1 SEMUEL 2:9 - Nanduk Ngget Tul Pidnak Wene

⁹ Nde, tugup lak woragwi nab-e Nagawan Indo arem yamuksa worali-o. Alat nde meya yugwi nab-e ndamuk arem yabera lak yili-o. Nggweyakma nap ondomok enmawi bem-nen-e ombol nggwe-ge yugwi bug-o.

1 SEMUEL 2:9 ပူးပေါင်းရင်းမြစ်များ

AYUP 40:13

It oboksa nggweyak arem yapma inpi-o. It iri-ge ap watluk mbugwi sa leget waga inpi-o.

AYUP 5:16

Mbal Pem Nagawan-e enarengge lak nap enmanggim na inndi ebem mbung mbung tak wolmomtak mende wok ondoso-o. Mot mot kwarugwi buk nab-e Mbal Pem Nagawan-nen enemnde tu nggelak poso-o.

AYUP 5:24

Kar-e kama yamuksa-t woragun-o. Kat-nen nde kolomba wam lombonosoloma na misik mbi lak yigit lak ndigirik irit kagun-o.

NDAWI ENGGA 1:6

Nde, lud tak nak kwarugwi nab-e Nagawan Indo-nen nggetlel unpuruk, ndemel unpuruk nuwa-t nde, meya yugwi nap-nen mbitli tula iri-ge lak tak unpurak sa mbitli-o.

NDAWI ENGGA 105:37

Iri rak purug-e, Isarael nab-e lesa inmin mborosola-ge, Isarael nab-e emas min perak min waruk mbiriga-o. Enpe na oboksa konak enmawi min irit mbiriga-o.

NDAWI ENGGA 121:3

Wosa mbonokluk keya kubuwa-ge lag-o. Nggetlel kuburuk woraso nab-e pempa nene yoso bug-o.

NDAWI ENGGA 121:5

Nagawan Indo-ge yik keyarok worasu-o. Ar-e kat nggetlel kuburuk kimin-et worasu-o.

NDAWI ENGGA 121:8

Yawo-nen na irit, worasolat nasolat-nen na irit, kar-e lobok yosolat, mborosolat kwarosola-ge, ar-e nggetlel kuburuk irit wolma-o.

NDAWI ENGGA 145:20

At-nen-e at abuwa kagwi nab-e kura unpuwa-t nde, meya yugwi nab-e lak tak unpuwa-o.

NDAWI ENGGA 37:28

Nagawan Indo-nen-e konak mot mot kwarugwi iri-ge mondok indi kundik me, ap tugup lak at-nen yidnak yidnak kwarugwi iri-ge we kasa ereba-t liringsa keya onposo bug-o. Ar-e pem irit nggetlel unpuruk irit woraso-o. Alat nde, meya yugwi nap-nen wigarag-e mondok lak tak unpuwa-o.

NGGOMO WENE 3:26

Nagawan Indo-net yik keyarok wolma-o. At-nen-e: ”Sabu arem ngonok mag-o” luk keya kubuwa bug-o.

AID WENE YOSO NAP 9:11

Nggweyakma yu me-nen erep an-nen kasolar-e: Pong kagolat ndag-et nak pong kaso nab-e pempa ombol nggwe nak yoso bug-o. Wim nggogolar-e, enmawi worak san wari iri na nag-et pempa ombol nggwe yugwi bug-o. Inndi nggat nggat worak nab-e at-nen wanoso eyabu iri na nag-et pem wanosolat woraso bug-o. Inndi tenggerak nap-nen na pempa silobulo-ge kam tenak woragwi bug-o. Yi iminep ndi iminep enaru nap na ap oboksa-nen enaru yili bug-o. Alat nde, ap oboksa-nen yanem ereba nggal-e enpem mboso-nen yusu-o.

