1 SEMUEL 2:29 - Nanduk Ngget Tul Pidnak Wene

²⁹ Iri yidnag-et nde, noluk-nen kar-e an nelem nap-nen an namanggim wam wosa pidnak ereba na yik karug-e, kebem-e lasu bug-o? Noluk-nen Eli kar-e an kek tak nuburak iri na keya buruk, kambararak nde kek tak onposolat, an nilirak-nen namanggim wosa pidnak ereba na oboksa-ge an-e abok tak nuburuk, uno konak ereba na-ge it enmanggim nak wanuwakluk kar-e larok nak yusu-o?

1 SEMUEL 2:29 ပူးပေါင်းရင်းမြစ်များ

YESKIEL 34:10

Nagawan Indo Mondok Kek tak an-nen yak kundusu-o. An-e kit kinmin sirid nap-nen yusu-o. Nde, nolomba ereba na-ge kit kendam-nen tuguruk wanosolat, kit-nen lomba yik karok wolmomtak kenpem pigi yabu na-ge mondok pem lak tak pimin-o. An-nen-e kit kondomok kenmanggim nggok tak purak nak yebet kagwi elem iri na-ge lak tak pimin-o. Nde, nolomba ereba na-ge an-nen imiri yumu, kir-e nunggup pug-o’ yak kundusu-o” luk yij-o.

YESKIEL 34:2

”Nggweyakma nap, lak yoso wa-e. Isarael nap nagawan nagawan ereba innggiri wiri-o. It yak ondosolar-e, Nagawan Indo Mondok Kek tak an-nen it yak undusu wene yu kwara yak indi-o: ’Isarael nap yik eneyarok woragwi nap wa-e. Kir-e kit kondomok kenmanggim nak nggok tak pili-o. Alat nde, kit konlomba amanggim-e nggok tak pili bug-o. Iri kwatli bem-e mondok lak tak kinpimin-o.

OSEA 4:8

Kir-e an nilirak-nen meya kwarugwi bem yi mende ndi mende ombo yogolat me, kit-nen-e an nilirag-e meya nak kwat tenak wolmag-o luk perali-o.

TEPAN OMBO-NEN KWARURAK WENE 19:15

Kit-nen ap enpem wene mbarogolar-e, ap enarengge lak nap enambigit na yurak puk. Ap kek tak na enaye yurak puk. Are, mot mor-et ap enpem wene mbarurag-o.

MIKA 3:5

Ennesiget Mbal Pem Nagawan ene lomboksa yugwi nap ereba-ge onggo wok ondogola-ge, ”Kir-e yamuksa woragub-o” luk wene yak ondogolat, nde, onggo wok indigit lak nab-e inmin sirid mbarogolat ereba kwat onpogolar-e, an nelem nap enmberam lali-o. Ennesiget Mbal Pem Nagawan ene lomboksa yugwi nap ereba nggal ereba na Nagawan Indo-nen yak ondogolar-e:

MATIUS 10:37

Ta-nen nde eid ija enabuwa nggulok tak posolat, an nabuwa marik tak pusu nab-e an nap kwat momtag-e meya-o. Nde, ta-nen nde at ambara nde ara nde nak enabuwa nggulok tak posolat, an nabuwa marik tak pusu nab-e an nap kwat momtag-e meya-o.

MATIUS 22:16

Iri luk, it-nen wirik onpogolar-e, it inmin nugwi nap ereb-e Eroriani nap inmin luk, Yesus eram wok luk, at yak togolar-e: ”Nggomo Ondoso Nap wa-e. Kar-e lud tak nak yoso nap-nen yusu-o luk nir-e nenaru-o. Nde, Mbal Pem Nagawan urula mburugwi wene-ge nam-et nak ap mirik onposolat, ap entare mbenaroso buk me, kar-e kwiye lag-et mirik onposo-o.

LUKAS 14:26

”Ta-nen nde an neram lobok yosolar-e, at eid ija min ogwe la min owe owosi min at ondomok indi min isili rak pigit lak-nen-e an nimbirik noso nap momtag-e meya-o.

OROMA 16:18

Iri nggal kwarugwi nab-e Nenagawan Indo Kerisut na ndegel ibili-ge lag-o. Are, it ondomok ukwe mende na lesa wanuwokluk-nen yili-o. Nde, iri kwarogolar-e, enaru buk woragwi nap na onmbol pem lagolat, enne amburu bem inndi wanili-o.

2 KORINTUS 5:16

Iri bem, nir-e ap enpage mbenarogolar-e, ki nap-nen irit wurugwi mende bem-nen mbenatli bug-o. Nanduk nir-e Kerisut abage mbenarogolar-e, ki nap-nen irit wurugwi mende bem mbenarige-t nde, yawo-nen-e iri nggal kwasa at abage mbenatli bug-o.

TUGURUK YIDNAK WENE 32:15

Iri kwarosola-ge, Nagawan Indo ilirag-e enarengge kwarat worak woragolar-et nde, eyak wurugwi irit woraiga-o. Ir-e nunggwi mende inmbitsa nonggolat enpe-ge nggok yiga-o. Iri yogolar-e, Inmiri Yoso Nap ndak wat inpid Nagawan Indo iri na-ge keya biga-o.

TUGURUK YIDNAK WENE 33:9

Nde, it ineid iniya min onowe onowot min nen yidnag-e marik tak puruk, kat-nen yidnak yidnag-et tugup lak kwariga-o. Kat-nen enpem pidnag-e ndak ndag-et kwarogolat, kat-nen urul yak indidnag-e iri na-t kwarogolat woraiga-o.

YAKOBUS 3:17

Alat nde, aid arem-nen mbuwaidnak inndi nggat nggat elem-e yu nggal-o: Nandug-er-e mbek tag-et woraso, iri-nen-e lambuk tak onposo, yanggonak nak woraso, yidnak yidnak nak kwaroso, enabuwa nak kaso, konak mende nak kwarak poso-nen yusu-o. Inndi nggat nggat elem iri-ge ap entare lombonoso buk, indi-net nde enesiget siget yoso buk-nen yusu-o.

1 SEMUEL 3:13

An-nen Eli yak tosolar-e: ’Kat kambararak-nen an-e enlengenma nggal tak nibili me, pempa kat kelirag-e angin worak mende enpem mberak pimin-o’ luk yak tigi-t nde, Eli-ge it-nen meya kwarugwi-ge aru-net nde, isilepma-ge enpem poso bug-o.