1 SEMUEL 2:35 - Nanduk Ngget Tul Pidnak Wene

³⁵ Iri luk ombol nggwe-ge an-nen tepan ombo mondok tugup lak, an-nen yidnak yidnak oboksa kwaruwa nap misik lenak pimin-o. At-nen wigarag-e tepan omborak unpumu, tepan ombo-nen wanugwi yabu wanogolar-e, nagawan an-nen lenak inpimin ereba na endam yabu pempa wanogolat wolma-o.

1 SEMUEL 2:35 ပူးပေါင်းရင်းမြစ်များ

2 SEMUEL 7:27

Nagawan Indo Mondok Kamawi Worak Isarael nap Enmbal Pem Nagawan wa-e. Kat kondomok-nen yak norosolar-e: ’Kat-nen wigarak lolo ereba-nen-e misig-e an-nen Isarael nap ennggendumu nagawan tak pimin-o’ yigen iri bem-net an-e kwiye lag-et para tepan yu-ge yusu-o.

1 NAGAWAN NAGAWAN-NEN KWARIDNAK WENE 1:45

Iri rak puruk, Sandok min Natan min-nen-e Yi Nggion urusuom waruk mbirigarik, nagawan tak obogolat anggul pem amburu kilik puruk, yawo-ge tuguruk enalen pem o silmu waruk lobok yogolat kek kok pem lobok yili-o. Iri yogolat o siri oboksa enne nono mborosolat-nen yanem enne nggu ereba-ge kuligeb-o.

1 NAGAWAN NAGAWAN-NEN KWARIDNAK WENE 1:8

Alat nde, tepan ombo Sandok min Yoyanda ambara Mbenaya min Mbal Pem Nagawan ene lomboksa yoso nap Natan min Simei min Erei min Nagawan Ndaut yik karok woragwi san ombo min it ereya-nen-e Andonia ambigir-e yigit lag-o.

1 NAGAWAN NAGAWAN-NEN KWARIDNAK WENE 11:38

Kat-nen nde an ndegel noboso nap Ndaut-nen kwaroso nggal, an-nen idnak imiri mbarak pidnak wene-nen yidnak yidnak kwarosolat, kindi ebis-et an-nen yidnak ndak ndak kwarosolat, an-nen kwarurak kebem pidnak ereba oboksa kwarosolat, an nindi alen tak posola-ge, an-e pempa kimin-et woramin-o. An-nen kar-e Isarael iri me nagawan tak kibimin-o. An-nen yongga korosola-ge, kat-nen wigarag-e an-nen Ndaut kwarak ibigi iri na nggal-et Isarael nap ennggendumu nagawan men yogolat wolma-o.

NDAWI ENGGA 2:2

Nggweyakma yu me nagawan nagawan misik pem-et nak pugak yogolat, o tena woragwi enmawi worak ereba na-nen wene mbarogolar-e, Nagawan Indo min at-nen lenak pidnak nagawan min undurak wene mbarogolar-e:

YESKIEL 34:23

Nde, an-nen-e lomba ereba at nak-nen ndegel onposo nap kwat yosolat, kwara ndegel onposolat kwat tenak wolmaklug-e, an ndegel noboso nap Ndaut nggal nagawan misik lena mendak pimin-o.

IBERANI 2:17

Iri nggal yosolar-e, at-nen-e at owosirak enpage lid ludsa irit mondok kwat agaij-o. Iri kwat yid iri bem-e Mbal Pem Nagawan ndegel obosolar-e, owosirak entepan ombo kek tak mot mot nak yoso min unpud kwarat kaso min eyekluk-nen iri kwat yid iri-ge ap pidsa-nen meya yidnak na lak tak peyekluk-nen yij-o.

1 SEMUEL 10:10

Nde, Saul na-ge ndegel oboso nap iri na imin-e mbirigarik, o Nggibea wok yukmu-ge, Mbal Pem Nagawan ene lomboksa yugwi nap kere misik inmin lid pid yiga-o. Iri yukmu Mbal Pem Nagawan Indi-ge Saul iri na ebem wok yosolar-e, Saul na-ge Mbal Pem Nagawan ene lomboksa yugwi nap ereba na inmin ndawi kot kasolat, ene nggoksa yij-o.

