1 SEMUEL 2:10 - Nanduk Ngget Tul Pidnak Wene

¹⁰ Nagawan Indo uwim nab-e yigisa lak tak onposola, kwiye yili-o. It enpem mbal pem-nen ene o nggu nggal yoso-o. Nagawan Indo-nen nggweyakma woragwi nap oboksa enpem wene mbenaruwa-o. At amawi nggok iri na-ge at-nen lenak pid nap nagawan iri na wok tuwa-o” luk yij-o.

1 SEMUEL 2:10 ပူးပေါင်းရင်းမြစ်များ

2 SEMUEL 22:14

Iri kwarosolar-e, Mbal Pem Nagawan Mondok kek tak iri na-nen at ene kuluwakluk teram nggwe-nen Nagawan Indo ene o nggu nggal yij-o.

2 SEMUEL 7:8

Iri bem-e Natan kat-nen an ndegel noboso nap Ndaut iri yak ti-o. An-e Nagawan Indo Nemawi Worak-nen at yak tosolar-e: ’An-nen kat len kibigi iri-ge kar-e nembaga ereba-nen lomba wam ndogorosoma, len kuburug-e, an nilirak enanggul pem nagawan mendak kubukmu-o.

AYUP 40:9

Kar-e kamawi-ge an namawi ndak ndak-nen yusu-a? Kat kene-ge an nene o nggu nggal yoso iri nggal yugun-a?

NDAWI ENGGA 132:17

Yu me-ge an-nen-e Ndaut-nen wigarak misig-e nagawan tak ibimin-o. At-nen nagawan woraso amawi-ge an-nen tugup lak tak pumu, pem irit nagawan wolma-o.

NDAWI ENGGA 148:14

At-nen-e at ilirak amawi wok ondosola, at ilirak indi kundik Isarael nap-nen-e at nak erembel wok tenak worali-o. Nagawan Indo nak erembel wanurag-o!

NDAWI ENGGA 2:2

Nggweyakma yu me nagawan nagawan misik pem-et nak pugak yogolat, o tena woragwi enmawi worak ereba na-nen wene mbarogolar-e, Nagawan Indo min at-nen lenak pidnak nagawan min undurak wene mbarogolar-e:

NDAWI ENGGA 2:6

Iri yosolat-nen yak ondosolar-e: ”Nondobo Sion marak iri na bem-nen an-nen idnak nagawan irit mendak pigi-o” luk yak undusu-o.

NDAWI ENGGA 2:9

Kat-nen-e it iri-ge posid wangun pem tenggerak unpugun-o. Kat-nen-e nggweyak yimbe nggal ndamera keya unpugun-o’ luk yak nirij-o” luk yij-o.

NDAWI ENGGA 89:17

Kat-nen-e kwiye worak kwasa ombol nggwe rak nonposo-o. Kat-nen konak kwat nonposo bem-net nir-e ombol nggwe rak nonposo-o.

NDAWI ENGGA 89:24

An-e pempa at abuwa kasolat, mot mot tugup lak kwat obosolat woramin-o. An-nen yongga worosola, at-nen yidnak amawi-ge nambena mbo lasolat wolma-o.

NDAWI ENGGA 89:25

At-nen tenagidnak wi an-nen wigak tak posolar-e, Yi Koma Nggulok iri na kuri-nen lingsa Yi Eperat kuri irit mburuwa-o.

NDAWI ENGGA 96:13

Iri yugup iri-ge Nagawan Indo-ge nggweyakma wi yu me tenageyekluk lobok yosolar-e, at-nen ap enlem oboksa enpem wene mbenarosolar-e, ndemeret mot mot, lud tak pem-et enpem wene mbenaruwa-o.

MBIRIGA WENE 15:6

Nagawan Indo wa-e. Kat kinggi kigit amawi-ge ap-nen wi yugwi-nen yusu-o. Kat kinggi-nen wim nab-e yigisa lak tak inpigen-o.

AID WENE YOSO NAP 11:9

Ap sujwe wa-e. Kunsujwe woragolat-net kenalin kenalen yogolat wolmer-o. Kit kinndi-nen ukwe yidnak min kinndi pidnak min-nen yidnak yidnag-et kwarogolat wolmer-o. Alat nde, kwara kenaru wolmomtag-o. Mbal Pem Nagawan aid arem worasu iri-nen-e kit-nen kwarugup oboksa-ge mbenaruwa-o.

YESAYA 32:1

Nagawan misik menluk, mot mor-et o tena worala, enne kulugwi nap ereba na-nen mot mor-et kwarogolat wolmomtak tarem-e wog-et ma-o.

YESAYA 45:24

Ap-nen yogolar-e: ’Nagawan Indo nak-nen ombol nggwe yugwi elem min mot mot kwarugwi elem min iri-ge wok ondoso-o’ luk yuwa-o. Alat nde, an insili rak nubugwi nap oboksa-nen an neram lobok yogolar-e, innggiri ma-o.

MATIUS 25:34

Iri luk, Nagawan na-nen at inggi kigit nggwe wolma nap na yak ondosolar-e: ’An Neid-nen imbiringgat tak kinpid nap wa-e. Lobok yer-o. Nggweyak ma yu me ndak wirid kuri-nen kit kenmanggim lid lud tak pidnak nagawan-nen tenagaidnak wi yu winde yil lobok yer-o.

