1 SEMUEL 20:2 - Nanduk Ngget Tul Pidnak Wene

² Yak tosola-ge, Yonatan-nen onggo yosolar-e: ”Kar-e iri nggal perasu iri-ge lag-o. Nagawan Indo owag-o. Mondok kuruwa bug-o. At-nen kwarurak wene-ge nggok wene na irit marik wene na irit an neij-e yak nak noroso-o. An neid-nen-e at indi-nen pidnag-e an nimbiri bem-e mondok kuruguwa bug-o. Iri bem-e at-nen iri kwaruwa-ge mondok lag-o” luk yak tij-o.

1 SEMUEL 20:2 ပူးပေါင်းရင်းမြစ်များ

NDAK WIRIDNAK WENE 44:7

it-nen onggo at yak togolar-e: ”Nab-o. Kat kindi ngge peraruk-nen yusu-o? Yengge wag-o! Nir-e mondok wanigit lag-o.

NDAWI ENGGA 40:6

Kar-e kamanggim wosa bidnak mende min kamanggim pidnak mende min-e kindingen tak poso bug-o. Kat kamanggim ebis-et kan purak min meya yidnak yumnduwakluk wosa purak min-e kat-nen-e nggi yoso bug-o. Alat nde, kat-nen-e kat kene kuluwakluk neyanggoru kuwarak pigen-o.

YESAYA 50:5

Nagawan Indo-nen yebet kagwi elem iri na wok norosola-ge, at imin eyak wirigit lak, keya ibigit lak yigi-o.

LUKAS 20:16

Yabu winde iri lobok yuwarig-e, ap ereba na unduruk, yabu na nin nap-nen parugu wolmakluk wok unduwa-o” luk yij-o. Iri yosoloma, kuluruk yigarig-e, it-nen yogolar-e: ”Ije! Iri kwarurag-e meya-o!” luk yiga-o.

YOANES 15:15

Ndegel unpugwi nap-nen-e it ineid-nen kwarusu mende-ge enaru buk nak woragwi me, yawo-ge an-nen ’Ndegel nubugwi nab-o’ luk yak kindimin pug-o. Are, an Neid-nen an yak niridnak wene pidsa kit yak kindigirik me, ’Nanggamirag-o’ luk yak kundusu-o.

YOANES 17:8

Nde, kat-nen nebem pigen wene-ge an-nen it yak ondosola, waniga-o. Wanogolar-e, an-e ndemeret kat keram-nen lobok yidnak irit enaru yogolat, an-e kat wirik nibil lobok yigen-o luk neberali-o.

YOSUA 24:16

Yosoloma, Isarael nap oboksa-nen onggo yogolar-e: ”Kugwiwak erembel wanurak puruk, Nagawan Indo ndegel ubugwi keya burak iri-ge mondok lik laksa-o.

1 SEMUEL 14:45

Alat nde Isarael nap oboksa-nen Saul yak togolar-e: ”Yonatan-et wururag-e mondok ndag-a? Yawo-ge at-net ombol nggwe rak ninpid yu-t nde, mondok lag-o. Nagawan Indo Uruk nak Woraso owag-o. Yonatan yu-ge anggulsu misiger-o luk tet mondok punurak pug-o. Nagawan Indo-nen yongga worosola at-net yawo ge ombol nggwe rak ninpid yur-o” luk yiga-o. Nde, Yonatan iri na-ge mondok watleb-et nde, Isarael nap oboksa-nen imiri yiga-o.

1 SEMUEL 20:1

Ndaut na-ge Arama koroga o Nayot iri me-nen kwiye mberarik, Yonatan imin lambuk yosolat-nen yak tosolar-e: ”An-e meya no kwarigi-o? An-e at imin-e no meya kwat ubukmu-nen kat keid iri-ge an nereyekluk yusu-o?” yak tij-o.

1 SEMUEL 20:12

Mbirigarik, Yonatan-nen Ndaut yak tosolar-e: ”Isarael nap Enmbal Pem Nagawan, Nagawan Indo erengen pem yak kurusu-o. Kup, lak? Are, kup iri, lak? An-e kuplila yanem nggal-e neid indi kayekluk arem ngen lek kamin-o. Iri yosoma nde, kat kimin nde ar-e konag-et ala karug-e, kat keram wene pil lobok yimin-o.

1 SEMUEL 20:3

Yosoloma, Ndaut-nen Yonatan yak tosolar-e: ”Kat-nen an nebem kindi kundik worasu yu-ge kat keij-e aru me, kat kindi puru yugun naru yak kirigit lak kuragusu-o. Nagawan Indo Uruk nak Woraso owag-o. An-e mondok kan ndamak pem worasu-o” luk yak tij-o.

1 SEMUEL 9:15

Nde, kup Saul lobok yekluk yosola-ge, Nagawan Indo-nen Semuel yak tosolar-e, yu nggal yak tij-o: