1 SEMUEL 25:21 - Nanduk Ngget Tul Pidnak Wene

²¹ Nde, lobok yosolat-nen Ndaut-nen yebet kasolar-e: ”An-e wewesa ap iri arengge ereba yik karok karu me yeba worala-ge, mariget tet nendam-nen na lak yigit lak yu-t nde, yawo-ge nit-nen konak kwat ibige onggo-ge meya nde kwat nubusu-a?

1 SEMUEL 25:21 ပူးပေါင်းရင်းမြစ်များ

NDAK WIRIDNAK WENE 44:4

It na iri me-nen mbirigarik, tu ndumu korok ereba-t mburukmu-ge, Yusup-nen ndegel ubugwi nap-nen ene kulugwi nap iri na yak tosolar-e: ”Kar-e ndag-et nak inmbirik muk eneyagundik, tena unpuruk-nen yak ondosolar-e: ’Noluk konak kwat kinpidnak na-t nde, onggo-ge meya kwatluk mbitli-o?

NDAWI ENGGA 37:8

Insilepma yugwi iri-nen-e lak tak onposo elem pil lobok yoso me, kinsilepma yogolat, kinndi ndururak pug-o.

YEREMIA 18:20

Konak kwat onpogola-t nde, onggo-ge meya kwat unpurag-e ndag-er-a? Alat nde, ir-e an mberak nuburak nggweyak emnde mbaril nggwiga-o. Kat kisilepma it enpem mberak pugun naru an-e it enlat mbarosolat enambigit yigi iri na kindi yebet ki-o.

OROMA 12:21

Meya kwarugwi elem-nen urugwe nggwe rak kunpuwakluk, nggeyok nak yurak pug-o. Are, konak kwarugwi mende iri bem-nen meya kwarugwi elem iri urugwe nggwe rak per-o.

EPESUS 4:26

Kinsilepma yogolar-et nde, meya perak nde kwaru bug-o. Kit kinsilepma iri parugu woragolat, mo woroksa mbugu-o.

EPESUS 4:31

Wene nggutlugwi min insilepma-nen onmbol pem pak yurak puk kwarugwi min insilepma yugwi min ngguno nggugwi min ap onpok pugwi min keya bogolar-e, meya kwarugwi mende erep min-et keya ber-o.

1 TESALONIKA 5:15

Nde, meya kwarurak pem ap-nen onggo onggo kwaruwa naru, kwara wolmer-o. Kit kennggamtak inmin konak nak wolmomtak pem na irit, ap pidsa inmin konak nak wolmomtak pem na irit, pempa kenmawi kondogolat wolmer-o.

1 PETERUS 3:17

Mbal Pem Nagawan indi-n pidnak pem kit-nen konak nak kwarogola-nen andi bandi kagup iri-ge ob-o. Nde, kit-nen meya yidnak pem andi bandi kudtak iri-ge meya-o.

1 PETERUS 3:9

Mbal Pem Nagawan-nen wene mbo kinpid iri-ge, at-nen idnak imbiringgat mende wok kendeyekluk wene mbo kinpidnak me, ap-nen meya rak konpogola, onggo it meya rak unpurak pug-o. Ap-nen meya wene yak kondogola, onggo meya wene yak undurak pug-o. Are, inmbiringgat tak enper-o.

1 SEMUEL 25:13

Yogolikma, Ndaut-nen ap at imin nugwi nap ereba na yak ondosolar-e: ”Oboksa yalawi lit kil lobok yer-o” yak unduruk, Ndaut min-et yalawi lit karuk ab-e empat ratus (400) irit mbiriga-o. Nde, ap dua ratus-e (200) yi mende ndi mende yik karok towarak keya inpiga-o.

1 SEMUEL 25:15

Nde, it iri-ge nit ninmin-e konak nag-et kwat nonpogolat, nit na yilik ndilik kwat ninpigit lag-et yogolat, nenarengge na ndigirik nak woralat, nit karu me wam parugu woragola-ge, iri kwat ninpiga-t nde iri yak indij-o.

1 SEMUEL 25:20

Abigail na-ge egelerai wam ombol pem kore luk mberarik, ndobo bem layekluk lagatluk lasoma-ge, Ndaut owosirak inmin nde at mok uburug-et lobok yukmu lid pid yiga-o.

1 SEMUEL 25:7

Nde, an-nen kolosolar-e, kar-e kolomba wam usu mbarosolat worasu-o yogola, kobok kuligi-o. Nde, kat kolomba wam yik karok woragwi nap nit nenma yu me woragola-ge, nit-nen-e it inmin-e yilik ndilik kwat inpili buk me, konag-et woraiga-o. Iri-nen it Karamel woragola-ge, enarengge mende misiget tet mondok lak yigit lag-o.