1 SEMUEL 2:30 - Nanduk Ngget Tul Pidnak Wene

³⁰ Isarael nap Kenmbal Pem Nagawan, Nagawan Indo an-nen nanduk urul yak kondosolar-e: ’Kenlem nap min konowe konowot min-e tepan ombo nggal an ndegel nobogolat woralik nalik irit woragub-o’ yak kindigi-t nde, yawo-ge iri kwarurak iri na-ge an-e mondok nisili-o! Are, an kek tak nubuwa nab-e kek tak inpimin-o. Nde, an teberak nubuwa nab-e an-nen na teberag-et inpimin-o.

1 SEMUEL 2:30 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 11:11

Iri yosolat-nen yosolar-e: ”Kar-e kindi-net an nimin urul pigen iri na kwid tosolat, an-nen kebem pigi ndak ndag-e kwarusu bug-o. Iri kwarosola me, kat-nen tenagidnak wi yu-ge an-nen tuguruk waga kat keyabu wanoso nap mbi wok timin-o.

NDAWI ENGGA 73:20

Nabi kaidnak kuplila meme yoso nggal, Nagawan Indo wa-e. Kat men yosola-ge, it iri-ge mondok lak luk ondoro yili-o.

NDAWI ENGGA 91:14

Mbal Pem Nagawan-nen yosolar-e: ”Ap an nebem inndi kundik worali nab-e an-nen inmiri yimin-o. An nimin-e: ’At iri-ge nit-nen idnak Nagawan Indo-nen yusu-o’ luk yili nab-e nggetlel unpuruk woramin-o.

NDAWI ENGGA 91:15

It-nen nde an neram wene pil luwagola-ge, an-nen enne erep nggarimin-o. Anggun panggun enpem mbidnak tarem na an-net yongga indimin-o. An-nen inmiri yosolat, kek tak onposolat yimin-o.

NGGOMO WENE 8:17

An-nen-e an nabuwa kali nab-et enabuwa kasu-o. An nogore yili nab-e niyujwar-o.

YESKIEL 34:10

Nagawan Indo Mondok Kek tak an-nen yak kundusu-o. An-e kit kinmin sirid nap-nen yusu-o. Nde, nolomba ereba na-ge kit kendam-nen tuguruk wanosolat, kit-nen lomba yik karok wolmomtak kenpem pigi yabu na-ge mondok pem lak tak pimin-o. An-nen-e kit kondomok kenmanggim nggok tak purak nak yebet kagwi elem iri na-ge lak tak pimin-o. Nde, nolomba ereba na-ge an-nen imiri yumu, kir-e nunggup pug-o’ yak kundusu-o” luk yij-o.

NDANIEL 4:34

Nde, nagawan an-nen yosolar-e: ”Olengen tuju iri na worarug-e, an nerengen-e mbal lik kasola-ge, ap nindi kwat yij-o. Iri yosola-ge, Mbal Pem Nagawan Mondok Kek tak iri na kek tak obosolat, at pem-et woralik nalik woraso iri na erembel wanosolat kek tak pigi-o. Iri yosolar-e: Mbal Pem Nagawan-e pem irit nagawan wolma-o. At-nen tenagidnak wi-ge pem irit wolma-o.

MALEAKI 1:6

Nde, Nagawan Indo Mondok Amawi worak iri na-nen tepan ombo yak ondosolar-e: ”Li marik-nen na ineidtag-e kek tag-et unpugwi-o. Ndegel unpugwi nap-nen na it onmborag-e kek tag-et unpugwi-t nde, an-e kit kineij-et nde, noluk-nen kir-e kek tak nibili bug-o? An-e kit konmbo-t nde, noluk-nen kir-e an naye kagit lak yili-o? Nde, kit-nen-e kenlengenma nggal tak nobogolar-et nde, kit-nen yogolar-e: ’Nir-e ngge kwarogolat-nen nenlengenma nggal tak kibili-o?” luk kin wok nibili-o.

MALEAKI 2:3

Kit kinlirag-e an-nen angin worak enpem pimin-o. Nde, kit kentare-ge an namanggim wosa kan pugwi ereba na al kela mbo bidnak ereba na bem kentare ndarak puruk, kenpe lesa wam al kela mbo bil mburugwi sa ereba na me mbo kinpil mbirimin-o.

WONARIDNAK WENE 11:20

Alat nde nok tenak waneya misik woragolat, kenabiru nggwe werek ma-o. Iri kwarogolar-e, sok worogolat kugwi kunduwa-o. Iri kwarugup iri-ge Nagawan Indo kennggendumu worasu iri keya ibigep iri-nen ndowaga kwarugub-o. Nde, ereb-e kit-nen at eram yip togolat-nen yogolar-e: ”Noluk-nen Mesira keya buruk lobok yige-o” yili iri-nen ndowaga kenpem mbuma-o’ yak indi-o” yak tij-o.

YOANES 12:26

An ndegel noboso nab-e an woraso sa an totno wolmokluk, an ndegel nuburak nab-e mondok an nimbirik nuwag-o. Nde, an ndegel nubuwa nab-e an Neid-nen kek tak ubuwa-o” luk yak indij-o.

YOANES 5:23

Nde, an Neid-nen amawi an ninggem pid iri-ge ap pidsa-nen Neid kek tak pili nggal, Ambara an na kek tak nubuwakluk-nen ninggem pij-o. Ambara an kek tak nibili buk nab-et wirik nibil lobok yidnak nap an Neid na kek tak pili bug-o.

YOANES 5:44

Nde, kit-nen-e: ’Mbal Pem Nagawan misiget nak iri-nen an kek tak nubuwa-o’ perali bug-o. Are, ki nap-nen kek tak kunpurak pem, kit na kit-net kentembel wok kerak mbili me, kir-e nggerak puruk-nen kinndi angin tubu yugub-o?

YOANES 8:49

Yogolikma-ge, Yesus-nen yosolar-e: ”An-e kugi narem nggwidnag-e lag-o. An-e Neid kek tak pusu-t nde, kit-nen-e an kek tak nibili bug-o.

1 KORINTUS 4:5

Iri nggal kwarak me, Nagawan Indo lobok yurak awo worasola kagit, kir-e awo ma-nen ap enpem wene mbarurak pug-o. Nagawan Indo lobok yosolar-e, ndamuk arem kura woraso na nam tak posolat, ap inndi arem-nen yimndidnak mende na nam tak puruk, nuk kujwa-o. Iri tarem-e, Mbal Pem Nagawan-nen ap oboksa enarik tak entembel wanuwa-o.

1 PETERUS 1:7

Nde, kinndi ngaruwa iri-ge kit-nen ndemeret Nagawan Indo ebem kinndi angin tubu yigep, lak? luk kinndi kasolat-nen kinndi-t ngaruwa-o. Lak momtak mende emas posid iri perak nde abut mbaruwokluk kan ma pugwi-o. Nde, emas posid iri-ge onggo nggulok pugwi mende-t nde, marik-nen yusu-o. Nde, kit kinndi angin tubu yidnak iri perak nggulok-nen yusu me, tugup lak wolmakluk mondok kinndi ngaruwa-o. Iri lug-e, Yesus Kerisut lobok yuwa tarem-nen-e kentembel wanogolat, kunnu kek tak pogolat, nggok tak konpogolat ma-o.

WENE MBENARUGWI NAP-NEN KWARIDNAK WENE 9:10

Yosoloma, e erep ereba na-nen e ara yak togolar-e: ’Iri ala-ge, nit nennggendumu nagawan-e kar-et men min-o’ yak tiga-o.