1 SEMUEL 2:8 - Nanduk Ngget Tul Pidnak Wene

⁸ Andi bandi arem-nen insilobulo lak nap mendak onposolat, anggun panggun arem-nen ap unnu lak nab-e wisirik onposo-o. It iri-ge ap enlem kek tak iri na annggamtak onposolat, kek tak unpugwi kwarak onposo-o. O nggweyak yu paro-ge Nagawan Indo arengge-net yusu-o. Nde, paro iri na bem-e o yu ndak worak pij-o.

1 SEMUEL 2:8 ပူးပေါင်းရင်းမြစ်များ

NDAK WIRIDNAK WENE 41:14

Yosoloma-ge, nagawan na-nen: ”Ndag-et nak wil mberer-o” yamu, Yusup na-ge o kubu me-nen wesera wirik pogolikma-ge, ondoksu kona pena, usum na konak nak yutlug-e, nagawan eram lobok yij-o.

NDAK WIRIDNAK WENE 41:40

Nde, yawo kar-e an-nen tenagidnak wi worali nap oboksa-nen kat kene nak kuluruk, kwarogolat wolmakluk kar-e ese (Ngguberenot) mendak kibimin-o. Alat nde, an narig-et nak perak nde kat kombol pem terak minik nagawan-nen yusu-o” yij-o.

2 SEMUEL 7:8

Iri bem-e Natan kat-nen an ndegel noboso nap Ndaut iri yak ti-o. An-e Nagawan Indo Nemawi Worak-nen at yak tosolar-e: ’An-nen kat len kibigi iri-ge kar-e nembaga ereba-nen lomba wam ndogorosoma, len kuburug-e, an nilirak enanggul pem nagawan mendak kubukmu-o.

AYUP 1:21

yosolar-e: ”An ndet yosolar-e, ngenwa-t ndesa mbukmu-o. Wat yosolat na we ngenwa irit wat yimin-o. Nagawan Indo at-net wok niridnak me, wanosolat na at-net wanij-o. Iri ala, at unu nak kek tak wolmag-o!” luk yij-o.

AYUP 2:8

Ayup iri na-ge iri kwarak eneyakngen mbo bidnak sa ereba na eralu koreyak nak woralar-e, piring telak pem aboro nggwat tenak woragij-o.

NDAWI ENGGA 102:25

Nanduk o yu ndak worak pigen kuri-net kar-e woraso-nen yusu-o. Nde, mbal na kat kinggi-nen ndak worak pidnak-nen yusu-o.

NDAWI ENGGA 104:5

O yu-ge kat-nen-e mabin tugup lak pem-et pigenma-o. Iri rak pigenma, woralar-e, tugup lak, sil kudtak puk irit pem wolma-o.

NDAWI ENGGA 107:41

Alat nde, insilobulo lak nab-e it enlengenma lak woragwi iri na-ge imbiringgat tak onposolat, it inlirag-e kwarat tak onposolat, lomba wam oro nggal kwarat tak inpij-o.

NDAWI ENGGA 24:2

O yu mabin-e at-net yi koma urugwe nggwe posolat, yi koma yubuktak urugwe nggwe posolat kwaramu-o.

NDANIEL 2:48

Iri lug-e, nagawan-nen-e Ndaniel iri na-ge kek tak irit posolat, silobulo konak nak kwarat we wok tosolat, Mbabilonia iri me ngguberenot irit mendak posolat, nagawan woraso sa iri na me nagawan nggomo wurugwi nap ereba na enanggul pem ene kulurak nap irit obosolat kwarij-o.

NDANIEL 4:17

Nde, nit aid nap lid lud tak puruk, nenlengen lumbunugwi iri na-nen mbaridnak wene-ge yur-o. Nde, nit ninndi-nen pige-ge ap oboksa-nen enaru yogolar-e, Mbal Pem Nagawan Mondok Kek tak iri-ge nagawan-nen tenagidnak wi-ge at tena woralat, at-nen tenaga woraso wi iri-ge at-nen nagawan lenak puruk ininggem posolat, ap mondok teberag-et nde, inggem posolat na ndak-net yusu-o” luk aid nap-nen yij-o.

NDANIEL 6:3

Nde, at eyabu kona wanuwakluk, nagawan iri na-nen-e Ndaniel min ap mberen nap min-e it ngguberenot ereba na yik eneyarok wolmakluk lesa mendak inpij-o.

IBERANI 1:3

At Ambara iri-ge Mbal Pem Nagawan kektak woraso abinal-net yusu-o. Ambara iri-ge Mbal Pem Nagawan abage ndak worak-net yusu-o. At ene amawi bem-nen yi mende ndi mende oboksa yogo buruk worasu-o. At iri-nen-e ap-nen meya yogolat woraidnak oboksa marak purug-e, aid arem woraso Amawi worak Mbal Pem Nagawan na inggi kigit nggwe kore yij-o.

YAKOBUS 2:5

Kenabuwa worak nanggamirak wa-e. Wene yu koler-o. Nggweyak ma nap-nen enarengge lak eneyali nab-e Mbal Pem Nagawan-nen len onposolar-e, inndi angin tubu yugwi elem kwara winde rak unpuruk, Mbal Pem Nagawan abuwa kagwi nap enmanggim urul pidnak at-nen tenagaidnak wi na winde rak enpeyekluk len inpij-o.

NAM PARA WENE 1:6

at Eid Mbal Pem Nagawan eyabu wanuwakluk, tepan ombo rak nonposolar-e, nagawan tak ninpij-o. Yesus Kerisut iri-ge kek tak, amawi worak pem-et woralik nalik irit wolma-o! Amen.

NAM PARA WENE 22:5

Ndamug-e mondok lak me, Mbal Pem Nagawan eyaya nak-nen it yaya rak onposolat wolma me, tal min mo eyaya min iri-ge ir-e ukwe yuwa bug-o. Nde, ir-e nagawan luk, pem-et woralik nalik irit wolma-o.

NAM PARA WENE 3:21

An na namawi luk ombol nggwe yigirig-e, an Neid nagawan koreyak woraso ondoro iri me at eralu koreyak worasu iri nggal-et amawi luk ombol nggwe yuwa nab-e an-nen-e nagawan an koreyak woraso ondoro iri me an neralu koreyak ibimin-o.

NAM PARA WENE 5:10

Nde, it onnggo pigen nap iri-nen Nembal Pem Nagawan eyabu wanogolat, nggweyak ma yu me tena woragolat makluk, kat-nen tepan ombo rak onposolar-e, ap enlem misiget tak inpigen-o” luk yiga-o.

1 SEMUEL 15:17

Yosoloma, Semuel-nen yosolar-e: ”Kat kondomok-nen yebet kasolar-e: ’An nggal-e meyar-o’ luk yebet kaigen-et nde, kar-e Isarael nap enanggul pem nagawan kwat yigen-o. Kar-e Nagawan Indo net Isarael nap enanggul pem nagawan yonokluk lenak kebamu-o.