MATIUS 28:18

Nde, Yesus na it endam panggo yosolat-nen it yak ondosolar-e: ”Aid arem amawi min nggweyak ma amawi min oboksa-ge an ninggem pidnak-nen yusu-o.

LUKAS 1:69

Ninmiri yurak amawi worak nap wok nindid iri-ge at ndegel oboso nap Ndaud-nen wigarak-nen yusu-o.

LUKAS 19:27

Nde, an nimin wim nap an it ennggendumu nagawan wolmomtak insili yiga nap iri-ge wok unpuruk lobok luk, an nimbiri bem pidsa ender-o’ ” luk yij-o.

YIDNAK YIDNAK WENE 10:38

Nde, Mbal Pem Nagawan-nen Yesus Nasaret nap na ebem-e Konak Indi min amawi min kilik pidnak wene-ge kenaru nar-o. Mbal Pem Nagawan-e at imin woralat me, at waring kasolar-e, konak nak kwarosolat, Sere-nen yemen inpidnak nap oboksa ki rak inpil waring kagaij-o.

YIDNAK YIDNAK WENE 4:27

Ndemerer-o. O siri yu me-nen Erores min Pontius Pilatus min-e enlem nin nap min Isarael nap min ndok worogolar-e, kat Ndegel Koboso Len Ibidnak Nap Yesus, kat-nen amburu ebem kilidnak nap imin wim mbaruwokluk ndok wiriga-o.

2 KORINTUS 5:10

Lag-e lag-o. Nit oboksa-ge Kerisut-nen ap enpem wene mbareyekluk kore yurak sa iri me wok yul-o. Iri me-nen-e ap enariktak-nen unluk woragolat-nen kwarogolat woraidnak na onggo wanogolar-e, konak nak kwaridnak ala na, meya kwaridnak ala na, onggo-ge ndak ndag-et wanuwa-o.

WENE MBENARUGWI NAP-NEN KWARIDNAK WENE 5:31

Nagawan Indo wa-e. Kuwim nap oboksa-ge Sitera lak yid iri nggal-e lak mag-o. Alat nde, kat kanggamirak oboksa-ge molengen kona bil wasolat konak eyaya worag-et wasu iri nggal-et wolmag-o. Iri lug-e o iri na kona yamuksa woragolar-e, olengen empat pulu (40) irit woraiga-o.

1 SEMUEL 12:13

Iri yigep na-ge yawo-ge kit-nen nggi yigep nage nagawan-e yur-o. Nagawan Indo-nen wok kendamu-o.

1 SEMUEL 12:17

Yawo-ge o kibi mbud yarik worasu-t nde, an-nen Nagawan Indo eram wene pil lasola-ge, at-nen erep nggarosolar-e, o nggu ngak yosolat, talme mberak pil mbuwasola, kagub-o. Iri ala, kit-nen yebet kagolar-e: ’Nit-nen nagawan misik nggi yige bem-e Nagawan Indo imin meya nggok irit kwarige-o’ luk yebet kagub-o” yak indij-o.

1 SEMUEL 12:18

Iri yak unduruk, Semuel-nen tepan yosola-ge, iri na tarem-et Nagawan Indo-nen talme mberak posolat, o nggu rak posolat kwarij-o. Iri yosola-ge, Isarael nap oboksa-nen-e Nagawan Indo min Semuel min enaye kaiga-o.

1 SEMUEL 12:3

Nde, yawo an-e kit kenlengen pem mendak worasu-o. An-nen nde meya mbi kwaridnak worala-ge, Nagawan Indo min at-nen nagawan lenak pidnak nap min enlengen pem-et: ’Kar-e iri kwarigen nar-o’ luk nimbiri parer-o. An-e ap erep enarengge sapi ala na, kelerai wam ala na mbi wanoso, lak? Are, kenmberam lasolat namawi bem kenarengge mengga wanosolat, onggo wok norogola lesa wanosolat kwaroso-a? Iri nde yoso ala-ge, tuguruk uwi yageyek-nen ndak yak nerer-o” yak ondosoloma,

1 SEMUEL 15:28

Iri ala karuk, Semuel-nen Saul yak tosolar-e; ”O yawo-net kat-nen Isaraei nap ennggendumu nagawan woraso iri na-ge Nagawan Indo-nen kat kinggem-nen lit yaga kat nggal-e lag-o. Are, konak mot mot nak kwaroso nap misik wok tij-o.

1 SEMUEL 16:1

Nde, siyak woraruk misik tarem-e Nagawan Indo-nen Semuel yak tosolar-e: ”Kar-e Saul yebet karuk, kindi andi kerenak worasu-a? Nde, Saul iri-ge Isarael nap ennggendumu nagawan woraso iri na-ge lak tak pigi nar-o. Kar-e saitun engen amburu kenanggo waruk Mbetleyem ap misik unu-ge Isai iri eram-et mbiri-o. At iri ambararak ennggendumu misig-e nagawan wolmakluk an-nen lenak pukmu-o” luk yak tij-o

1 SEMUEL 7:10

Nde, Semuel-nen Nagawan Indo amanggim lomba wosa kan posoma ereya na-net Pilisin nap nen Isarael nap enpem mbud yukmu ereya na-net Nagawan Indo-nen enpem o nggu ngara mberak posoloma, Pilisin nab-e nari wari yogolat, inndi kabak yidnak irit ndi yiga-o.