1 SEMUEL 10:9

Yak tosoloma, Saul na Semuel eram-nen mborosoma ereya na-net Mbal Pem Nagawan-nen abage ngget irit wok tij-o. Nde, Semuel-nen yak tid ereba na-ge oboksa ndemeret iri na tarem-et kwat yij-o.

1 SEMUEL 12:3

Nde, yawo an-e kit kenlengen pem mendak worasu-o. An-nen nde meya mbi kwaridnak worala-ge, Nagawan Indo min at-nen nagawan lenak pidnak nap min enlengen pem-et: ’Kar-e iri kwarigen nar-o’ luk nimbiri parer-o. An-e ap erep enarengge sapi ala na, kelerai wam ala na mbi wanoso, lak? Are, kenmberam lasolat namawi bem kenarengge mengga wanosolat, onggo wok norogola lesa wanosolat kwaroso-a? Iri nde yoso ala-ge, tuguruk uwi yageyek-nen ndak yak nerer-o” yak ondosoloma,

1 SEMUEL 16:13

Yosoloma, Semuel-nen-e saitun amburu kenanggo iri na wanosolar-e, owerak ereba na enlengen pem-et nagawan tak obosolat Ndaut anggul pem amburu kilik pij-o. Iri yosola-ge, iri na tarem-et Nagawan Indo Indi-ge Ndaut ebem mbij-o. Iri tarem-nen tel korarik, Nagawan Indo Indi-ge pem irit Ndaut imin woragij-o. Iri lug-e, Semuel na-ge tuguruk ama Arama mbirij-o.

1 SEMUEL 2:36

Kat-nen wigarak-nen unluk wolma-ge tepan ombo iri eram uang min nunggwi mende min-e nggi yogolat wolma-o. Iri yogolat-nen nggi yogolar-e, ir-e nunggwi mende misik pem-et kum norak ereya na wok turak pem tepan ombo iri na yak ondosolar-e: ’Nab-o. Yongga kendeyek-nen ob-o luk yak nerer-o’ luk emengen mbaruwa-o” luk yak tij-o.

1 SEMUEL 25:28

Nab-o. An-nen meya mbi kwaridnak ala-ge, meme rak puruk keya bi-o. Nde, kar-e Nagawan Indo amanggim nak wim poso me, Nagawan Indo-nen-e kat min kat-nen wigarak inmin-e Isarael nap enanggul pem nagawan tak kunpuwa-o. Nde, kat pem woralar-e, meya mondok kwarugun puk irir-o.

1 SEMUEL 3:1

Nde ereya na tarem woragolar-e, la marik Semuel iri na-ge Eli-nen yik karok worala, Nagawan Indo ndegel obosolat woragij-o. Nde, ereya tarem-e Nagawan Indo-nen wene yak ondosolat ala na nabi bem yak ondosolat ala na iri-ge mondok lak nggal-et woragij-o.

1 SEMUEL 7:9

Iri yogola karug-e, Semuel-nen-e lomba usul misik wanarik, emben Nagawan Indo amanggim posolar-e ebis-et wosa kan pij-o. Iri rak purug-e, Nagawan Indo-nen Isarael nap yongga unduwakluk tepan yosola-ge, Nagawan Indo-nen-e Semuel ene-t kulij-o.

1 SEMUEL 8:3

Alat nde, it mberen ya na-ge ineid-nen kwaroso nggal-e kwarigit lag-o. Are, it ondomok enmanggim nak uang ndok wuruwaklug-e ap enpem wene mbenarogolar-e, onggo lesa wanogolat, ap enpem wene mot mot mbarugwi iri na-ge lugud tak pogolat woraiga-o.

1 SEMUEL 9:12

Nde, kweyap ndugum ereba-nen onggo yogolar-e: ”Worasu-o. Ar-e yanem-et nanduk mburusu-o. Kit nde ndag-et mborogolat-nen-e tenakub-o. Nde, ndobo bem Mbal Pem Nagawan amanggim kan pugwi sa ondoro iri bem o siri yu me woragwi nap-nen-e Mbal Pem Nagawan amanggim eyabi worak kan purak me, ar-e o silmu yu me wok yusu-o. Nde, at-nen-e Mbal Pem Nagawan amanggim kan purak ereba imbiringgat tak pigit lak ma-ge, yonggo inpidnak nap ereba-ge nunggwi mende-ge nujwa bug-o. Kit nde yanem-et mburugupndig-e, ar-e norak pem ndobo bem lagit lak ma imin lambuk yugub-o” luk yak indiga-o.