Yu nde ker-o. An-nen wirik konposolar-e, lomba wam-e ndakngge enggendumu wirik pugwi nggal wirik kunpusu-o. Iri bem-e, kir-e kinndi tenggerak waro nggal woragolat, kinndi yanggonak towe merpati nggal woragolat mer-o.

LUKAS 14:12

Yurug-e, Yesus-nen at yonggo ibid nap na yak tosolar-e: ”Kar-e lengge ala na, kubu ala na norak pem ap enmanggim nunggwi mende sagosolar-e, kat kenggamirak min kowe kowosi min kimi kambara min keralu woragwi insilobulo worak nap min yonggo unpurak pug-o. Iri kwarosola-ge, it-nen na sakolar-e, onggo yonggo kubuwa nar-o.

LUKAS 21:34

Yuruk, Yesus-nen yosolar-e: ”Kir-e kinndi-ge nunggwi mende nggok sakwi min enanggul nden kaso yi ndonggosa nunggwi min nak ebem pogolat, kit-nen kwarurak mende nak kunmud kagolat woragolar-e, kir-e lid lud tak pigit lak worakmu mimo wok yimin-o luk kir-e mondok kwil kwalsa wolmer-o.

OROMA 13:13

Nit-nen-e o lengge-nen kwarugwi konak irit kwarogolat wolmog-o. Meya kwarurak pem nggok sakwi min anggut engen amburu ndonggosa nunggwi min kwami terak ye unpugwi min meya kwarurak nak inndi yugwi min yig pugwi min enlengen ale yugwi iri oboksa-ge kwarurak pug-o.

EPESUS 5:14

Iri bem-nen Mbal Pem Nagawan engga-nen yosolar-e: ”Nene yusu nap wa-e. Men min-o. Wat yidnak nap ennggendumu-nen men min-o. Iri ala-ge, Kerisut-nen yaya rak kubuwa-o” luk yij-o.

EPESUS 5:18

Anggut engen amburu ndonggosa nuruk, kinndi wawa yurak pug-o. Iri nunggupndig-e, ukwe ukwe rak onposo-nen yusu-o. Alat nde, kir-e Konak Indi nde kenarem kobong tak irit wolmer-o.

1 SEMUEL 25:19

at ndegel ubugwi nap ereba na yak ondosolar-e: ”Kir-e nanduk tak per-o. Nde, an-e kinmbirik tak pimin-o” luk yak indij-o. Alat nde, wene iri na-ge un iri na-ge yak tigit lak irit yij-o.

1 SEMUEL 25:37

Nde, nene luk kup Nabal indi lak lak yid iri na kondok yosola-ge, ogwe-nen-e kwaridnak wene ereba na-ge ndindera yak tij-o. Yak tosola-ge, Nabal na-ge kugwi inndingen andi yoso kugwi mbi ebem mbij-o. Iri yosolar-e, ebe oboksa urugup yurak meya tenep limbiksa labuk yij-o.