1 SEMUEL 24:12 - Nanduk Ngget Tul Pidnak Wene

¹² Nit nenmberek nennggendumu ta-nen nde meya kwarusu iri-ge Nagawan Indo nak-nen nenpem wene mbenaruwag-o. An-e kar-e marigit tet andi bandi rak kibimin pug-et nde, kat-nen an kwat nubusu iri-ge Nagawan Indo nak-nen onggo puwag-o.

1 SEMUEL 24:12 ပူးပေါင်းရင်းမြစ်များ

NDAK WIRIDNAK WENE 16:5

Iri kwarosola karuk, Sarai-nen Abaram yak tosolar-e: ”Kwe yu-ge an-nen kat wok kurukmu, at ebebeyok mbal koragidnggal-e, abila ala karuk, ar-e kek yosolat, an-e teberak nubusu-o. Nde iri-ge erem-e kat kebem-o. Nagawan Indo nak-nen kat min an min nennggendumu-ge wene mbaruwag-o” luk yak tij-o.

NDAK WIRIDNAK WENE 31:53

Nde, Abarakam-nen kek tak poso Mbal Pem Nagawan, an neid Naot-nen kek tak poso Mbal Pem Nagawan iri na-nen-e nit nenpem wene mbaroso nap kwat ma-o” yosoloma, Yakup-nen yosolar-e: ”Mondok kirimin pug-o” luk eid Isak-nen kek tak poso Mbal Pem Nagawan iri na unu bem owak mbarij-o.

2 SEMUEL 22:48

At nen nuwim nap urugwe nggwe rak unpuruk ombol nggwe rak nubusu-o. Ap enlem oboksa an neram nak tebek tak unpusu-o.

AYUP 5:8

An-nen nde kat worasu yu nggal kwasa woralar-e, Mbal Pem Nagawan eram nggi yeleb-o. ”An-e yu nggal kwasa worasu-o” luk Mbal Pem Nagawan yak teleb-o

NDAWI ENGGA 43:1

Mbal Pem Nagawan wa-e. Kar-e an nambigit yosolat, mot mot kwaroso rak nibi-o. Mbal Pem Nagawan enaru buk nap-nen an nebem wene mbatli me, kar-e an nambigit yosolat, nowene mbari-o. Meya kwarugwi nap min enmberam lagwi nap min ininggiyapma-nen wisirik nibi-o.

OROMA 12:19

Nenggamirak kenabuwa worak wa-e. Kit-nen onggo purag-e mondok lag-o. Are, Mbal Pem Nagawan isilepma-ge ap na ebem mbuwakluk, at eram nak keya burag-o. Mbal Pem Nagawan engga mbarak pem-nen yosolar-e: ”Onggo purak nab-e an-net yusu me, onggo an-net pimin-o luk Nagawan Indo-nen yij-o” luk yij-o.

1 PETERUS 2:23

Meya wene yak togola na at-nen na meya wene onggo yak indigit lag-o. Nde, at worogola na at-nen na it onggo kwat unpurak na yak indigit lag-o. Are, at kwat ibili wene iri-ge mot mor-et ap enpem wene mbaroso Mbal Pem Nagawan na ebem keya bij-o.

NAM PARA WENE 6:10

It iri-nen enne ngguloksa yogolar-e: ”Kamawi Mondok Kwarat worak, lenak irit woraso, lud tak nak kwaroso Nagawan Indo wa-e! Nunggurik woraruk-nen nggweyak ma woragwi nap enpem wene mbatluk, nit nindiga onggo pugun-o?” luk yiga-o.

1 SEMUEL 20:1

Ndaut na-ge Arama koroga o Nayot iri me-nen kwiye mberarik, Yonatan imin lambuk yosolat-nen yak tosolar-e: ”An-e meya no kwarigi-o? An-e at imin-e no meya kwat ubukmu-nen kat keid iri-ge an nereyekluk yusu-o?” yak tij-o.

1 SEMUEL 24:15

Nagawan Indo-ge wene mbenarugwi nap kwat yosolat, wene yu-ge an min nagawan kat min nennggendumu-ge at nak-nen mbenaruwa-o. Iri yosolar-e, kat-nen nereyekluk yusu-t nde, Nagawan Indo-ge an nambigit yosolat, yongga nuruwag-o” luk yij-o.