YEREMIA 9:23

Nagawan Indo-nen yosolar-e: ”Ap enaru indi tenggerak-nen-e at indi nggat nggat worak iri na bem indi kek yurak pug-o. Amawi worak nap-nen-e amawi iri na bem indi kek yurak pug-o. Nde, insilobulo worak nap-nen-e insilobulo iri na bem indi kek yurak pug-o.

WONARIDNAK WENE 6:24

Nagawan Indo-nen imbiringgat tak konposolat, ndegel konposolat wolmag-o.

MATIUS 8:12

Mbal Pem Nagawan-nen tenagaidnak wi na winde nab-et nde, mondok ndamuk arem iri me mbo unpuwama, yip langgu mbarogolat, eneyak nggirit marogolat wolma-o” luk yij-o.

OROMA 3:19

Nit nenaru yili wene-ge yu-o: Musa-nen imiri mbarak pidnak wene arem-nen yidnak wene na-ge, imiri mbarak pidnak wene wanugwi nap nenmanggim yidnak-nen yusu-o. Iri yid iri-ge ap pidsa wene onggo yigit lak makluk, nggweyak ma nap pidsa enpem Mbal Pem Nagawan-nen wene mbaruwakluk-nen yij-o.

TUGURUK YIDNAK WENE 33:3

Ndemeret at-nen at elem nap enabuwa kasolar-e, at arengge kwat yidnak nap oboksa nggetlel unpusu-o. Nir-e at indipma tud luk at-nen yidnak yidnak kwarogolat wolmog-o.

1 PETERUS 1:5

Kir-e Mbal Pem Nagawan ebem kinndi angin tubu yidnak me, iri yidnak silobulo iri-ge pidsa kenmanggim worasu-o. Worok tak puwa tarem-nen kinmiri yidnak mondog-et nam tak puwa tarem kinmiri yidnak iri na wanobokluk, Mbal Pem Nagawan amawi bem-nen kontowarak worasu-o.

2 PETERUS 2:17

Nde, it enesiget siget mul undugwi nab-e yi ulusu eberek yidnak nggal, wijakni-nen nggan nggan puk kaso nggal-nen yili-o. It enmanggim-e Mbal Pem Nagawan-nen mondok ndamuk nak woraso sa lid lud tak pidnak worasu-o.

YURAS 1:1

Yesus Kerisut ndegel oboso nap, Yakobus owot Yuras an-nen-e Nineid Mbal Pem Nagawan ebem-nen kenabuwa worak nap, Yesus Kerisut amanggim ndegel konposolar-e, Mbal Pem Nagawan-nen wene mbo kinpid nap kit kenmanggim engga yu mbarusu-o.

YURAS 1:13

It iri-ge yi koma nggulok-nen yi nggweyerep nggwayarep lobok yosolar-e, yi eragup nam tak poso nggal, it ondomok innggiri kagwi mende nam tak pili-o. It iri-ge kasa waring kaso wonaru nggal-nen yili-o. Nde, Mbal Pem Nagawan-nen it onndoro-ge pem-et mondok ndamuk nak woraso sa iri me it enmanggim lid lud tak pidnak worasu-o.

YURAS 1:3

Nanggamirak kenabuwa worak wa-e. Nit totno ninmiri yidnak wene iri na engga kenmanggim mbareyekluk yosoma-t nde, an nindi-nen perasolar-e: Lag-o. Yawo-ge Mbal Pem Nagawan-nen at winde nap mondog-et wok indidnak inndi angin tubu yugwi wene na amanggim kenmawi kondogolat wolmer-o luk nggomo kundurak wene engga bem mbal kundurak perak nde nggulog-o luk peragi-o.

1 SEMUEL 25:26

Nab-o. Kar-e kat kwat kibidnak onggo posolat, kuwim nap undugun naru Nagawan Indo-nen tena kibij-o. Nde yawo-ge nab-o. Nagawan Indo Uruk nak Woraso owag-o. Kat kuwim nap oboksa min ap-nen kat kururak yugwi nap min it kwat unpurak iri-ge Nabal kwat ubuwa iri nggal-et it na kwat unpuwa-o.