1 SEMUEL 20:13 - Nanduk Ngget Tul Pidnak Wene

¹³ At-nen nde indi-ge kat kururak indi karug-e, kat kurak yonokluk an-net yak kirimin-o. An-nen nde iri nggal kwarigit lak ala-ge, mondok Nagawan Indo-nen nuruwag-o. Nagawan Indo-nen an neid ndegel obosolat woragid nggal-et Nagawan Indo-net kat na ndegel kubuwag-o.

1 SEMUEL 20:13 ပူးပေါင်းရင်းမြစ်များ

2 SEMUEL 19:13

Yak unduruk, Ndaut-net Amasa yak tuwaklug-e, yu nggal yak indij-o: ”Kar-e an nimin-e nenpe misiget na-t nde, yawo kuri-nen kar-e Yoap ondolma an-nen idnak san ombo onowe mendak kibimin-o. Nde, an-nen nde iri kwat kibigit lak ala-ge, Mbal Pem Nagawan-nen nuruwag-o!” luk yak tuwakluk yak indij-o.

2 SEMUEL 7:15

Alat nde, an-nen: Irit kwat kibimin-o luk urul pusu ndak ndag-et konak kwat obosolat woramin-o. Kat nagawan men yonokluk an-nen Saul nagawan woraso sa-nen wud tak ibigi iri nggal-et kat kambara kwat ibimin pug-o.

1 NAGAWAN NAGAWAN-NEN KWARIDNAK WENE 1:37

Nagawan Indo na-ge kat kimin worasu nggal-et at iri-ge Salomo imin wolmag-o. Nagawan kat-nen tenagidnak wi-ge enalen worak konak irit woragwi-t nde, Salomo-nen tenagidnak wi-ge Nagawan Indo-nen kwarosolar-e, mondok enalen worak terak minik irit kwarak puwag-o” luk yak tij-o.

1 NAGAWAN NAGAWAN-NEN KWARIDNAK WENE 19:2

Yak tosoloma, Isebel-nen Elia eram wene yu wosa pil mborosolar-e: ”Kup nde yanem nggal nde Mbaal ombo kwat inpigen ereba nggal nde an-nen kat kwat kibigit lak nde ala-ge, an-e nuruk wolmomtag-e lag-o. Mbaal-nen lak tak nubuwag-o” luk yij-o.

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

PILIPI 4:9

An-nen mirik konposola kenaru yigep wene min nggomo kindigi wene min an-nen yosola kuligep wene min an-nen kwarosola kaigep mende min-e iri nak kwarogolat woragup na-e. Iri kwarogola-ge, lambuksa woragwi elem Mbal Pem Nagawan-e kit kinmin wolma-o.

YOSUA 1:5

Yosua kat worala-ge, an-nen nanduk Musa imin worasu iri na nggal-et pempa kat kimin woramin me, ap misiger-o luk mbi-nen kat urugwe nggwe rak kubuwa bug-o. An-e mondok keya kibimin pug-o.

URUT 1:17

Kat wat yugun sa na an na iri me-t wat yumu, yapma nubuwa-o. Nde, an-e Nagawan Indo imbiri bem-et owak mbarusu-o. Mondok wat yogolat-net keya kibimin-o” luk yij-o.

1 SEMUEL 10:7

Nde, kat-nen yenggerak purak mende ereba na oboksa kasolug-e, Mbal Pem Nagawan-e kimin worala me, kat-nen nde kwarurak ala-ge, kwarurak nag-o

1 SEMUEL 14:47

Nde, Saul na Isarael nap ennggendumu nagawan woralar-e, nin me nan me Isarael nap unuwim nap oboksa inmin wim timbiril waring tenak irit woragij-o. Nde, iri-ge Moap nap min Amon nap min Erom nap min Soba nagawan nagawan min Pilisin nap min inmin wim mbarosolar-e, at-nen inmin wim mbaridnak sa-ge ar-et ombol nggwe yil nosolat woragij-o.

1 SEMUEL 17:37

Nagawan Indo-nen isilepma worak singa min mberuang min emendam-nen perak nimiri yoso-o. Iri nggal-et Pilisin nap iri inggem-nen na nimiri-t yuwa-o” luk yij-o. Yosoloma, Saul-nen at yak tosolar-e: ”Iri ala-ge, wiril mbiri-o. Nagawan Indo-nen yongga kuruwag-o” luk yij-o.

1 SEMUEL 18:12

Iri lug-e Saul na indi wok yosolat-nen yebet kasoma-ge, Nagawan Indo-nen-e ar-e keya uburuk, Ndaut irit kura oboso ala karug-e, at-nen Ndaut aye yij-o.

1 SEMUEL 19:3

Nde, kub-e an neid nenmberek ap lak ma mburulndik, kat kura woragun sa koroga men yogolar-e, at-nen kat kimin yusu iri-ge ’Kat kindi-ge no perasolat-nen yusu-o? luk kin wanimin-o. Iri lug-e, wene yuwa iri-ge an-nen-e kat yak kirimin-o” luk yak tij-o.

1 SEMUEL 20:12

Mbirigarik, Yonatan-nen Ndaut yak tosolar-e: ”Isarael nap Enmbal Pem Nagawan, Nagawan Indo erengen pem yak kurusu-o. Kup, lak? Are, kup iri, lak? An-e kuplila yanem nggal-e neid indi kayekluk arem ngen lek kamin-o. Iri yosoma nde, kat kimin nde ar-e konag-et ala karug-e, kat keram wene pil lobok yimin-o.

1 SEMUEL 20:14

Kar-e an nde nuruk worala-ge, Nagawan Indo erengen pem kundik wolmag-o luk owak mbarige iri na kindi yeberak woralat, an nimin-et kundik wolmomtag-o. Alat nde, an nde wat yumu-ge,

1 SEMUEL 25:22

Olengen awo kona pil wagit lak ma ereba me worali nap oboksa an-nen nde indigit lak ala-ge, Mbal Pem Nagawan-nen an nuruwag-o!” luk yebet kil kil lobok yosoma-ge,

1 SEMUEL 3:17

Yosoloma, Eli-nen kin wok obosolar-e: ”Nagawan Indo-nen-e no yak kirij-o? Oboksa yak niri-o. Kat-nen nde ereb-e karem yemndak keya bugun nde ala-ge, Mbal Pem Nagawan-nen angin worak kebem mberak puwa-o” luk yak tij-o.