1 SEMUEL 2:6 - Nanduk Ngget Tul Pidnak Wene

⁶ Nagawan Indo iri-ge worak onposolat, unluk tak onposolat yoso-nen yusu-o. Nagawan Indo-nen-e ab-e wat luk ndok wiril mburugwi sa inpil ngguruk, at-nen iri me-n lesa inpil luwaso-o.

1 SEMUEL 2:6 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 17:22

Yosola-ge, Nagawan Indo-nen-e Elia-nen tepan yid iri na kulurug-e, la iri na-ge indisep wok yosolar-e, mondog-et uruk yij-o.

2 NAGAWAN NAGAWAN-NEN KWARIDNAK WENE 5:7

Isarael nagawan iri na-nen engga iri na wonatlug-e, indi wendet yosolat, usum ndela keya bosolat-nen yosolar-e: ”Mondok meya-o! Noluk-nen Siria nagawan iri-ge an-nen ap yu ki rak purak yak nirij-o? An-e Mbal Pem Nagawan nggal unluk tak posolat, lak tak onposolat kwaroso iri na nggal namawi worak ala-nen yij-a? Siria nagawan iri-ge an nimin yurak tu kore yosolat-nen yid kagi-o” luk yij-o.

AYUP 5:18

Mbal Pem Nagawan iri-ge at-nen andi bandi rak unpurug-e, at-nen ki rak onposo-net yusu-o. At inggi-nen undurug-e, inggi iri na-net ki rak onposo-o.

NDAWI ENGGA 116:3

An-e wat yugwi kere-nen kamarak nuburuk woralat, wat yugwi elem kwiye enaboro lera mboso iri na-ge an nebem woralat, an-e kwiye-nen mondok yamuksa woragit lag-o.

AID WENE YOSO NAP 3:3

undurak tarem min ki rak unpurak tarem min mijarurak tarem min o wururak tarem min wat tak pusu-o.

YESKIEL 37:12

Iri bem-e, an-nen nilirak Isarael nap kwat unpurak wene yak indi-o. Yak ondosolar-e: ’Nagawan Indo Mondok Kek tak an-nen-e kir-e yapma kinpidnak sa-nen tu kuwara lesa kinpil waruk, tuguruk wok kunpuruk Isarael nggweyak pem kinpil lobok yimin-o.

YESKIEL 37:3

Kasoma, Nagawan Indo-nen an kin wok nobosolar-e: ”Nggweyakma nap, lak yoso wa-e. Ap onowak nggilarak yeba-ge tuguruk unluk yurag-e ndag-er-a?” luk yij-o. Yosoloma, an-nen onggo yosolar-e: ”Nagawan Indo Mondok Kek tak wa-e. Kat nak karu-o” luk yak tigi-o.

MATIUS 12:40

Nde, Yunus na-ge keyane nggulok iri arem woralar-e, kubu-nen lengge-nen kenan tarem woragaij-o. Nde, iri nggal-et Ap Ambara na-ge nggweyak arem woralar-e, kubu-nen lengge-nen kenan tarem wolma-o.

YOANES 11:25

Yosoloma-ge, Yesus-nen Marata na yak tosolar-e: ”Unluk tak onposo elem min unlug-et wolmomtak elem min-e an-net yusu-o. Inndi-ge an nebem angin tubu yuwa nab-e wat ma-t nde, unlug-et ma-o.

TUGURUK YIDNAK WENE 32:39

Kwara yebet ker-o. Mbal pem nagawan nin mbi-ge mondok lak. Mbal Pem Nagawan-e an narig-et nak-nen yusu-o. An-e lak tak onposo min unluk tak poso min-nen yusu-o. An-e mep tak onposo min ambut tak onposo min-nen yusu-o. An-nen kwarosola-ge, ap misiger-o luk tet nebem kore yugwi buk-nen yusu-o.

NAM PARA WENE 1:18

An-e nuruk woraso-nen yusu-o. Ki-o. An-e wat yigi-t nde, nuruk yigirik, yawo-ge an-e nurug-et pem-et woralik nalik worasu-o. Wat yugwi elem min wat yugwi elem-nen tenagaidnak wi min tu mig worak pugwi-ge an ninggem worasu-o.

1 SEMUEL 20:3

Yosoloma, Ndaut-nen Yonatan yak tosolar-e: ”Kat-nen an nebem kindi kundik worasu yu-ge kat keij-e aru me, kat kindi puru yugun naru yak kirigit lak kuragusu-o. Nagawan Indo Uruk nak Woraso owag-o. An-e mondok kan ndamak pem worasu-o” luk yak tij-o.