1 SEMUEL 20:5 - Nanduk Ngget Tul Pidnak Wene

⁵ Yosoloma, Ndaut-nen onggo-ge yu nggal yak tij-o: ”Kub-e waneya ngget arem nggurak tarem-e iri yebet kagolat nggok sagidnag-e an-e nagawan imin-et norag-et nde-o. Kat-nen nde iri nde ’Ob-o’ yosolar-e, kup woraruk kup iri kubu-nen lambuk yuwok-nen an-e kurak yil mbirimin-o.

1 SEMUEL 20:5 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 4:23

Yosoloma, un-nen kin wanosolar-e: ”Noluk-nen yawo-t mbururak yusu-o? Yawo-ge we woragwi tarem na lak, iri-nen waneya ngget arem nggogolat nggok sakwi tarem na lak, yu-t nde” luk yak tij-o. Yosoloma, kwe iri na-nen yosolar-e: ”Irit nde, mbirimin-o” luk yak tij-o.

NGGOMO WENE 22:3

Inndi worak nap-nen-e lak tak unpurak mende enpem mburak nde karug-e, mondok inggi mbal koragwi-o. Alat nde, ap wid-nen-e kagit ereba-t mburukmu, lak tak onposo mende-ge enpem mboso-o.

AMOS 8:5

Nde, kit kondomok-nen yik koragolar-e: ”A! Nggok sakwi tarem-e mot pem-et worasu yu-ge mepme tarem-nen lak ma-o? Nir-e nenggandum mbato onggo wanugwi tuguruk tel kuruwom-a! Nde, we woragwi tarem yu-ge mepme-nen lak ma-o? Nir-e onggo wanugwi tuguruk tel kuruwom-a! Nit-nen onggo wanogolar-e, mariger-et nde, onggo kek tak pogolat, ndak wosa wok undugwi mende bem angin-e enmberam laga ndak wosa wok ondogolat kwaruwom-o.

YOANES 8:59

Yosoloma-ge, Yawuri nap-nen at wuruwokluk kerep wanogola-ge, Yesus na-ge kurik kurak Mbal Pem Nagawan ama-nen mbirij-o.

YIDNAK YIDNAK WENE 17:14

Iri yogola-ge, enggamirak tak inpidnak nap-nen Paulus na yi koma eyak pem nggwe ndaget nak wirik piga-t nde, Silas min Timotius min na-ge Mberea-t woraiga-o.

KOLOSE 2:16

Iri bem-e, nunggwi mende bem ala na, yi norak wene bem ala na, inik inik sakwi wene bem ala na, waneya ngget yarosola kwarugwi bem ala na, we woragwi wene bem ala na, ap-nen ”Iri nggal-o” luk yak kondogola-ge, kulurak pug-o.

1 SEMUEL 19:2

Yonatan-nen Ndaut yak tosolar-e: ”An neid-nen kar-e kereyekluk yusu me, kwara wolmin-o. Kub-e mburugundik, kurama ereba me kurak tak wolmomtag-o.

1 SEMUEL 20:18

Iri luk Yonatan-nen Ndaut yak tosolar-e: ”Kub-e waneya ngget arem nggogolat nggok sagidnak nonggolar e, kat kore yosoluk naso kondoro nde kebe lak ala-ge, ’At eresa-ge lag-er-o’ luk enaru yuwa-o.

1 SEMUEL 20:19

Kup iri ret nde lak ala-ge, mondok meya-o. Iri bem-e kar-e nanduk kura woraigen iri na me mburugundik, kerep ndok wosa pidnak ereba ombol nggwe ereba me kura wolmin-o.

1 SEMUEL 20:24

Nde, Ndaut na-ge ap lak ma ereba kura woragij-o. Nde, waneya ngget arem nggogolat nggok sakola-ge, Nagawan Saul iri na-ge nggok sagili iri na me lobok yosolar-e,

1 SEMUEL 20:27

Nene luk kup mberen pem tak pogolat waneya ngget arem nggogolat tarem na Ndaut na lag-et ala karug-e, Saul-nen Yonatan kin wok obosolar-e: ”Noluk-nen Ndaut iri-ge tono na irit yawo na irit nggok saguruk nunggwi tarem ebe lak nak worasu-o?” luk kin wok ibij-o.

1 SEMUEL 20:4

Yak tosoloma, Yonatan-nen Ndaut yak tosolar-e: ”Kat-nen peragun mende-ge mondok kwar-et kibimin-o” yak tij-o.

1 SEMUEL 20:6

Nde, kat keid-nen kin wok kobosolat nde, ’Noluk-nen Ndaut na-ge wok yigit lag-o?’ yosola-ge, kat-nen onggo-ge yu nggal yak turag-o: ’ ”An-e an nama woragwi nap oboksa-nen olengen misik arem nggogolat wam wurugwi tarem wok yidnak me, ndag-et nak Mbetleyem mbereyekluk-nen yak kurusu yur-o” yak nutluk mbirij-o’ yak turag-o.